República Centroafricana

Na Galipedia, a Wikipedia en galego.
Saltar ata a navegación Saltar á procura
República Centroafricana
République Centrafricaine
Ködörösêse tî Bêafrîka
Bandeira da República Centroafricana
Escudo da República Centroafricana
BandeiraEscudo
Central African Republic (orthographic projection).svg
Lema: "Unité, Dignité, Travail"
("Unidade, Dignidade, Traballo", en francés)
Himno: La Renaissance
Capital
 Poboación
Bangui
684 190 hab. (2005)
Cidade máis poboadaBangui
Linguas oficiaisFrancés e sango
Forma de gobernoRepública
Faustin-Archange Touadéra
Simplice Sarandji
Independencia de Francia13 de agosto de 1960
SuperficiePosto 43º
 • Total622 984 km²
 • % auga1
Fronteiras5 203 km
Costas0 km
PoboaciónPosto 124º
 • Total (2007 est.)4 216 666 hab.
 • Densidade6,77 hab./km²
PIB (nominal)
 • Totaln/d
 • per cápitan/d
PIB (PPA)Posto 152º
 • Total (2008)3 254 millóns US$
 • per cápita758 US$
MoedaFranco centroafricano
IDH (2010)0,310 (159º) – Baixo
XentilicioCentroafricano, -a
Fuso horarioUTC+1
 • Horario de veránNon aplica
Dominio de Internet.cf
Prefixo telefónico+236
Prefixo radiofónicoTLA-TLZ
Código ISO140 / CAF / CF

A República Centroafricana[1][2] (en francés: République centrafricaine) é un país situado no centro de África. Limita co Chad ao norte, con Camerún ao oeste, coa República do Congo e a República Democrática do Congo ao sur, e con Sudán ao leste.

Historia e política[editar | editar a fonte]

Os franceses colonizaron a rexión a fins do século XIX. Durante a Segunda Guerra Mundial, a colonia uniuse ás forzas aliadas.

Foi colonia francesa até 1960, cando obtivo a independencia. O seu primeiro presidente (David Dacko) organizou un autogolpe de estado e instaurou unha ditadura. En 1966 o xeneral Jean-Bédel Bokassa fixo un golpe de estado e autonomeouse presidente vitalicio e Mariscal da República. O 4 de decembro de 1976 Bokassa autoproclamouse Emperador e fundou o Imperio Centroafricano. En 1979, durante unha viaxe ó estranxeiro, Bokassa foi deposto e volveu á República.

En 1981 David Dacko volveu gaña-las eleccións, pero logo foi derrocado polo golpe militar do xeneral André Kolingba. En 1987 Bokassa volveu ó país e foi condenado a morte, o ano seguinte, o presidente Kolingba conmutou a sentenza por cadea perpetua.

O 2 de xullo de 1991 comezou un novo proceso constituínte para dar paso ó posterior multipartidismo. O 15 de marzo do 2003, François Bozizé chegou ó goberno grazas a un golpe de estado.

Subdivisións[editar | editar a fonte]

A República centroafricana está composta de 14 prefecturas e 2 prefecturas económicas. As 14 prefecturas son Bamingui-Bangoran, Base-Koteto, Alta-Koteto, Alta-Sangha, Alto-Mbomou, Kemo-Gribingui, Lobaye, Mbomou, Nana-Mambere, Ombella-Mpoko, Ouaka, Ouham, Ouham-Penda e Vakaga. As dúas prefecturas económicas son Gribingui e Sangha. Bangui ten o estatuto de concello.

Xeografía[editar | editar a fonte]

A República centroafricana é un país enclavado. O Monte Ngaoui, cos seus 1.420 m, é o punto máis alto. O subsolo contén diamantes, uranio e ouro. O petróleo e maila enerxía hidroeléctrica son outros recursos importantes.

O país sofre de inundacións e de deforestación.

Economía[editar | editar a fonte]

O ingreso por habitante era de 310 dólares no 2000. A agricultura representa o 55% do PIB. Os principais cultivos son as bananas, o millo, o café, o algodón e o tabaco.

Demografía[editar | editar a fonte]

O país conta con máis de oitenta etnias falando cadansúa lingua diferente.

Evolución da demografía entre 1961 e 2003. Poboación en milleiros de habitantes.

Notas[editar | editar a fonte]

  1. Definicións no Dicionario da Real Academia Galega e no Portal das Palabras para centroafricano.
  2. "Listaxe de países participantes en Rio2016, ordenados por continente" (PDF). Portal das Palabras. Consultado o 16 de agosto de 2016. 

Este artigo tan só é un bosquexo
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.