Ácido nucleico
Na Galipedia, a wikipedia en galego.
Os ácidos nucleicos son macromoléculas, polímeros formados pola repetición de monómeros chamados nucleótidos, unidos mediante enlaces fosfodiéster. Fórmanse, así, longas cadeas ou polinucleótidos, o que fai que algunhas destas moléculas cheguen a atinxir tamaños xigantes (de millóns de nucleótidos de longo), as moléculas máis grandes que se coñecen.
O descubrimento dos ácidos nucleicos débese a Miescher que na década de 1860 illou dos núcleos das células unha substancia ácida á que chamou nucleína, nome que posteriormente se cambiou a ácido nucleico.
Existen dous tipos de ácidos nucleicos: ADN (ácido desoxirribonucleico) e ARN (ácido ribonucleico), que se diferencian en:
- O monosacárido (pentosa) que conteñen: a desoxirribosa no ADN e a ribosa no ARN.
- As bases nitroxenadas que conteñen: adenina (A), guanina (G), citosina (C) e timina (T) no ADN; adenina, guanina, citosina e uracilo (U) no ARN.
- Nos eucariotas a estrutura do ADN é de dobre cadea, mentres que a estrutura do ARN é monocatenaria, aínda que pode presentarse en forma estendida, como o ARNm, ou en forma pregada, como o ARNt e o ARNr.
- A masa molecular do ADN é xeralmente maior que a do ARN.
As unidades que forman os ácidos nucleicos son os nucleótidos. Cada nucleótido é unha molécula composta pola unión de tres unidades: un monosacárido (unha pentosa), unha base nitroxenada (purínica (adenina, guanina) ou pirimidínica (citosina, timina ou uracilo) e un ou varios grupos fosfato (ácido fosfórico). Tanto a base nitroxenada como os grupos fosfato están unidos á pentosa.
A unión formada pola pentosa e a base nitroxenada denomínase nucleósido.
O ADN é bicatenario, está constituído por dúas cadeas polinucleotídicas unidas entre si en toda a súa lonxitude. Esta dobre cadea pode disporse en forma liñal (ADN do núcleo das células eucarióticas) ou en forma circular (ADN das células procarióticas, así como das mitocondrias e cloroplastos eucarióticos). A molécula de ADN porta a información necesaria para o desenvolvemento das características biolóxicas dun individuo e contén as mensaxes e instrucións para que as células realicen as súas funcións.
O ARN difire do ADN en que a pentosa dos nucleótidos constituíntes, en lugar de desoxirribosa é ribosa, e en que en lugar das catro bases A, G, C, T aparece A, G, C, U, (é dicir, uracilo en lugar de timina). As cadeas de ARN son máis curtas que as de ADN. O ARN está constituído case sempre por unha única cadea (é monocatenario).
Mentres que o ADN contén a información, o ARN actúa de mensaxeiro de dita información para dar lugar á síntese de proteínas.
[editar] Enlaces externos
| Principais familias bioquímicas | ||
| Ácidos nucleicos | Alcaloides | Aminoácidos | Carbohidratos | Carotenoides | Cofactores enzimáticos | Esteroides | Flavonoides | Glicósidos | Lípidos | Péptidos | Policétidos | Tetrapirroles | Terpenos | ||
| Análogos de ácids nucleicos: | Tipos de Ácidos nucleicos | Análogos de ácids nucleicos : |
| Bases Nitroxenadas: | Adenina | Timina | Uracilo | Guanina | Citosina | Purina | Pirimidina | |
|---|---|---|
| Nucleósidos: | Adenosina | Uridina | Guanosina | Citidina | Desoxiadenosina | Timidina | Desoxiguanosina | Desoxicitidina | |
| Nucleótidos: | AMP | UMP | GMP | CMP | ADP | UDP | GDP | CDP | ATP | UTP | GTP | CTP | AMPc | GMPc | ADPRc | |
| Desoxinucleótidos: | dAMP | TMP | dGMP | dCMP | dADP | TDP | dGDP | dCDP | dATP | TTP | dGTP | dCTP | |
| Ácidos ribobonucleicos: | ARNm | ARNt | ARNr | ARNn | ARNnc | ARNmi | |
| Ácidos desoxiribonucleicos: | ADMmt | ADNc | |
| Análogos de àcidos nucleicos: | AGN | APN | ATN | Morfolí | ARNin | |
| Secuencias: | Plasmidio | Cósmido | CAB | CAH | Cromosoma | Oligonucleótido | |
