Uagadugú

Uagadugú
Localización
	; Uagadugú
País	Burkina Faso
Rexión	Rexión Centro
Provincia	Kadiogo
Xeografía
Altitude	305 msnm
Superficie	219,3 km²
Demografía
Poboación	1.626.950 hab. (2012)
Densidade	6.727 hab/km²
Outros datos
Alcalde	Casimir Marin Ilboudo (dende 2013)
	Páxina Oficial de Uagadugú

Coordenadas: 12°22′07″N 1°31′39″O / 12.368611111111, -1.5275

Uagadugú^[1] ou Ouagadougou á maneira francesa, denominada coloquialmente Uagá ou Ouaga, é a capital de Burkina Faso, sendo á vez a maior cidade do país, cunha poboación de 1,2 millóns de habitantes (2005), e aínda o centro cultural, económico e administrativo. Os habitantes de Ouagadougou son os Ouagalais (máis ou menos uagalé) ou Ouagavillois (uagavilluá).

A denominación orixinaria da cidade é «Woogrtenga» e «Wogodogo», que significa «aló onde se recibe honra, respecto».

Historia[editar | editar a fonte]

Uagadugú era o nome dun Estado fundado no século XI, do cal era capital Kombemtinga. Esta mesma cidade foi a capital do reino Mossi en 1441, sendo a residencia permanente do Mogho Naba (rei ou emperador dos mossis), que estaba no barrio de Samandin.

En 1919, durante a colonización francesa, o reino Mossi foi reagrupado con outros tres reinos, para formar a colonia do Alto Volta (Haute-Volta). Naquela altura a cidade de Kombemtinga foi rebautizada como Ouagadougou.

Tornouse capital da república do Alto Volta (Haute-Volta) en 1960, cando o país obtivo a independencia.

Clima[editar | editar a fonte]

O clima de Uagadugú é bastante cálido. A cidade forma parte da área saheliana, cunha pluviosidade media de 750 mm anuais. A estación chuviosa abrangue de maio a outubro, cunha media de temperaturas de 30 °C. A estación fría vai de decembro a xaneiro, atinxíndose mínimas medias de temperatura de 19 °C. As máximas medias de temperatura danse durante a estación cálida, que vai de abril a maio, podéndose alcanzar os 45 °C. O harmattan (un vento seco) e máis o monzón, son os factores principais que determinan o clima de Uagadugú.

Turismo[editar | editar a fonte]

Uagadugú dispón de ofertas culturais para nativos e visitantes. Cómpre destacar:

Museos[editar | editar a fonte]

Museo de Kadiogo
Museo Etnográfico
Museo da Música

Monumentos de interese[editar | editar a fonte]

Gran Mesquita
Catedral
Pazo dos Mogho Naba
Monumento dos Cineastas
Monumento aos Heroes Nacionais (en construción)

Comunicacións[editar | editar a fonte]

Está unida ao porto de Abidjan, en Costa do Marfil, por ferrocarril. Posúe un aeroporto internacional.

Notas[editar | editar a fonte]

↑ Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8. Arquivado dende o orixinal (PDF) o 30 de setembro de 2015. Consultado o 21 de xuño de 2015.

Véxase tamén[editar | editar a fonte]

Ligazóns externas[editar | editar a fonte]

Páxina Oficial de Uagadugú

[1] Goretti Sanmartín Rei et al. Servizo de Normalización Lingüística, Universidade da Coruña, ed. Criterios para o uso da lingua (PDF). ISBN 84-9749-199-8. Arquivado dende o orixinal (PDF) o 30 de setembro de 2015. Consultado o 21 de xuño de 2015.

[1]