Francisco Corredoira

Na Galipedia, a Wikipedia en galego.
Saltar ata a navegación Saltar á procura
Paco Corredoira
Información persoal
Nome Francisco José Corredoira González
Nacemento 28 de decembro de 1979 (41 anos)
Lugar de nacemento Lugo
Altura 1,72 m.
Posición Defensa
Carreira xuvenil
CD Lugo
Racing Vilalbés
SD Compostela
Carreira sénior
Anos Equipos Aprs (Gls)
2000–2003 SD Compostela 63 (4)
2003–2005 SD Eibar 60 (5)
2005–2006 Numancia 25 (1)
2006–2009 Racing de Ferrol 55 (13)
Selección nacional
2005 Galicia 1 (0)
Partidos e goles só en liga doméstica.

editar datos en Wikidata ]

Francisco José Corredoira González, coñecido como Paco Corredoira, nado o 28 de decembro de 1979 en Lugo é un exfutbolista galego que xogaba na demarcación de defensa.

Traxectoria[editar | editar a fonte]

Formado nas categorías inferiores do CD Lugo pasou polo Racing Vilalbés antes de recalar no filial da SD Compostela. Debutou co primeiro equipo en Segunda División na tempada 2000/2001, conseguindo ficha do primeiro equipo na tempada seguinte. Xogou en Compostela tres tempadas nas que viviu un amargo descenso a Segunda División B, o seguinte ascenso á categoría de prata e o definitivo descenso por falta de pagamento pese a rematar a tempada na novena posición.

No verán de 2003 fichou polo SD Eibar da Segunda División, onde xogou dous anos a moi bo nivel. Ao rematar estes dous anos fichou polo Numancia de Soria, tamén na división de prata.

No verán de 2006 fichou polo Racing de Ferrol, acadando o ascenso a Segunda no seu primeiro ano, porén so aguantaría un ano nesta categoría. Pese á titularidade e ao bo nivel mostrado en Ferrol as continuas lesións lastraron o seu potencial, en especial unha rotura dos ligamentos cruzados no seu segundo ano. Isto levouno a anunciar a súa retirada en 2009 para preparar as oposicións a mestre de educación física de Educación Secundaria.

Coa selección de fútbol[editar | editar a fonte]

No ano 2005 foi convocado para disputar o primeiro encontro da Selección galega moderna, ante a Selección do Uruguai no estadio de San Lázaro, encontro que gañaría Galiza por 3-1.

Véxase tamén[editar | editar a fonte]

Ligazóns externas[editar | editar a fonte]