Maseru

Na Galipedia, a Wikipedia en galego.
Maseru
[[Ficheiro:[[Ficheiro:|140px|]]|130px]] [[Ficheiro:[[Ficheiro:|120px]]|90px]]
Situación xeográfica
Lt-map.png
País Flag of Lesotho.svg Lesoto
Rexión
Subrexión
Distrito Maseru
Xeografía
Altitude 1.600 msnm
Superficie 138 km²
Poboación
Poboación 227.880 hab. (2006)
Densidade 1.651´3 hab/km²
Información
Código postal
Alcalde
Páxina web
Localización de Maseru en Lesoto

Maseru (mɑseʀu) é a capital de Lesoto. Situada sobre o río Mohokare, na fronteira con a República Sudafricana, é a única cidade de tamaño do país, cunha poboación de cerca de 227,880 (2006). É a ademais capital do distrito de Maseru.

Maseru estabeleceuse inicialmente como un campamento policial e designada como capital logo de que o país se converteu nun protectorado británico en 1869. Cando o país accedeu á independencia en 1966, Maseru conservou o seu status de capital.

Nome[editar | editar a fonte]

O nome da cidade é un vocábulo sesotho que significa "lugar da arenisca vermella".[1]

Historia[editar | editar a fonte]

Maseru foi fundada polas autoridades británicas como un pequeno posto policial en 1869, logo da conclusión da Guerra do Estado Libre de Basotho e Basutolandia se tornou nun protectorado británico.[2][3] Maseru está situada no bordo dos "territorios conquistados" ao Estado Libre de Orange (actualmente Orange é unha provincia de Suráfrica), como parte dos acordos de paz. A localidade estaba situada no oeste do estado de Basotho a uns 24 km da fortaleza de Thaba Bosiu do rei Moshoeshoe I, de facto a antiga capital do país. Moi logo medrou un bulicioso mercado na área en torno á nacente cidade.[4]

Maseru inicialmente funcionou como capital administrativa do país entre 1869 e 1871, antes de que a administración de Basutolandia fose transferida para a Colonia do Cabo. Entre 1871 e 1884, Basutolandia foi tratada de xeito semellante a dos territorios que foran anexionados pola forza, o que causou amargura en Basotho.[5] Isto levou á Guerra do Cañón en 1881 e á queima de numerosos edificios en Maseru.[1] No ano 1884, foille devolto a Basutolandia o seu anterior status de colonia da Coroa, e Maseru foi restabelecida como capital. Posteriormente cando Basutolandia obtivo a independencia e pasou a ser o Reino de Lesoto, en 1966, Maseru permaneceu como capital do país.[3]

Con anterioridade á independencia de Lesoto, Maseru apenas medrou; estivo confinada dentro dos ben definidos límites coloniais e carecía de espazo para crecer, entanto os británicos tiveron pouco interese en desenvolver a localidade. Despois de 1966 Maseru experimentou unha rápida expansión: a súa área incrementou arredor de sete veces o seu tamaño, desde cerca de 20 km2 até 138 km2, incorporando aldeas da súa periferia.[1][3] A taxa de crecemento anual da poboación manteuse cerca do 7% durante varias décadas, para caer arredor do 3.5% entre 1986 e 1996.[3]

Logo de que en 1998 as eleccións parlamentarias en Lesoto levantasen sospeitas de fraude na votación e interviñese militarmente Suráfrica no país, gran parte da cidade sufriu desordes e pillaxes.[6] O custo das reparacións dos danos causados foi estimado en arredor de 20.000 millóns de rands (uns 350 millóns de dólares estadounidenses).[7]Os efectos dos desordes urbanos puidéronse constatar na cidade durante un decenio.[8]

Xeografía e clima[editar | editar a fonte]

Vista panorámica de Maseru en 2007

Maseru está sita no noroeste de Lesotho, nos límites con a República Sudafricana, marcados polo río Mohokare. Ambos países comunícanse pola Ponte Maseru, que salva as augas, e no que se ergue un posto fronteirizo. En Suráfrica, Ladybrand é a cidade máis próxima a Maseru. Esta érguese nun val pouco profundo aos pés de Hlabeng-Sa-Likhama, lombas das montañas Maloti.[1] Con todo Maseru está a 1600 m sobre o nivel do mar.[9] O seu casco urbano ocupa unha área de arredor de 138 km2.[3]

