Xogos Olímpicos de 1964

Xogos da XVIII Olimpíada
Toquio 1964
Estados Participantes	93
Atletas	5140
Eventos	163 en 19 deportes
Cerimonia de Apertura	10 de outubro
Cerimonia de Clausura	24 de outubro
Apertura oficial	Emperador Hiroito
Xuramento do Atleta	Takashi Ono
Entrada do Facho Olímpico	Yoshinori Sakai
Local	Estadio Olímpico

Os Xogos da XVIII Olimpíada foron realizados en Toquio, en Xapón, entre o 10 e o 24 de outubro de 1964, sendo os primeiros Xogos Olímpicos realizados en Asia. A cidade xa conquistara o dereito de realizalos en 1940, pero a invasión da China por Xapón os transferiu para Helsinqui, en Finlandia. Co estourido da II Guerra Mundial en 1939, os Xogos de 1940 foron finalmente cancelados.

En 1958, Toquio conquistou finalmente o dereito de cidade-sede para o ano de 1964, derrotando na votación do Comité Olímpico Internacional as cidades de Detroit, Bruxelas e Viena.

Abertos polo Emperador Hiroito en persoa, coa presenza de 5.151 atletas de 93 estados, o momento máis simbólico do evento foi a entrada no estadio, cargando a antorcha olímpica, do mozo Yoshinori Sakai, de 19 anos, nacido en Hiroshima o día 6 de agosto de 1945, o mesmo día no que a bomba atómica foi detonada sobre a cidade. A súa escolla foi unha homenaxe ás vítimas do holocausto nuclear e unha chamada á paz mundial.

Curiosidades

• Estes foron os primeiros xogos transmitidos por un satélite de comunicación xeoestacionario para outros continentes e o primeiro programa de televisión en cruzar, en vivo, o Océano Pacífico.

• O judo e o voleibol, deportes moi populares en Xapón, foron introducidos nos Xogos de 1964, alén do Péntatlon moderno feminino.

• A nadadora australiana Dawn Frazer conquistou a terceira medalla de ouro consecutiva nos 100m libres (Melbourne 56, Roma 60 e Toquio 64) mentres que o grande nome da natación foi o do norteamericano Don Schollander, con catro medallas de ouro.

• O etíope Abebe Bikila tórnase bicampión olímpico da Maratón, primeiro home na historia en conseguir tal fazaña, seis semanas após dunha extracción de apéndice. Correndo os 42 kms da proba desta vez calzado e agora polas rúas da capital xaponesa, quebra novamente o marca mundial da modalidade.

• A fabulosa ximnasta soviética Larissa Latynina pechou a súa inigualable carreira gañando dúas medallas de ouro no chan e no xeral por equipos (as dúas por terceira vez consecutiva) acumulando un total de 18 medallas, sendo 9 delas de ouro, tornándose a maior campioa olímpica, en calquera deporte, de todos os tempos, cunha cantidade de medallas inalcanzable até hoxe.

• O neozelandés Peter Snell afirmouse como o maior medio fondista do planeta ó gañar o ouro nos 800 e nos 1500 metros do Atletismo.

• A pista de atletismo sintética foi empregada por primeira vez nos Xogos.

Modalidades disputadas

Participantes

Atletismo. Baloncesto. Boxeo. Piragüismo. Ciclismo. Esgrima. Fútbol. Ximnasia. Halterofilia. Hípica. Hoquei sobre herba.

Judo. Loita. Natación. Péntatlon moderno. Wáter-polo. remo. Saltos de trampolín. Tiro. Vela. Voleibol.

Cadro de medallas

Cadro de Medallas
Posición	País				Total
1	Estados Unidos	36	26	28	90
2	URSS	30	31	35	96
3	Xapón	16	5	8	29
4	Equipo Unido de Alemaña	10	22	18	50
5	Italia	10	10	7	27
6	Hungría	10	7	5	22
7	Polonia	7	6	10	23
8	Australia	6	2	10	18
9	Checoslovaquia	5	6	3	14
10	Reino Unido	4	12	2	18