Departamento de Reunión

Na Galipedia, a Wikipedia en galego.
Saltar ata a navegación Saltar á procura

Coordenadas: 21°06′52″S 55°31′57″L / -21.11444, -55.53250

Région d'Outre-Mer da Réunion
Rexión de Ultramar de Reunión
Bandeira de Departamento de Reunión
Escudo de Departamento de Reunión
BandeiraEscudo
Reunion on the globe (Madagascar centered).svg
Lema: Non ten
Capital
 • Poboación		Saint-Denis
Cidade máis poboadaSt.Paul, St.Denis, St.Pierre
Linguas oficiaisFrancés
Forma de gobernoDepartamento de ultramar
Nicolas Sarkozy Didier Robert Nassimah Dindar
DepartamentoDe Francia Desde
 • Total2.512 km²
PoboaciónPosto xº
 • Total850.996 (2016)[1] hab.
 • Densidade340 hab./km²
PIB (nominal)
 • Totaln/d
 • per cápitan/d
 • Totaln/d
 • per cápitan/d
MoedaEuro
IDHn/d
Xentilicion/d
 • Horario de veránNon aplica
Dominio de Internet.re
Prefixo telefónico++262
Prefixo radiofóniconon ten
Código ISOn/d

Reunión (en francés La Réunion) é un departamento francés no Océano Índico, localizado ao leste de Madagascar. A illa principal é unha das dúas maiores illas Mascareñas, sendo o seu veciño máis próximo a outra: Mauricio. Reunión ten, ademais, varias dependencias, espalladas en torno de Madagascar, no Índico e na Canle de Mozambique. A súa capital é Saint-Denis.

Ten estatuto de rexión administrativa, así como Martinica, Guadalupe e Güiana.

Coa creación do seu parque nacional, a illa foi nomeada Patrimonio da Humanidade pola UNESCO o luns 2 de agosto de 2010. Nomeouse como Os pitóns, circos e escarpas da Illa da Reunión.

Historia[editar | editar a fonte]

Xunto á Illa Mauricio (ex-colonia francesa antes chamada Île de France) conforma o arquipélago das Illas Mascareñas. Os navegantes árabes chamárona Dina Morgabin (Illa occidental). Cando chegaron os portugueses en 1513 atopárona deshabitada e chamárona Santa Apolonia.

En 1638 foi ocupada por Francia. En 1642, por decreto do rei Luís XIII a illa pasa a chamarse Île Bourbon. Durante a Revolución francesa recibiu o seu nome actual.

Desde os séculos XVII a XIX, a inmigración francesa completouse con aquelas provenientes de África, China, Malaisia e India, dándolle á poboación o carácter diverso que hoxe ten. A apertura da Canle de Suez en 1869, restou importancia estratéxica á illa como base de aprovisionamento na ruta marítima a Asia.

A Reunión converteuse en Departamento de Ultramar o 19 de marzo de 1946.

Política[editar | editar a fonte]

Administrativamente, Reunión divídese en 24 communes (concellos) agrupados en catro arrondissements (distritos). Tamén se subdivide en 25 cantóns, que só teñen sentido para fins electorais a nivel departamental ou rexional.[2] É un departamento francés de ultramar, e tamén unha rexión de Francia. Constitúe unha rexión ultraperiférica da Unión Europea. A súa capital, San Denis, está situada no extremo norte da illa. O baixo número de "comunas", en comparación cos departamentos metropolitanos franceses de tamaño e poboación semellantes, é único: a maioría das súas "comunas" abarcan varias localidades, ás veces separadas por distancias significativas.

Concellos (comunas)[editar | editar a fonte]