Maseru ten un clima continental, caracterizado por veráns quentes e húmidos, e invernos secos. A media diaria da temperaturas estivais — que corresponde aos meses de decembro a marzo no hemisferio sur— é de 22 °C. Durante o inverno, entre xuño e setembro, a media de temperaturas é de 9 °C.[10] O mes máis cálido é xaneiro con temperaturas medias entre os 15 °C e os 33 °C.[11] Durante o mes máis frío, xullo, as temperaturas móvense entre -3 °C e 17 °C.[11] A media de precipitacións mensuais oscila entre os 7 mm de xuño e os 141 mm de febreiro.[11]

Demografía[editar | editar a fonte]

O último censo, en 2006, cifraba a poboación de Maseru en 227,880 habitantes, o que equivalía a unha décima parte da enteira poboación de Lesoto, é á metade da poboación urbana do país.[12][13] Desa cifra 103,520 correspondía ao sexo masculino e 124,360 ao feminino, ou en cifras relativas, significaba 100 mulleres por cada 83 homes.[13] A poboación da cidade era tan só de 28.000 habitantes en 1966, e xa de 110.000 cando o censo de 1986 census, o que demostra o veloz medre da cidade despois da independencia do país.[1]

Transporte[editar | editar a fonte]

Vista da estrada principal sur de Maseru

Un ferrocarril e unha ponte, datada en 1905, cruza o río Mokohare River e une o distrito comercial setentrional de Maseru con Marseilles, Suráfrica e desde aí con a liña principal Bloemfontein/KwaZulu-Natal.[14] O longo convoi de 2.6 km é o único do país.

A Kingsway, a estrada que une o aeroporto Leabua Jonathan, actualmente coñecido Aeroporto Mejametalana, e o Pazo Real en Maseru, foi a primeira estrada pavimentada de Lesoto. O que era un camiño en estado lamentábel, foi renovado con ocasión dunha visita da familia rela británica en 1947.[15] Foi a única estrada pavimentada do país até que este obtivo a independencia no ano 1966.[1] Dúas estradas principais parten de Maseru actualmente, a Principal Norte 1 para o norleste e a Principal Sur 1 para o sueste até Mazenod e Roma. O aeroporto internacional, denominado Aeroporto Internacional Moshoeshoe, fica próximo, en Thoteng-ea-Moli, Mazenod. A Universidade Nacional de Lesoto está localizada en Roma, a 32 km de Maseru.

Economía[editar | editar a fonte]

O comercio da cidade está centrado arredor da Kingsway (a estrada que liga a cidade con o aeroporto internacional) e é a maior fonte de empregos. No distrito de negocios do oeste localízanse os maiores edificios de despachos, almacéns de venta e varios bancos. O distrito de negocios do leste é menor, pero posúe mercados e vendedores de rúa.[1]

A industria de Maseru desenvólvese en dúas áreas principais. Unha no norte da zona central de negocios, ao longo da Moshoeshoe Road, conta con muíños de fariñas e outras empresas. O outro sector industrial está sito ao sur da zona central de negocios, no distrito Thetsane, e céntrase na industria téxtil e de calzado.[1]

Até 2004 Maseru gozou dunha industria téxtil expansiva, que contaba con apoio e investimentos da China. Máis dsede a expiración do Acordo Multi Fibre, o sector téxtil de Lesoto declinou.[16] Outras industrias urbanas prósperas foron as de velas e alfombras, pero ficaron arruinadas pola competencia da industria de Sudáfrica.

