Iago Bouzón

Iago Bouzón
Iago Bouzón en 2015
Información persoal
Nome	Iago Bouzón Amoedo
Nacido	16 de xuño de 1983 (37 anos)
Lugar	Redondela
Altura	1,82 m.
Posición	Defensa
Información de club
Club actual	Gimnàstic de Tarragona
Número	5
Carreira xuvenil
	Celta de Vigo
Carreira sénior
Anos	Equipos	Aprs	(Gls)
1999–2004	Celta B	54	(1)
2000–2005	Celta de Vigo	11	(0)
2005–2010	Recreativo	115	(2)
2010–2012	Omonia	21	(1)
2012–2013	Xerez	28	(0)
2013–2015	Córdoba	31	(0)
2015–2017	Gimnàstic de Tarragona	51	(1)
Selección nacional
2000	España sub-16	3	(0)
2001	España sub-17	2	(0)
2003	España sub-20	7	(0)
2004	España sub-21	2	(0)
2005–2007	Galicia	2	(0)
Partidos e goles só en liga doméstica. Club: Actualizado a 8 de xullo de 2017.

Iago Bouzón Amoedo, nado en Redondela o 16 de xuño de 1983, é un futbolista galego. Xoga de defensa central e o seu equipo actual é o Córdoba.

Traxectoria

Formouse na canteira do Celta de Vigo, xogando no filial as tempadas 2001-02, 2002-03 e 2003-04, cando ascendeu ao primeiro equipo. Co Celta xogou en Primeira División dous encontros nesa mesma tempada: o debut no estadio de Montjuïc e á xornada seguinte en Balaídos contra o Deportivo Alavés. Na seguinte tempada, xa co equipo en Segunda División, disputou sete encontros.

Na tempada 2005-06 xogou cedido no Recreativo de Huelva, onde participou en 24 encontros,en 20 deles como titular. O club onubense demostrou o seu interese por renovar ao xogador e o 19 de agosto de 2006 o Celta e o Recreativo asinaron un acordo de traspaso por catro anos, gardando o Celta a posibilidade de recompra ao segundo.

Permaneceu en Huelva até 2010, cando fichou polo Omonia Nicosia de Chipre.

Palmarés

Participou no campionato de Europa de seleccións sub-15 en Israel. Máis tarde obtivo coa selección española a Copa Meridian de seleccións sub-17, disputada en Bari do 27 de xaneiro ao 2 de febreiro de 2001, e que enfrontou seleccións europeas e africanas. Foi subcampión do mundo sub-20 coa selección española, no mundial organizado en Arabia Saudita. Tamén foi internacional sub-21 con España.

O 29 de decembro de 2005 Iago Bouzón disputou o partido Galiza-Uruguai que supuxo a recuperación da selección galega de fútbol.

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en futbolme.com (en castelán)
• Datos do xogador en fifa.com (en inglés)
• Datos do xogador en transfermarkt.co.uk (en inglés)