Nome Área (km2) Poboación Escudo de armas Distrito Mapa
Bras-Panon 88.55 12,768 Blason Ville Fr Bras-Panon (Réunion).svg Saint-Benoît Locator map of Bras-Panon 2018.png
Cilaos 84.4 5,492 Blason ville DomFr Cilaos (Réunion).svg Saint-Pierre Locator map of Cilaos 2018.png
Entre-Deux 66.83 6,914 Blason ville DomFr Entre-Deux (Réunion).svg Saint-Pierre Locator map of Entre-Deux 2018.png
L'Étang-Salé 38.65 14,108 Blason ville DomFr Étang-Salé (Réunion).svg Saint-Pierre Locator map of L’Étang-Salé 2018.png
La Plaine-des-Palmistes 83.19 6,568 Saint-Benoît Locator map of La Plaine-des-Palmistes 2018.png
La Possession 118.35 32,633 Blason ville DomFr La Possession (Réunion).svg Saint-Paul Locator map of La Possession 2018.png
Le Port 16.62 33,531 LOGO LE PORT 2016.jpg Saint-Paul Locator map of Le Port 2018.png
Le Tampon 165.43 79,385 Ville du Tampon (Réunion).png Saint-Pierre Locator map of Le Tampon 2018.png
Les Avirons 26.27 11,246 Blason ville DomFr Les Avirons (La Réunion).svg Saint-Pierre Locator map of Les Avirons 2018.png
Les Trois-Bassins 42.58 7,076 Saint-Paul Locator map of Les Trois-Bassins 2018.png
Petite-Île 33.93 12,308 Blason ville Fr Petite-Ile (Réunion).svg Saint-Pierre Locator map of Petite-Île 2018.png
Saint-André 53.07 56,747 Saint-Benoît Locator map of Saint-André 2018.png
Saint-Benoît 229.61 37,274 Saint-Benoît Locator map of Saint-Benoît 2018.png
Saint-Denis 142.79 150,535 Blason St-Denis Réunion DOM.svg Saint-Denis Locator map of Saint-Denis 2018.png
Saint-Joseph 178.5 37,517 Ville de Saint-Joseph (Réunion).png Saint-Pierre Locator map of Saint-Joseph 2018.png
Saint-Leu 118.37 34,196 Blason ville DomFr Saint-Leu (Réunion).svg Saint-Paul Locator map of Saint-Leu 2018.png
Saint-Louis 98.9 53,589 Blason ville DomFr Saint-Louis (Réunion).svg Saint-Pierre Locator map of Saint-Louis - Réunion 2018.png
Saint-Paul 241.28 103,492 Blason ville fr Saint-Paul (La Réunion).svg Saint-Paul Locator map of Saint-Paul 2018.png
Saint-Philippe 153.94 5,149 Saint-Pierre Locator map of Saint-Philippe 2018.png
Saint-Pierre 95.99 84,961 Blason St-Pierre Réunion DOM.svg Saint-Pierre Locator map of Saint-Pierre 2018.png
Sainte-Marie 87.21 33,234 Blason ville DomFr Sainte-Marie (Réunion).svg Saint-Denis Locator map of Sainte-Marie 2018.png
Sainte-Rose 177.6 6,296 Saint-Benoît Locator map of Sainte-Rose - Réunion 2018.png
Sainte-Suzanne 58.84 23,718 Saint-Denis Locator map of Sainte-Suzanne 2018.png
Salazie 103.82 7,224 Blason DomFr Salazie (Réunion).svg Saint-Benoît Locator map of Salazie 2018.png
O Tribunal Superior (Tribunal de grande instance) de Saint-Denis, Reunión.

Dependencias[editar | editar a fonte]

As seguintes illas e arquipélagos son dependentes de Reunión:

Xeografía[editar | editar a fonte]

A illa ten 63 quilómetros de leste a oeste e 45 de norte a sur, cunha superficie total de 2150 km². Está por riba dun punto quente na codia terrestre. O Pitón da Fournaise, un volcán en escudo activo no extremo leste da illa da Reunión, elevase máis de 2631 m. sobre o nivel do mar e ás veces chámase irmá dos volcáns hawaianos debido á semellanza do clima e da natureza volcánica. Entrou máis de 100 veces en erupción desde 1640 e está baixo un seguimento constante, a máis recente o 2 de abril de 2020.[3] Durante outra erupción en abril de 2007, o fluxo de lava estimouse en 3,000,000 m³ por día.[4] O punto quente que alimenta Piton da Fournaise tamén creou as illas de Mauricio e Rodrigues.

O volcán Piton des Neiges, o punto máis alto da illa con 3070 m. sobre o nivel do mar, está ao noroeste do Piton da Fournaise. As caldeiras e canóns colapsados ​​están ao suroeste da montaña. Aínda que o Piton da Fournaise é un dos volcáns máis activos da Terra, o Piton des Neiges está latente. O seu nome é francés para "pico das neves", pero as nevadas no cumio da montaña son raras. As ladeiras de ambos os volcáns están cubertas de bosque tropical. As terras cultivadas e cidades como a capital de Saint-Denis concéntranse nas terras baixas costeiras circundantes. Alén da costa, parte da costa oeste caracterízase por un sistema de arrecifes de coral da Illa da Reunión. A Reunión ten tamén tres caldeiras ou circos: o Cirque de Salazie, o Cirque de Cilaos e o Cirque de Mafate. Ao último só se pode acceder a pé ou en helicóptero.