Cultura[editar | editar a fonte]

Vista nocturna do sur de Maseru. O centro urbano fica á dereita

Arquitectura[editar | editar a fonte]

A maioría das tradicionais casas de adobes con tellados de colmo, chamadas rondavels, foron substituídas por edificacións modernas. Subssiten algunha construcións de época colonial arredor do centro da cidade, entre as que callaría destacar a catedral católica de Nosa Señora das Victorias e máis a igrexa anglicana de San Xoán.[1] Other sights include the Royal Palace, the Parliament building and the State House.[17]

Turismo[editar | editar a fonte]

Maseru conta en total con seis hoteles, dous dos cales, o Lesotho Sun e o Maseru Sun, posúen casinos.[18][19] Durante a década de 1960, antes das novas leis sudafricanas sobre xogo, os casinos de Lesoto eran unha atracción popular para os visitantes sudafricanos, pero desde entón ese intereses decaeu.[19]

Dúas das maiores atraccións turísticas de Lesoto, Lancer's Gap e máis Thaba Bosiu están perto de Maseru.

Notas[editar | editar a fonte]

  1. 1,0 1,1 1,2 1,3 1,4 1,5 1,6 1,7 1,8 Sam Romaya, Alison Brown (April 1999). "City profile: Maseru, Lesotho". Cities 16: 123-133. 
  2. Baffour Ankomah, Khalid Bazid (May 2003). "Lesotho: Africa's Best Kept Secret". New African. 
  3. 3,0 3,1 3,2 3,3 3,4 Karen Tranberg Hansen, Mariken Vaa (2004). Reconsidering Informality: Perspectives from Urban Africa. Nordic African Institute. pp. p. 180. ISBN 9171065180. 
  4. Willie Olivier, Sandra Olivier (2005). Touring in South Africa: The Great SA Road Trip Guide. Struik. pp. p. 116. ISBN 1770071423. 
  5. James S. Olson, Robert S. Shadle (ed.) (1996). Historical Dictionary of the British Empire. Greenwood Press. pp. p. 118. ISBN 0-313-27917-9. 
  6. Economist 349: 49. 26 de setembro de 1998. 
  7. "Lesotho billed for South African intervention". BBC News. 1998-10-09. http://news.bbc.co.uk/2/hi/africa/190136.stm. Consultado o 2008-04-14. 
  8. "Straw men". Mail & Guardian Online. 2007-03-15. http://www.mg.co.za/articledirect.aspx?area=onlineletters_archive&ArticleId=303580. Consultado o 2008-04-14. 
  9. Mary Fitzpatrick, Becca Blond, Gemma Pitcher, Simon Richmond, Matt Warren (2004). South Africa, Lesotho & Swaziland. Lonely Planet. pp. p. 521. ISBN 1741041627. 
  10. "Maseru, Lesotho climate". myforecast.com. http://www.myforecast.com/bin/climate.m?city=69719&metric=true. Consultado o 2008-04-14. 
  11. 11,0 11,1 11,2 "Lesotho: Basic data". The Economist Intelligence Unit. 30 de marzo de 2007. 
  12. "Maseru District population statistics". GeoHive. http://www.xist.org/cntry/lesotho.aspx?levels=Maseru. Consultado o 2008-04-14. 
  13. 13,0 13,1 "2006 census". Lesotho Bureau of Statistics. http://www.bos.gov.ls/2006_census.htm. Consultado o 2008-04-14. 
  14. "Lesotho Travel Guide". World Travel Guide. http://www.worldtravelguide.net/country/146/international_travel/Africa/Lesotho.html. Consultado o 2008-04-14. 
  15. Fitzpatrick et al. 2004, p. 522
  16. Peete Monolapo (setembro-outubro 2007). "Lesotho: The Promise of Africa". Foreign Policy. 
  17. "SADC Summit 2006". Southern African Development Community. http://www.sadc.int/summit/2006/host/index.php. Consultado o 2008-04-15. 
  18. "Maseru". seelesotho.com. http://www.seelesotho.com/travel/cities/maseru.htm. Consultado o 2008-04-15. 
  19. 19,0 19,1 "The Mountain Kingdom". South Africa Travel Guide. http://www.southafrica.org.za/tour-sa-mountain-kingdom.html. Consultado o 2008-04-14. 

Véxase tamén[editar | editar a fonte]

Commons
Commons ten máis contidos multimedia sobre: Maseru