Grazia Deledda

Na Galipedia, a Wikipedia en galego.
Infotaula de personaGrazia Deledda

Grazia Deledda
Nome orixinal(sc) Grassia Deledda Editar o valor em Wikidata
Biografía
Nacemento(it) Maria Grazia Cosima Deledda Editar o valor em Wikidata
28 de setembro de 1871
Nuoro, Sardeña
Morte15 de agosto de 1936
Roma
Causa da morteMorte natural Editar o valor em Wikidata (Cancro de mama Editar o valor em Wikidata)
Lugar de sepulturaCampo di Verano (pt) Traducir Editar o valor em Wikidata
Datos persoais
ResidenciaRoma Editar o valor em Wikidata
País de nacionalidadeReino de Italia Editar o valor em Wikidata
EducaciónEnsino doméstico (pt) Traducir Editar o valor em Wikidata
Actividade
Campo de traballoPoesía e narración Editar o valor em Wikidata
Ocupaciónescritora , dramaturga , novelista , poeta , prosista Editar o valor em Wikidata
Período de actividade1891 Editar o valor em Wikidata - 1936 Editar o valor em Wikidata
Xénero artísticoNarrativa, poesía
Pseudónimo literarioIlia di Saint-Ismael Editar o valor em Wikidata
LinguaLingua sarda, lingua italiana e lingua francesa Editar o valor em Wikidata
Obra
Obras destacables
Familia
CónxuxePalmiro Madesani (en) Traducir Editar o valor em Wikidata
Premios
Sinatura
Editar o valor em Wikidata

IMDB: nm0216698 Bitraga: 4003 Discogs: 5919448 Find a Grave: 10288997 Editar o valor em Wikidata

Grazia Deledda, nada en Nuoro, Sardeña o 28 de setembro de 1871,[1] finada en Roma o 15 de agosto de 1936, foi unha escritora italiana do verismo, gañadora do Premio Nobel de Literatura en 1926.

Biografía[editar | editar a fonte]

Naceu en Nuoro, en 1871, nunha familia numerosa e acomodada. O pai, Giovanni Antonio, pequeno empresario e terratenente, foi poeta afeccionado e alcalde de Nuoro en 1892. A nai, Francesca, foi unha muller moi relixiosa que criou aos seus fillos con extrema rigorosidade moral. Despois de ter realizado os seus estudos de educación primaria, recibiu clases particulares dun profesor hóspede dun familiar seu, xa que os costumes da época non permitían que as rapazas recibiran unha instrución máis alá da escola primaria. Posteriormente, afondou como autodidacta os seus estudos literarios.

Empezou a destacar como escritora con algúns relatos que publicou na revista L'ultima moda. A súa primeira obra de éxito pode considerarse que foi Nell'azurro (1890).

As súas primeiras obras oscilan entre a narrativa e a poética. Delas destaca Racconti sardi (1896). Tras casar con Palmiro Madesani, funcionario do Ministerio da Guerra ao que coñece en Cagliari en outubro de 1899, a escritora trasládase a Roma e tras a publicación de Anime oneste (1895) e de Il vecchio della montagna (1900), ademais das súas colaboracións nas revistas La Sardegna, Piccola rivista e Nuova Antologia, a crítica empeza a interesarse polas súas obras.

En 1903 publica Elias Portolu, que a consagra como escritora e inicia unha serie de novelas e obras de teatro: Cenere (1904), L'edera (1906), Nel deserto (1911), Colombi e Sparvieri (1912), Canne al vento (1913), L'incendio nell'oliveto (1918).
Cenere foi tamén unha película de 1916 interpretada por Eleonora Duse.

A súa obra foi loada por Luigi Capuana e Giovanni Verga, ademais de por outros escritores máis novos como Enrico Thovez, Pietro Pancrazi e Renato Serra. En Elías Portolu (1903) evoca a Sardeña decadente de principios do século XX; o seu mundo é poético, pero primitivo e cerrado. A sociedade que describe é arcaica e inmobilista, e os seus personaxes aparecen dominados por estraños conceptos intransixentes e supersticiosos da existencia humana, dunha moralidade sumamente convencional.

Notas[editar | editar a fonte]

  1. Italia, Nuoro, Nuoro, Stato Civile (Tribunale), 1866-1915 (18 de xullo de 2016). Grazia Deledda, 28 Sep 1871. FamilySearch (FHL microfilm). 001962087. 

Véxase tamén[editar | editar a fonte]

Ligazóns externas[editar | editar a fonte]