Victoria, Seychelles

Victoria, Seychelles
Epónimo	Vitoria do Reino Unido
Localización
	4°37′25″S 55°27′16″L / -4.6236, 55.4544
Estado	Seychelles
Capital de	Seychelles ; Mahé ; República das Seicheles (pt)
Poboación
Poboación	24.701 (2014) (1.228,91 hab./km²)
Xeografía
Superficie	20,1 km²
Bañado por	océano Índico
Identificador descritivo
Fuso horario	UTC+04:00
Outro
Irmandado con	Xibutí ; Haikou (2007–)

Victoria, ás veces chamada Port Victoria, é a capital das illas Seychelles, cunha poboación de 24.924 habitantes (2002), máis dun terzo da total da illa. É o centro político, económico e administrativo do país.

Xeografía

Victoria está situada na costa nordeste da illa de Mahé, a principal do arquipélago, abríndose sobre unha ampla baía, na que se sitúa o porto marítimo. Posúe o Aeroporto International das Seychelles (acabado en 1971), que é o único do país.

Divisións administrativas

A aglomeración de Victoria comprende oito dos 25 distritos das Seychelles:

Economía

A cidade vive sobre todo do turismo e da comercialización de produtos propios das illas. As principais exportacións de Victoria son a vainilla, as noces de coco, o aceite de coco, conchas de tartarugas, xabón e guano. Posúe algunha industria importante a nivel local, como a de conservas de atún.

Patrimonio

A célebre reprodución do Big Ben no centro de Victoria, diante do edificio do Ministerio de Xustiza.

Existe unha torre de reloxo, reprodución aproximada e reducida do Big Ben de Londres. O reloxo está no centro urbano. É o monumento máis fotografado polos turistas. Foi levantado en 1903, data do acceso das Seychelles ao status de colonia británica. Punto de intersección da Avenida da Independencia e da rúa Albert, é testemuña doutra curiosidade: os únicos semáforos da illa.

Outros lugares de interese son o Pazo de Xustiza, o Xardín botánico de Victoria, o Museo nacional de historia, o Museo de historia natural e mais o mercado Sir Selwyn Selwyn-Clarke.

Véxase tamén

Mahé