Diego Tristán

Diego Tristán
Información persoal
Nome	Diego Tristán Herrera
Nacemento	5 de xaneiro de 1976 (47 anos)
Lugar de nacemento	Sevilla
Altura	1,86 m.
Posición	Dianteiro
Carreira xuvenil
	Betis
Carreira sénior
Anos	Equipos	Aprs	(Gls)
1995–1998	Betis B	94	(33)
1998–1999	Mallorca B	39	(15)
1999–2000	Mallorca	35	(18)
2000–2006	Deportivo da Coruña	177	(87)
2006–2007	Mallorca	13	(0)
2007–2008	Livorno	21	(1)
2008–2009	West Ham	14	(3)
2009–2010	Cádiz	29	(8)
Total		422	(165)
Selección nacional
2001–2003	España	15	(4)
Na rede
Partidos e goles só en liga doméstica. [ editar datos en Wikidata ]

Diego Tristán Herrera, nado en La Algaba (Sevilla) o 5 de xaneiro de 1976, é un ex futbolista español. Xogaba de dianteiro e foi internacional coa selección española.

Traxectoria

Empezou xogando no Real Betis Balompié B, categoría inferior do Real Betis. En 1998 fichou polo RCD Mallorca B, onde pronto se fixo un lugar no primeiro equipo. Debutou na Primeira División española o 12 de setembro de 1999 no partido Real Mallorca 3-0 Numancia.

Diego Tristán, en Abegondo

No verán do ano 2000 fichou polo Deportivo da Coruña, logrando ese mesmo verán o seu primeiro título, a Supercopa de España.

Na tempada 2000–01 conseguiu un subcampionato de Liga. Na seguinte campaña (2001–02) o seu equipo volveu repetir posición na liga e ademais proclamouse campión da Copa do Rei. Este título permitiríalle ao Deportivo gañar outra Supercopa de España uns meses despois contra o campión de Liga, o Valencia CF. Ademais esa foi a mellor tempada para Tristán xa que, ademais dos dous títulos gañou o Trofeo Pichichi ao marcar 21 goles na Liga.

En setembro de 2006, co mercado de fichaxes xa pechado, rescindiu o seu contrato co Deportivo, despois de quedar sen ficha no club. Aínda así, puido fichar semanas máis tarde polo Real Mallorca, que se gardou unha ficha para poder contratar ao dianteiro andaluz. Tras unha longa época á sombra, disputando só 13 partidos sen marcar, foi liberado en xaneiro de 2007. Nese mesmo verán de 2007 foi fichado polo Livorno italiano, co que recuperou algo do seu bo fútbol.

O West Ham United inglés incluíuno no seu equipo para a tempada 2008–09 tras acabar o seu contrato dun ano co Livorno.

En xullo de 2009, rematado xa o seu contrato co West Ham United, ficha polo Cádiz CF da Segunda División de España por unha tempada, dúas segundo obxectivos, conseguindo marcar 8 tantos en 29 partidos xogados.

Selección nacional

Foi internacional coa Selección de fútbol de España en 15 ocasións, marcando catro goles. O seu debut como internacional produciuse o 2 de xuño de 2001 no partido España 4:1 Bosnia-Herzegovina.

Participacións en Copas do Mundo

Mundial	Sede	Resultado
Mundial de Fútbol Corea-Xapón 2002	Corea do Sur e o Xapón	Cuartos de final

Palmarés

Club

Deportivo

• Supercopa de España: 2000, 2002
• Copa do Rei: 2001–02

Individual

• Pichichi: 2001–02 (21 goles)

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en cadistas1910.com (en castelán)
• Datos do xogador na selección española (en castelán)