Xeoloxía e relevo[editar | editar a fonte]

A illa da Reunión é unha illa volcánica que naceu hai uns tres millóns de anos[5] coa aparición do volcán Piton des Neiges que é hoxe, cunha altitude de 3.070,50 m, o pico máis alto das Illas Mascareñas e o Océano Índico. A parte oriental da illa está constituída polo Pitón da Fournaise, un volcán moito máis recente (500.000 anos de antigüidade) que está considerado un dos máis activos do planeta. A parte emerxida da illa representa só unha pequena porcentaxe (un 3%) da montaña submarina que a forma.

Ademais do vulcanismo, o relevo da illa é moi irregular debido á erosión activa. O centro alberga tres vastos circos escavados pola erosión (Salazie, Mafate e Cilaos) e as abas da illa están surcadas por numerosos ríos que cavan barrancos, estimados en polo menos 600,[6] xeralmente profundos e cuxos torrentes cortan as laterais das montañas ata varios centos de metros de profundidade.

O antigo macizo do Pitón des Neiges está separado do macizo de La Fournaise por unha brecha formada pola chaira des Palmistes e a chaira des Cafres, un paso entre o leste e o sur da illa. Ademais das chairas, as zonas costeiras son xeralmente as rexións máis planas, especialmente no norte e oeste da illa. Non obstante, a costa do sur salvaxe é máis empinada.

Entre a franxa costeira e os Hauts, hai unha empinada zona de transición cuxa pendente varía considerablemente antes de chegar ás dorsais que establecen os circos ou o Enclos, a caldeira do Piton da Fournaise.

Economía[editar | editar a fonte]

O azucre de cana é o principal cultivo e produto exportado.

A Reunión depende da importación de comida e de enerxía. Ademais, o desemprego representa un serio problema. O seu Produto Interior Bruto por habitante é considerablemente inferior ao de Francia metropolitana. Por iso benefíciase dos fondos estruturais que outorga a Unión Europea ás zonas económicas menos favorecidas.

Demografía[editar | editar a fonte]

A poboación está composta nun 50% de descendentes africanos e malgaxes, un 25% de orixe asiática, sobre todo támiles, sendo o resto mestizos e europeos. A poboación e a agricultura concéntranse nas zonas costeiras. Conta con case 800 000 habitantes.

Na literatura contemporánea[editar | editar a fonte]

En 2014 a Editorial Galaxia publicou a novela A Diagonal dos Tolos, de Santiago Lopo, cuxa trama acontece integramente na illa de Reunión. No libro relátase o pasado escravista da illa utilizando o percorrido do ultramaratón coñecido como “La Diagonale des Fous”. A obra gañou o Premio Narrativa Breve Repsol en 2014. [7]

Mapa da Illa de Reunión.
Vista de satélite.

Notas[editar | editar a fonte]

  1. ↑ INSEE. "Estimation de population par région, sexe et grande classe d'âge - Années 1975 à 2016" (en francés). Consultado o 2017-07-09. 
  2. ↑ /metadonnees/cog/departement/DEP974-la-reunion "Département de La Reunion (974) – Code Officiel Géographique" |url= incorrecto (Axuda). INSEE. Consultado o 12 Novembro de 2021. 
  3. ↑ [1] Le Piton du Confinement on clicanoo.com
  4. ↑ Thomas Staudacher (7 de abril de 2007). "Reunion sees 'colossal' volcano eruption, but population safe". AFP. Arquivado dende o orixinal o 9 de abril de 2007. Consultado o 18 de agosto de 2007.  (Web archive)
  5. ↑ Emmanuel Tessier, Saint Denis, Thèse de doctorat sous la direction de Pascale Chabanet et Catherine Aliaume, 2005, 254 p
  6. ↑ Guy Dupont, Condé-sur-Noireau, L'Harmattan, juin 1990, 759 p. ISBN 2-7384-0715-3 p. 100.
  7. ↑ https://www.sermosgaliza.gal/articulo/cultura/santiago-lopo-gana-repsol-diagonal-tolos/20140926213904030933.html "Santiago Lopo gaña o Repsol con “A diagonal dos tolos”, Sermos Galiza, 26/9/2014.
Traído desde «https://gl.wikipedia.org/w/index.php?title=Departamento_de_Reunión&oldid=5989109»