Golf
O golf é un deporte no que se empregan diversos paus e unha bóla. Ten as súas orixes no século XV en Escocia; alí os pastores entretíñanse golpeando croios con paus ata chegar a unha meta. Co tempo eses pastores perfeccionaron o xogo e introduciron as primeiras regras básicas.
Máis tarde o golf chegou á aristocracia e á alta burguesía. Desenvolvéronse o pau e as bólas, engadindo diversas bases de metais, para poder golpear a maior ou menor distancia as bólas e mellorar as súas traxectorias. Tamén xurdiron os primeiros campos de golf e establecéronse regras máis precisas para o xogo. Co incremento das distancias dos golpes mesmo comezaron a usarse vehículos especializados para os desprazamentos, aínda que tamén se usen para achegarse ó punto de partida dos campos dende a recepción dos campos se aquel está moi afastado. A meta converteuse nun buraco, no que debía entrar a bóla despois dun número determinado de golpes.
Índice |
O campo de xogo [editar]
O golf practícase nun campo de herba natural, ao aire libre. O campo de xogo ocupa unha superficie espazosa e componse de 18 percorridos parciais, chamados comunmente rúas, ao final dos cales hai un buraco (o buraco, que ten un diámetro de 107,9 mm.); por extensión, cada un destes percorridos parciais denomínanse tamén Buraco. Os buracos ordénanse segundo unha numeración que dá nome a cada buraco: buraco 1, buraco 2..., se ben nalgúns campos de golf, ós buracos dáselles tamén outro nome tomado dalgunha das súas características: a dificultade, o deseño, etc. Como referencia, os campos de golf divídense en dúas categorías principais:
- Campo profesional: segundo as normas da USGA (United States Golf Association) é aquel onde a suma das distancias totais dos 18 buracos -medindo dende a saída das marcas negras dos "tees" de saída- sobrepasan as 7.000 yardas.
- Campo turístico-executivo: son os que non rebasan as 7.000 yardas.
1 Tee de saída
2 Obstáculo de auga frontal
3 Rough
4 Fora de límites
5 Bunker de area
6 Obstáculo de auga lateral
7 Fairway
8 Green
9 Bandeira
10 Buraco
Golfistas famosos [editar]
- Carlos Franco (PAR)
- Camilo Villegas (Col)
- Lorena Ochoa (Mex)
- Tommy Armour (UK)
- Severiano Ballesteros (Esp)
- Franco Beretta
- Ángel Cabrera (Arg)
- Chichi Rodríguez (PR)
- Roberto De Vicenzo (Arg)
- Sergio García (Esp)
- Ben Hogan (USA)
- Bobby Jones (USA)
- Bernhard Langer (Alem)
- Harold Jug McSpaden (USA)
- Phil Mickelson (USA)
- Tom Morris, Jr. (UK)
- Tom Morris, Sr. (UK)
- Jack Nicklaus (USA)
- José María Olazábal (Esp)
- Arnold Palmer (USA)
- Gary Player (SA)
- Gene Sarazen (USA)
- Sam Snead (USA)
- Payne Stewart (USA)
- Francis Ouimet (USA)
- Lee Trevino (USA)
- Harry Vardon (UK)
- Tiger Woods (USA)
- Babe Zaharias (USA)
- Carlos Santaella (VEN)
- Andrés Romero (ARG)
- Trevor Immelman (SA)
- Carlos Bown (VEN)
- Justin Rose (UK)
- Victor Garcia Massimo (VEN)
