Apeadoiro de Elviña-Universidade
Coordenadas: 43°20′07″N 8°24′47″O / 43.3353, -8.413
| Elviña-Universidade | |
|---|---|
 Apeadoiro de Elviña Universidade. | |
| Situación | A Coruña |
| Liñas | |
| Media distancia | MD |
| Intermodalidade | |
 | Liña UDC (Compañía de Tranvías da Coruña) |
Elviña-Universidade é un apeadoiro de tren de Adif situado na parroquia de Elviña, no concello da Coruña. Dá servizo á propia localidade de Elviña e principalmente ao campus da Universidade da Coruña.
Ten servizos de Media Distancia operados por Renfe. No ano 2008 tivo un tráfico de 6.000 pasaxeiros, o que equivale a uns 16 pasaxeiros diarios de media. Porén, logo de 2017, os datos de Renfe Operadora indicaban que menos dun milleiro de persoas empregaban esta estación anualmente.[1]
Situación ferroviaria[editar | editar a fonte]
O apeadoiro atópase no punto quilométrico 547,9 da liña férrea de ancho ibérico que une León e A Coruña[2], entre as estacións do Burgo-Santiago e A Coruña. O tramo é de vía única e está sen electrificar.
A estación[editar | editar a fonte]
Foi inaugurada en outubro de 2002, aínda que non entrou en funcionamento ata xullo de 2003.[3] Foi concibida para dar servizo ao Campus de Elviña da Universidade da Coruña. Para iso construíuse un sinxelo apeadoiro dotado dun refuxio e unha plataforma de 150 metros de longo.[3] Unha única vía accede ao mesmo. En total o investimento alcanzou os 480.000 euros.[3]
Servizos ferroviarios[editar | editar a fonte]
Media distancia[editar | editar a fonte]
Actualizado a 10 de setembro de 2020.
| Liñas | Trens | Orixe/Destino | <> | Destino/Orixe |
|---|---|---|---|---|
| 4 | MD | A Coruña | <> | Monforte de Lemos Ourense-Empalme |
| 5 | MD | A Coruña | <> | Ferrol |
Notas[editar | editar a fonte]
- ↑ R. D. Rodríguez (2018-01-14). "El apeadero del tren del campus de Elviña moviliza menos de mil usuarios al año". La Opinión A Coruña (en castelán). Consultado o 2018-10-08.
- ↑ Rede ferroviaria española Arquivado 23 de setembro de 2010 en Wayback Machine. Ministerio de Fomento.
- ↑ 3,0 3,1 3,2 O apeadoiro máis exclusivo La Voz de Galicia
Véxase tamén[editar | editar a fonte]
 |
A Galipedia ten un portal sobre: A Coruña |
Ligazóns externas[editar | editar a fonte]
- Información sobre saídas e chegadas na web de Adif Arquivado 30 de xuño de 2016 en Wayback Machine.