Belo Horizonte
 |
Suxeriuse que "Historia urbana de Belo Horizonte" sexa fusionado con este artigo ou apartado (conversa). Para realizar a fusión dos artigos sigue estes pasos. |
|
|||
| Estado | Minas Xerais | ||
| Superficie | 332 km² | ||
| Poboación Densidade |
2.412.937 (2007)7.290,8 hab./km² | ||
| Altitude | 858 msnm | ||
| Distancia de Brasilia | 716 km | ||
| Código Postal (CEP) | 30000-000 | ||
| Situación xeográfica | 19° 55' lat. sur 43º 56' lonx. oeste |
||
| Goberno local | Prefectura Municipal de Belo Horizonte - Av. Afonso Pena, 1212, Centro | ||
| Sitio | www.pbh.gov.br | ||
| Contacto | scomarh@pbh.gov.br | ||
| Mapa da cidade no Brasil | |||
|---|---|---|---|
 |
|||
Belo Horizonte é a capital do estado brasileiro de Minas Xerais. É a cuarta cidade do país en poboación total, despois de São Paulo, Río de Xaneiro e Salvador. A súa área metropolitana ten uns 4,6 millóns de habitantes. Sitúase a 716 km de Brasilia, 586 km da cidade de Sao Paulo, 444 km da cidade do Río de Xaneiro e a 858 m de altitude sobre o nivel do mar.
Índice |
Historia [editar]
- Artigo principal: Historia urbana de Belo Horizonte.
A cidade orixinouse dun pequeno vilarexo chamado Curral del-Rei, fundado por João Leite da Silva Ortiz, que achou o clima da rexión agradable, e alí estableceuse. No local, lindeiro ás montañas da Serra do Curral, foi creado en 1750 por orde da Coroa Portuguesa o distrito de Nosa Señora da boa Viaxe do Curral del-Rei. O distrito era entón sede da freguesía do mesmo nome, instituída en 1718 en torno á capela alí construída por Francisco Homem del-Rei. A freguesía foi instituída oficialmente en 1748.
A fins do século XIX, a entón capital de Minas Xerais, Ouro Preto, presentaba dificultades de acomodar unha expansión urbana, debido á súa localización. Iso xerou a necesidade da transferencia da capital para outro sitio. Despois de coñecer o parecer da comisión encabezada polo enxeñeiro Aarão Reis, optouse pola rexión da actual Belo Horizonte.
O municipio foi desmembrado de Sabará e no principio foi denominado Cidade de Minas. A capital do estado foi oficialmente transferida en 12 de decembro de 1897 durante o goberno de Crispim Jacques Bias Fortes, xa co nome de Belo Horizonte. Foi a primeira cidade moderna brasileira planeada.
Nos anos 1940 foi creado no barrio de Pampulha, xunto a un lago artificial, un parque que recibiu a construción da capela de San Francisco de Asís, un dos primeiros proxectos do coñecido arquitecto brasileiro Oscar Niemeyer. O Parque da Pampulha é hoxe unha das máis coñecidas atraccións turísticas de Belo Horizonte.
A súa expansión urbana ultrapasou moito o plano orixinal. Hoxe, ademais de centro comercial, bancario e de servizos, é veciña de importantes cidades industriais, como Betim, onde está a fábrica brasileira da Fiat Automóbiles.
Belo Horizonte é tamén un gran centro cultural, con grandes universidades, museos, bibliotecas, espazos culturais, e unha das máis animadas vidas nocturnas do país. Tamén vén sendo recoñecida como importante centro de biotecnoloxía, informática e medicina, e alberga importantes eventos en diversas áreas.
Economía [editar]
Belo Horizonte ten hoxe o 5º máis grande Produto interno bruto de entre as cidades brasileiras. O sector terciario (comercio e servizos) responde por 80 % de súa economía. O sector industrial responde por case todo o resto.
A súa rexión metropolitana posúe o 5º maior parque industrial da América do Sur, co destaque para a produción de automóbiles e súas pezas, siderurxía, electrónica e construción civil.
|
||||||||||||||||||||
