Xogos Olímpicos de 1956

Xogos da XVI Olimpíada
Melbourne 1956
Estados Participantes	67
Atletas	3184
Eventos	145 en 17 deportes
Cerimonia de Apertura	22 de novembro
Cerimonia de Clausura	8 de decembro
Apertura oficial	Príncipe Felipe, Duque de Edimburgo
Xuramento do Atleta	John Landy, Henri Saint Cyr
Entrada do Facho Olímpico	Ron Clarke, Hans Wikne
Local	Melbourne Cricket Ground

Os XVI Xogos Olímpicos de 1956 foron realizados na cidade de Melbourne, en Australia, entre os días 22 de novembro e 8 de decembro, coa participación de 72 estados, representados por 3314 atletas, sendo 376 mulleres.

Por primeira vez unha das modalidades deportivas dos Xogos non foi realizada nin na cidade nin no país anfitrión, xa que a Hípica transferiuse a Estocolmo, Suecia, disputándose cinco meses antes de Melbourne polo que se impedía a entrada de cabalos estranxeiros no país.

Infelizmente, a política internacional, extremadamente tensa naqueles días de Guerra Fría, foi responsable dos primeiros boicots e desistencias dos Xogos Olímpicos. A invasión da Hungría por tropas soviéticas naquel ano causou a desistencia de España, Países Baixos e Suíza. Os exipcios, iraquís e libaneses boicotearon o evento en protesta pola presenza anglo-francesa, intervindo con tropas na cuestión do Canal de Suez.

Curiosidades

• Vladimir Kutz mostra a forza do atletismo soviético ó conquistar o ouro nas probas de 5.000 e 10.000m, fazaña conseguida antes tan só polos fantásticos finlandeses da primeira metade do século e pola “Locomotora Humana”, o checo Emil Zátopek.

• A raíña destes Xogos, para delirio dos anfitrións, foi a australiana Betty Cuthbert, de dezaoito anos, alcumada “Golden Girl” e campioa olímpica nos 100, 200 e 4x100m no atletismo.

• Os alemáns occidentais e orientais participaron xuntos nun equipo mixto, como farían nos próximos dous eventos.

• A nadadora Dawn Frazer brillou nas piscinas liderando o equipo australiano na vitoria do relevo 4x100 e conquistando o ouro nos 100m nado libre.

• En Melbourne, o Comité Olímpico Internacional acolleu a suxestión dun xove carpinteiro chinés que vivía no país, chamado John Wing, e estableceu que o desfile da festa de clausura de alí en diante debería ser feito con todos os atletas mesturados, simbolizando a unión dos pobos.

Modalidades disputadas

Participantes

Atletismo. Baloncesto. Boxeo. Piragüismo. Ciclismo. Esgrima. Fútbol. Ximnasia. Halterofilia. Hípica.

Hóquei sobre herba. Loita. Natación. Péntatlon moderno. Waterpolo. Remo. Saltos de trampolín. Tiro. Vela.

Cadro de medallas

Cadro de Medallas
Posición	País				Total
1	URSS	37	29	32	98
2	Estados Unidos	32	25	17	74
3	Australia	13	8	14	35
4	Hungría	9	10	7	26
5	Italia	8	8	9	25
6	Suecia	8	5	6	19
7	Equipo Unido de Alemaña	6	13	7	26
8	Gran Bretaña	6	7	11	24
9	Romanía	5	3	5	13
10	Xapón	4	10	5	19