Estación de Betanzos-Cidade
| Betanzos-Cidade | |
|---|---|
 | |
| Situación | Betanzos |
| Liñas | |
| Longa Distancia | Alvia, Trenhotel |
Betanzos-Cidade, anteriormente denominada Betanzos-Pueblo[1], é unha estación de tren de Adif situada na vila de Betanzos, na provincia da Coruña. Ten paradas comerciais de Longa e Media distancia operadas por Renfe.
Situación ferroviaria
[editar | editar a fonte]A estación atópase no punto quilométrico 5,5 da liña férrea de ancho ibérico que une Betanzos con Ferrol a 4 metros de altitude,[2] entre as estacións de Estación de Betanzos-Infesta e de Miño-Castro. O tramo é de vía única e está sen electrificar.
Historia
[editar | editar a fonte]O ferrocarril chegou a Betanzos-Cidade o 5 de maio de 1913 coa o apertura da liña Betanzos-Ferrol, tras un longo período de proxectos e obras, tras quedar deserto o concurso para a súa construción e explotación.[3] Encargouse a Norte que efectuase o mantemento necesario para a posta en servizo desta liña. Encargouse finalmente da explotación MZOV, e a partir de 1928, a Compañía Nacional dos Ferrocarrís do Oeste.[4] En 1941, a estación pasou a depender da recentemente creada Renfe, quen xestionou a mesma ata a separación da compañía en Adif e Renfe Operadora o 31 de decembro de 2004.
A estación
[editar | editar a fonte]O edificio de viaxeiros da estación de Betanzos-Cidade é unha estrutura de dous pisos que loce un aspecto clásico. Está situada no extremo noroeste do núcleo urbano de Betanzos, o que fai que estea moito máis próxima ao centro urbano da cidade que a estación de Betanzos-Infesta.
Conta con dúas plataformas, unha lateral e a outra central, ás que acceden dúas vías.
Servizos ferroviarios
[editar | editar a fonte]Longa distancia
[editar | editar a fonte]Actualizado a 20 de xuño de 2016.
| Tren | Orixe | Paradas intermedias | Destino | Observacións |
|---|---|---|---|---|
| Alvia | Madrid-Chamartín | Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Monforte de Lemos · Sarria · Lugo · Guitiriz · Teixeiro · Curtis · Betanzos-Infesta · Betanzos-Cidade · Pontedeume | Ferrol | 2 trens diarios por sentido |
| Trenhotel Atlántico | Madrid-Chamartín | Ávila · Medina del Campo · Valladolid-Campo Grande · Venta de Baños · Palencia · Sahagún · León · Veguellina · Astorga · Bembibre · Ponferrada · O Barco de Valdeorras · A Rúa-Petín · San Clodio-Quiroga · Monforte de Lemos · Sarria · Lugo · Guitiriz · Curtis · Betanzos-Infesta · Betanzos-Cidade · Pontedeume | Ferrol | 6 trens semanais por sentido |
Media distancia
[editar | editar a fonte]Actualizado a 20 de xuño de 2016.
| Liñas | Trens | Orixe/Destino | <> | Destino/Orixe |
|---|---|---|---|---|
| 5 | MD | A Coruña | <> | Ferrol |
Notas
[editar | editar a fonte]- ↑ Seca, Xoan (2014-02-01). "galego da estación: A ESTACIÓN". galego da estación. Consultado o 2018-01-01.
- ↑ Rede ferroviaria española Arquivado 18 de outubro de 2013 en Wayback Machine. Ministerio de Fomento
- ↑ Obras da liña Betanzos - Ferrol Arquivado 09/03/2016, en Wayback Machine. La Voz de Galicia
- ↑ Betanzos a Ferrol Arquivado 22 de xullo de 2018 en Wayback Machine. Spanishrailway
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Información sobre saídas e chegadas na web de Adif Arquivado 04 de marzo de 2016 en Wayback Machine.