Belo Horizonte

Na Galipedia, a Wikipedia en galego.
Belo Horizonte
Bandeira de Belo Horizonte.png Brasao de Belo Horizonte.png
Estado Minas Xerais
Superficie 330,95 km²
Poboación
Densidade
2.479.175 (2013)7.491,08 hab./km²
Altitude 858 msnm
Distancia de Brasilia 716 km
Código Postal (CEP) 30000-000
Situación xeográfica 19° 55' lat. sur
43º 56' lonx. oeste
Goberno local Prefectura Municipal de Belo Horizonte - Av. Afonso Pena, 1212, Centro
Sitio www.pbh.gov.br
Contacto scomarh@pbh.gov.br
Mapa da cidade no Brasil
Belo Horizonte in Brazil.png


Belo Horizonte é a capital do estado brasileiro de Minas Xerais. É a sexta cidade do país en poboación total, despois de São Paulo, Río de Janeiro, Salvador, Brasilia e Fortaleza. A súa área metropolitana ten uns 4,6 millóns de habitantes. Sitúase a 716 km de Brasilia, 586 km da cidade de São Paulo, 444 km da cidade do Río de Janeiro e a 858 m de altitude sobre o nivel do mar.

Belo Horizonte, capital de Minas Xerais.

Historia[editar | editar a fonte]

Comezos modestos[editar | editar a fonte]

En 1701, Joao Leite da Silva Ortiz estableceu a Fazenda do Cercado nas ladeiras da que sería chamada Serra do Curral, porque axiña a facenda converteuse na base do núcleo coñecido coma Curral del Rei, que para 1707-11 xa tiña recoñecemento oficial (carta de sesmaria). En 1750 foi creado por orde da Coroa Portuguesa o distrito de Nosa Señora da boa Viaxe do Curral del-Rei. O distrito era entón sede da freguesía do mesmo nome, instituída en 1718 en torno á capela alí construída por Francisco Homem del-Rei. A freguesía foi instituída oficialmente en 1748.

Dende o NO; ao fondo as torres da igrexa.
Nossa Senhora da Boa Viagem no centro do Curral del Rei

Unha pequena capela foi erixida en 1718 (despois Igrexa de Nosa Senhora de Boa Viagem e hoxe catedral, o único predio conservado) no centro da poboación coñecida xa como Arraial do Curral del Rei. Para fins do século XIX contaba 4.000 habitantes e, trala proclamación da República, mudou o nome ao de Arraial de Belo Horizonte (1890)[1][2].

A capital de Minas Gerais ata entón, Ouro Preto, carecía da infraestrutura dunha cidade moderna e a súa topografía imposibilitaba o desenrolo que pretendían as autoridades republicanas no seu impulso á descentralización federal.

A fins do século XIX, a entón capital de Minas Xerais, Ouro Preto, presentaba dificultades de acomodar unha expansión urbana, debido á súa localización. Iso xerou a necesidade da transferencia da capital para outro sitio. Unha comisión dirixida por Aarao Reis apuntou a escolla do lugar do Arraial de Belo Horizonte para unha nova capital (posición central, ben comunicada, clima benigno, rico en auga), comezando en 1894 as obras segundo proxecto do mesmo enxeñeiro e urbanista. O municipio foi desmembrado de Sabará e no principio foi denominado Cidade de Minas. A capital do estado foi oficialmente transferida en 12 de decembro de 1897 durante o goberno de Crispim Jacques Bias Fortes, xa co nome de Belo Horizonte. En 1897 tivo lugar a inauguración oficial (aínda sen terminar) co nome de Cidade de Minas, que en 1901 foi modificado ao definitivo de Belo Horizonte.

O proxecto da nova capital de Minas[editar | editar a fonte]

Plan de Aarao Reis, 1895 (o N embaixo)

O plan de Aarao Reis tentaba unha síntese entre a cuadrícula colonial americana e os exemplos paradigmáticos do urbanismo do século que finaba: o París de Haussmann e Washington coas súas grandes arterias diagonais, ademais dunha gran avenida perimetral (Av. do Contorno). Esta separaba a área propiamente urbana dun área suburbana con trazado irregular de transición cara a área rural.

Avenida Afonso Pena, arteria principal de BH, 1900

Nos encontros das avenidas diagonais ábrense prazas cos edificios oficiais e representativos. Un gran parque municipal completaba o deseño. Inda que materializado na súa maior parte o plan era unha concepción do século XIX, elitista (os antigos habitantes do arraial e obreiros foron excluídos, aparecendo as primeiras favelas), encapsulada e ideal para un século novo que viña cheo de retos e novidades.

Praza Raul Soares, 1930

Estaba proxectado para unha poboación de 100.000h que xa en 1940 (inda que ata 1922 o crecemento foi mínimo pola crise financeira) a cidade dobrara. A necesidade de expansión non tivo o seu reflexo nun planteamento acorde co inicial. A ausencia dunha conexión vial apropiada entre a trama regular central, illada pola Av. do Contorno, e a suburbana supuxeron un atranco engadido. Así, o crecemento maiormente foi levado a cabo sen orde nin xeito [3].


Pampulha[editar | editar a fonte]

Igrexa de S.Francisco

A excepción máis notable dese desenrolo desordenado e anónimo foi a erección do conxunto de Pampulha, un barrio ao norte. Dende 1940 era prefeito da cidade Juscelino Kubitschek (despois presidente do país e impulsor de Brasilia), que deseguido encargou ao arquitecto Oscar Niemeyer o plan de acondicionamento do entorno dunha lagoa artificial embalsada nese tempo. O resultado foi un conxunto arquitectónico e paisaxístico de lecer (1943[4]) que supuxo o lanzamento da arquitectura moderna brasileira na escea internacional e por extensión a de Niemeyer e outros artistas que colaboraron, sinaladamente o paisaxista Burle-Marx.

A área de Pampulha tense convertido na actualidade nunha zona de equipamentos culturais, educacionais e o futuro parque tecnolóxico.

Metrópole[editar | editar a fonte]

O crecimento froito da industrialización foi intenso a partir de entón. O centro densificouse polo incremento de alturas ata configurar un bosque de pequenos rañaceos [5][6][7]. Pronto os límites da prefeitura foron sobrepasados, comezando a conformarse a área metropolitana que continúa a expansión da terceira metrópole do Brasil [8].

Economía[editar | editar a fonte]

Belo Horizonte ten hoxe o 5º máis grande Produto interno bruto de entre as cidades brasileiras. O sector terciario (comercio e servizos) responde por 80 % de súa economía. O sector industrial responde por case todo o resto.

A súa rexión metropolitana posúe o 5º maior parque industrial da América do Sur, co destaque para a produción de automóbiles e súas pezas, siderurxia, electrónica e construción civil.

Notas[editar | editar a fonte]

  1. Planta do Arraial de Belo Horizonte, 1894 [1]
  2. Panorama do Arraial dende o SE, 1894 [2]
  3. Evolución da mancha urbana de BH [3]
  4. Conxunto de Pampulha, "Arquitextos 004" [4]
  5. Vista aérea coa dobre retícula e as primeiras torres, 1960 [5]
  6. Idem, Av.Afonso Pena e Parque Municipal en primeiro plano; detrás á dereita Praza Soares, 1950 [6]
  7. Vista xeral do centro na actualidade [7]
  8. Vista satelital da área metropolitana de BH [8]

Véxase tamén[editar | editar a fonte]

Commons
Commons ten máis contidos multimedia na categoría: Belo Horizonte

Ligazóns externas[editar | editar a fonte]