Isaac Bashevis Singer

Isaac Bashevis Singer
Isaac Bashevis, con Irene Lieblich, asinando libros.
Alcume	Bashevis
Nacemento	14 de xullo de 1904
Lugar	Radzymin, Polonia
Falecemento	26 de xullo de 1991
Lugar	Miami, Florida
Causa	Ictus
Nacionalidade	Estados Unidos de América, Polonia e Imperio Ruso
Etnia	Pobo xudeu
Ocupación	tradutor, novelista, esperantista, autobiógrafo, xornalista, escritor de literatura infantil e escritor
Xéneros	Prosa
Premios	Premio Nobel de Literatura, National Book Award, Itzik Manger Prize, Buber-Rosenzweig-Medal e Honorary doctor of Ben-Gurion University
[ editar datos en Wikidata ]

Isaac Bashevis Singer (en yidish: יצחק באַשעװיס זינגער), nado en Leoncin ou Radzymin, segundo algunhas fontes (Polonia, nesa época parte do Imperio ruso) o 14 de xullo de 1904 e finado en Miami, Florida o 26 de xullo de 1991, foi un escritor xudeu e cidadán polaco. En 1978 concedéuselle o Premio Nobel de Literatura.

Traxectoria

Singer daba como a súa data de nacemento o 14 de xullo de 1904, aínda que se cre que naceu o 21 de novembro de 1902. En todo caso no ano 2004 celebrouse o centenario do seu nacemento.

Singer era fillo e neto de rabinos e irmán do novelista Israel Yehoshua Singer. Creceu no barrio xudeu de Varsovia -rodeado por un recorrente escenario de violencia antisemita en forma de pogroms- onde se falaba yidish. Casou con Runia Shapira, con quen tivo un fillo, Israel. En 1935 e ante o temor da ofensiva nazi emigrou ós Estados Unidos e separouse da súa esposa. Neste país comezou a escribir como xornalista e columnista de The Daily Forward, un diario dirixido á colectividade xudía de Nova York escrito en Yidish. Singer escribiu case toda a súa obra en yidish.

En 1940 Singer casou con Alma Haimann, con quen viviu até a súa morte.

Ademais do Nobel, outorgóuselle o National Book Award en 1973.