Bissau

Na Galipedia, a Wikipedia en galego.

Coordenadas: 11°51′N 15°34′O / 11.850, -15.567

Bissau
Bissau city center.jpg
Centro da cidade
Localización
Bissau en Guinea-Bisau
Bissau
Bissau
País Flag of Guinea-Bissau.svg Guinea-Bissau
Rexión Sector Autónomo de Bissau
Xeografía
Altitude 0 msnm
Superficie 77,5 km²
Demografía
Poboación 395.954 hab. (2010)
Densidade 5.1000 hab/km²
Ambiente urbano en Bissau

Bissau é a maior cidade e e capital da Guinea-Bissau. É tamén a capital do sector autónomo de Bissau. Posúe unha poboación estimada en 197.610 habitantes (datos de 1991) e unha área de 77 km².

Localización e características[editar | editar a fonte]

A cidade localízase no estuario do Río Geba, na costa atlántica africana. É a maior cidade do país, co maior porto, así como centro administrativo e militar da rexión. Cacahuete, madeira, coco, aceite de palmeira e caucho son os produtos principais en Bissau. Fundada en 1678 polos portugueses, tornou un porto fortificado e centro de comercio. En 1942 converteuse en capital da Guinea Portuguesa, pero foi substituída por Madina do Boé entre 1973-1974.

Lugares e eventos de interese[editar | editar a fonte]

A cidade é coñecida polo seu entroido anual. Outras atraccións inclúen a Fortaleza d'Amura, que contén o mausoleo de Amílcar Cabral, líder nacionalista que axudou a fundar o Partido Africano pola Independencia da Guinea e Cabo Verde (PAIGC), o Memorial Pidjiguiti polos pescadores mortos na folga das Docas o 3 de agosto de 1959 e varias praias de grande beleza. Varios dos seus edificios foron arruinados durante a guerra civil, incluíndo o Palacio Presidencial e o Centro de Cultura Francesa.

O aeroporto que serve Bissau é o Aeroporto Internacional Osvaldo Vieira.