Noureddine Naybet

Noureddine Naybet
Información persoal
Nome	Noureddine Naybet M. Árabe: نور الدين نبيت
Nacemento	10 de febreiro de 1970 (51 anos)
Lugar de nacemento	Casablanca
Altura	1,86 m.
Posición	Defensa
Carreira sénior
Anos	Equipos	Aprs	(Gls)
1989–1993	Wydad Casablanca	75	(4)
1993–1994	Nantes	34	(1)
1994–1996	Sporting de Lisboa	54	(5)
1996–2004	Deportivo da Coruña	211	(11)
2004–2006	Tottenham Hotspur	30	(1)
Total		404	(22)
Selección nacional
1990–2006	Marrocos	115	(2)
Partidos e goles só en liga doméstica. [ editar datos en Wikidata ]

Noureddine Naybet M. (en árabe, نور الدين نبيت), nado en Casablanca o 10 de febreiro de 1970, é un ex futbolista marroquí. Xogaba de defensa e foi internacional coa selección marroquí.

Traxectoria

Comezou a súa carreira nas categorías inferiores do Widad Casablanca, onde pese á súa mocidade causou sensación. Con este club gañou en tres ocasións o campionato de Liga de Marrocos e en 1992 a Liga de Campións africana. Ese mesmo ano participou coa súa selección nos Xogos Olímpicos de Barcelona.

As súas boas actuacións permitiron o seu paso ao fútbol europeo, sendo contratado para a tempada 1993–94 polo FC Nantes, onde realiza unha campaña impresionante e é elixido como un dos xogadores máis importantes do campionato francés. Ao ano seguinte é traspasado ao Sporting de Lisboa no que xogará dúas tempadas. Os seus bos resultados co equipo portugués fan que o fútbol español poña os seus ollos nel. Así, de cara á tempada 1996–97, o Deportivo da Coruña faise cos seus servizos por unha cantidade xamais pagada por un futbolista marroquí. Co Deportivo Naybet alcanzou os seus maiores éxitos, gañando a Liga de España 1999–00, a Copa do Rei 2001–02 e as Supercopas de España de 2000 e 2002.

De cara á tempada 2004–05, Naybet abandonou o Deportivo para xogar no Tottenham Hotspur inglés, onde se retirou en 2006.

Selección nacional

Naybet foi internacional con Marrocos en 115 ocasións entre 1990 e 2006, nas que anotou 4 goles. Participou en 6 Copas de África e nas Copas do Mundo de 1994 e 1998. Xogou o seu primeiro partido internacional o 9 de agosto de 1990 contra Tunisia e marcou o seu primeiro gol internacional o 31 de maio de 1997 nun partido contra Etiopía.

Palmarés

Deportivo

• Liga de España: 1999–00
• Supercopa de España: 2000, 2002
• Copa do Rei: 2001–02

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en fotball.aftenposten.no^{[Ligazón morta]} (en inglés)
• Datos do xogador en rsssf.com (en inglés)