Xogos Olímpicos de 1996

Na Galipedia, a Wikipedia en galego.
Xogos Olímpicos de 1996
SedeAtlanta, Estados Unidos de América Estados Unidos
LemaThe Celebration of the Century
Nacións197
Atletas10 320 (6 797 homes, 3 523 mulleres)
Eventos271 en 26 deportes (37 disciplinas)
Apertura19 de xullo de 1996
Clasura4 de agosto de 1996
Inaugurado porPresidente Bill Clinton[1]
Lapa olímpicaMuhammad Ali[1]
EstadioCentennial Olympic Stadium

Os XXIII Xogos Olímpicos de Atlanta, correspondente á XXVI Olimpíada, marcaron o centenario dos Xogos Olímpicos da Era Moderna e foron abertos polo Presidente dos Estados Unidos de América Bill Clinton. Fixéronse entre o 19 de xullo e o 4 de agosto de 1996, coa presenza de todos os 196 estados afiliados ao Comité Olímpico Internacional, cun total de 10.318 atletas, sendo 3.512 deles, mulleres, competindo en 26 deportes.

Historia[editar | editar a fonte]

A comunidade olímpica internacional pensaba que era dereito de Atenas,[Cómpre referencia] unha das cidades candidatas e berce dos Xogos tanto na antigüidade como na era moderna, a de hospedar os Xogos da centenaria data; entre tanto, os delegados do COI, no Congreso de 1990 en Toquio, elixiron Atlanta como sede para 1996, con 51 votos contra 35 para Atenas.

A escolla provocou protestas, acreditándose[Cómpre referencia] que os executivos do Comité Organizador de Atlanta empregaran o poder financeiro da cidade – sede mundial da Coca Cola, principal patrocinador do evento – para premer aos membros da entidade a concederlles a honra de acoller os Xogos, en detrimento da cidade que representaba o espírito olímpico, Atenas.

Acusacións de suborno aos membros do COI foron inclusive citadas, sen probas.[Cómpre referencia] O Comité Olímpico xustificou a súa escolla polo feito de pensar que Grecia non tería condicións de organizar os Xogos en prazo tan curto, por falta de infraestruturas. De todos xeitos, ficou na comunidade atlética e na opinión pública internacional a impresión de seren realizados polo peso do poder financeiro e super comercializados.[Cómpre referencia]

Alén diso, os Xogos de Atlanta, que se agardaba que serían perfectos, polos grandes recursos investidos na súa organización, presentaron varios contratempos, como un inesperado problema nos transportes, con engarrafamentos monstruosos pola cidade no período dos Xogos, dificultando a locomoción entre os locais de competición e o máis grave deles, un atentado cometido coa explosión dunha bomba no Centennial Olympic Park, que causou a morte dunha persoa e feridas a outras 111.

No seu discurso de clausura, o Presidente do COI, Juan Antonio Samaranch, referiuse aos Xogos recentemente terminados cun “Bo traballo, Atlanta” ao invés do tradicional “Estes foron os mellores de todos os Xogos Olímpicos”, usados ao final da maioría dos Xogos anteriores.

Proceso de candidatura[editar | editar a fonte]

Xogos Olímpicos de 1996
96º Sesión do Comité Olímpico Internacional
18 de setembro de 1990, Toquio, Xapón
Cidade País 1ªrolda 2ªrolda 3ªrolda 4ªrolda 5ªrolda
Atlanta Estados Unidos 19 20 26 34 51
Atenas Grecia 23 23 26 30 35
Toronto Canadá 14 17 18 22 -
Melbourne Australia 11 21 16 - -
Manchester Reino Unido 11 5 - - -
Belgrado Iugoslavia 7 - - - -

Modalidades disputadas[editar | editar a fonte]

Participantes
Azul = Participantes por vez primeira. Verde = Tiñan participado anteriormente.
O lugar amarelo é a cidade olímpica (Atlanta)

Cadro de medallas[editar | editar a fonte]

Cadro de Medallas
Posición País   Gold     Silver     Bronze   Total
1 EUA 44 32 25 101
2 Rusia 26 21 16 63
3 Alemaña 20 18 27 65
4 China 16 22 12 50
5 Francia 15 7 15 37
6 Italia 13 10 12 35
7 Australia 9 9 23 41
8 Cuba 9 8 8 25
9 Ucraína 9 2 12 23
10 Corea do Sur 7 15 5 27

Notas[editar | editar a fonte]

  1. 1,0 1,1 "Factsheet - Opening Ceremony of the Games of the Olympiad" (PDF) (Nota de prensa). International Olympic Committee. 9 de outubro de 2014. Arquivado dende o orixinal (PDF) o 14 de agosto de 2016. Consultado o 22 de decembro de 2018.