Banjul

Banjul

Localización
13°27′11″N 16°34′39″O
Estado	Gambia
Rexión	Gran Banjul
Capital de	Gambia
Poboación
Poboación	31.356 (2013) (2.570,16 hab./km²)
Lingua oficial	lingua inglesa
Xeografía
Superficie	12,2 km²
Bañado por	Río Gambia e Océano Atlántico
Altitude	0 m
Creación	1816
Organización política
• Xefe do goberno	Rohey Malick Lowe (2018–)
Identificador descritivo
Fuso horario	UTC±00:00
Prefixo telefónico	42
ISO 3166-2	GM-B
Outro
Irmandado con	Bamaco Ostende Grimsby Newark Grand Yoff Freetown Joal-Fadiouth Taipei (1997–)
Sitio web	banjulcity.gm

Banjul (a antiga Bathurst) é a capital de Gambia. Ten unha poboación de 34 125 habitantes (2007), aínda que coas zonas periféricas supera o medio millón (523 589 habitantes en 2003). Está situada sobre a illa de Banjul (antes illa de Saint Mary), no lugar onde o río Gambia desauga no océano Atlántico.

Xeografía

Banjul está localizada sobre unha illa areosa construída, ao longo do tempo, polos depósitos arrastrados polo río Gambia até a súa foz. A vexetación maior, espontánea, está constituída por baobabs e bambús.

Climograma de Banjul

O clima da cidade é de subtropical, con só unha estación chuviosa anual; as temperaturas son cálidas e estábeis ao longo de todo o ano. As medias mensuais non baixan dos 25 °C. O seu cálido clima durante todo o ano é debido ao deserto do Sáhara. O mes máis frío é agosto e o máis cálido é marzo.

Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Media anual
Media de máximas (°C)	31	32	34	33	32	32	30	29	31	32	32	31	31,5
Media de mínimas (°C)	15	16	17	18	19	23	23	23	23	22	18	16	19,4

Historia

No 1816, os británicos fundaron Banjul como un posto commercial e como base para suprimir o comercio de escravos. O 18 de febreiro de 1965, a cidade converteuse en capital do país trala declaración de independencia da República de Gambia. Foi chamada Bathurst in honra de Henry Bathurst, secretario do Despacho Colonial. En 1973 o nome foi africanizado como Banjul, que en mandé significa "illa dos bambús".

O 22 de xullo de 1994, Banjul foi escenario dun golpe de Estado militar no que o Presidente Dawda Jawara foi derrocado, e mudado polo aínda actual Presidente do país, Yahya Jammeh.

Economía

Banjul é a principal área urbana de Gambia, á par que é o centro económico e administrativo da nación. O traballo dos cacahuetes é a principal industria do país, e xunto con cera de abellas, madeira, aceite de palmeira e coiros, son os principais produtos que son exportados polo porto da capital.

Lugares de interese

• Museo Nacional (National Museum), en Gloucester Street, expón coleccións sobre o período colonial e a historia recente de Gambia.
• Mercado de Albert.
• Casa Estatal
• Casa da Xustiza
• Dúas catedrais e varias mesquitas.
• Arco 22, construído como un portal de entrada á cidade. O arco é de 35 metros de altura e o centro dunha praza.

Cidadáns notábeis

• Fatou Bensuda, política (n. 1961).
• Ebou Dibba, escritor (n. 1943).
• Mass Lowe, músico (n. 1969).
• Neneh MacDouall-Gaye, política (n. 1957).
• Lenrie Peters, poeta (n. 1932)
• Laba Sosseh, músico (1943−2007).

Cidades irmandadas

• Grimsby, no Reino Unido; Newark e Tuskegee, nos Estados Unidos; Taipei, en Taiwán; Unna, en Alemaña e Dakar no Senegal.

Véxase tamén

Ligazóns externas

• AccessGambia