Cunha superficie de aproximadamente 32 000km², forma un rectángulo de 240km de lonxitude por 130–145km de largura, delimitado
ao oeste pola liña Lindesnes (Noruega) — Hanstholn (Dinamarca) e
ao leste pola liña Pater-Nosterskären (Suecia) — Grenen (cabo setentrional de Dinamarca).
A súa profundidade máxima é de cerca de 700 metros preto das costas norueguesas, sendo que a súa profundidade media é de 210 metros (23 metros no Kattegat).
O seu nome deriva do nome da cidade de Skagen, a máis setentrional de Dinamarca.
En ambas as guerras mundiais, o Skagerrak foi estratexicamente moi importante para a Alemaña. Unha das maiores batallas marítimas da primeira guerra mundial, a batalla de Xutlandia, tamén coñecida como a batalla do Skagerrak, aconteceu aquí do 31 de maio ao 1 de xuño de 1916. A importancia do control desa pasaxe, o único acceso ao Báltico, foron motivos para as invasións de Dinamarca e de Noruega pola Alemaña durante a segunda guerra mundial.
