Abuja

Abuja
Localización
	9°03′20″N 7°29′29″L / 9.0556, 7.4914
Estado	Nixeria
Estado federado	Territorio da Capital Federal de Nixeria
Capital de	Abuja Municipal (en) ; Territorio da Capital Federal de Nixeria ; Nixeria (1991–)
Contén a división administrativa	Abaji (pt) ; Abuja Municipal (en) ; Bwari (pt) ; Gwagwalada (pt) ; Kuje (pt) ; Kwali (pt)
Poboación
Poboación	1.693.400 (2022) (2.375,04 hab./km²)
Xeografía
Superficie	713.000.000 m²
Altitude	360 m
Creación	1828
Organización política
Membro de	Federación Mundial de Cidades Turísticas
Identificador descritivo
Fuso horario	UTC+01:00
Outro
Irmandado con	Brasilia
Sitio web	fcta.gov.ng

Abuja é a capital do estado federal africano de Nixeria, que substituíu a antiga capital, Lagos, oficialmente desde 1992. A súa poboación en 2005 era de 182 418 habitantes, mais a súa área metropolitana estímase que se achega a 1 500 000 habitantes.

Xeografía

A cidade de Abuja está situada no centro xeográfico do país, ao norte da confluencia dos ríos Nixer e Benue, a uns 480 km ao nordeste de Lagos, a anterior capital. O seu territorio limita cos estados de Níxer polo oeste; Kaduna polo nordeste, Plateau polo leste e o polo sur; e con Kogi polo suroeste.

Historia

En 1976 acordouse trasladar a capital federal desde Lagos, para o que se escolleu un territorio no centro do país. Abuja converteuse na nova capital no 1982, mais o recoñecemento oficial non tivo efectividade até o 1992. A cidade está no centro do denominado Territorio da Capital Federal (TEC). Administrativamente está dividido en seis distritos: Central, Abaji, Gwagwalada, Kuye, Bwari e Kwali.

Monumentos

A cidade foi construída no asentamento dun pequeno núcleo urbano anterior. A nova capital foi proxectada polo arquitecto xaponés Kenzo Tange e os seus colaboradores, que actuaron a través da empresa Kenzo Tange & Urtec. As obras comezaron en 1976 e continúan na actualidade, con fases alternas de inactividade, a causa de escaseza de medios de financiamento.

Economía

Desde un punto de vista económico a cidade carece de actividades destacables, pois é sobre todo unha urbe administrativa. É a sede da Universidade de Abuja, fundada en 1988.

Transportes

O Aeroporto de Abuja é o segundo do país polo seu movemento aéreo.

Véxase tamén

Outros artigos

Territorio da Capital Federal.

Ligazóns externas

Páxina oficial de Abuja