Xogos Olímpicos de 2016

Na Galipedia, a Wikipedia en galego.
Xogos da XXXI Olimpíada
Olympic rings with white rims.svg
Río de Xaneiro 2016
Estados Participantes
Atletas
Eventos 304 en 28 deportes
Cerimonia de Apertura 5 de agosto
Cerimonia de Clausura 21 de agosto
Apertura oficial
Xuramento do Atleta
Xuramento do Xuíz
Xuramento do Adestrador
Facho Olímpico
Local Estádio do Maracanã

Os Xogos Olímpicos de 2016, correspondentes á XXXI Olimpíada, terán lugar en Río de Xaneiro (Brasil) entre o 5 e o 21 de agosto de 2016. A cidade brasileña organizará de xeito conxunto os XV Xogos Paralímpicos entre os días 7 e 18 de setembro dese mesmo ano.

Proceso de candidatura[editar | editar a fonte]

O proceso de elección da sede dos Xogos Olímpicos de Verán de 2016 levouse a cabo entre 2007 e 2009 e contou coa participación de sete cidades de tres continentes. Outras plantexáranse participar no proceso, mais finalmente non se inscribiron.

O 13 de setembro de 2007 pechouse o prazo de inscrición. Dúas cidades americanas (Chicago e Río de Xaneiro), dúas asiáticas (Doha e Toquio) e tres europeas (Baku, Madrid e Praga) oficializaron a súa candidatura. O 4 de xuño de 2008 o Comité Olímpico Internacional (COI) revelou o resultado das avaliacións preliminares das sete cidades postulantes, eliminando a Baku, Praga e Doha, quedando as outras catro cidades como candidatas: Río de Xaneiro, Madrid, Toquio e Chicago.

A segunda fase comezou co Programa de Observación dos Xogos Olímpicos de 2008, en Beijing. Logo de elaborar o seu libro de candidatura e recibir a visita da Comisión Avaliadora do COI, as cidades candidatas participaron nun encontro en xuño, promovido por primeira vez na historia, cos membros do COI, que elexirían a sede dos Xogos de 2016.

En setembro de 2009, a Comisión Avaliadora divulgou as suas impresións sobre os proxectos finalistas. Toquio, a cidade que tiña a nota preliminar máis alta, perdeu o favoritismo, principalmente devido aos baixos niveis de apoio popular que a candidatura recebia. Chicago sufriu coas protestas internas e as leis americanas. A candidatura de Madrid tivo o proxecto máis criticado, principalmente a causa da falta de claridade das leis antidopaxe no Estado español e da estrutura organizativa do comité local. As críticas fixeron facer cambios en moi pouco tempo aos representantes da candidatura, e mesmo co alcalde Alberto Ruiz-Gallardón xa admitindo a derrota, o Parlamento Español aprovou a alteración das leis antidopaxe do país poucos días antes da votación. Pola súa banda, a candidatura de Río de Xaneiro, a pesar de ter tido boas notas, tiña problemas cos aloxamentos e os transportes. As avaliacións foron consideradas equilibradas, non sendo posible ata aquela apuntar a ningunha cidade como favorita, nin polo presidente do COI, Jacques Rogge, nin polos membros da entidade, que tiñam o dereito de escoller a vencedora, así como por parte da prensa e sitios web especializados.

A elección[editar | editar a fonte]

A sede dos Xogos Olímpicos e Paralímpicos de Verán de 2016 foi escollida o día 2 de outubro de 2009 en Copenhaguen (Dinamarca), durante a 121ª sesión do Comité Olímpico Internacional. Logo da eliminación das cidades de Chicago e Toquio na primeira e segunda votación respectivamente, chegaron á final as cidades de Madrid e Río de Xaneiro, saíndo vencedora na votación final a cidade brasileña ao acadar a maioría dos votos.

121ª sesión
Comité Olímpico Internacional
2 de outubro de 2009, no Bella Center, Copenhagen, Dinamarca.
Cidade Estado 1ª Rolda 2ª Rolda 3ª Rolda
Río de Xaneiro Flag of Brazil.svg Brasil 26 46 66
Madrid España España 28 29 32
Toquio Flag of Japan.svg Xapón 22 20
Chicago Estados Unidos de América Estados Unidos 18

Véxase tamén[editar | editar a fonte]

Ligazóns externas[editar | editar a fonte]