Rubí, Barcelona

Rubí, Barcelona
	Bandeira Brasón
Localización
	41°29′36″N 2°01′57″L / 41.493333333333, 2.0325
Estado	España
Comunidade autónoma	Cataluña
Provincia	provincia de Barcelona
Capital	Rubí (en)
Poboación
Poboación	80.044 (2023) (2.478,14 hab./km²)
Número de fogares	35 (1553)
Lingua oficial	lingua catalá
Xeografía
Superficie	32,3 km²
Bañado por	Riera de Rubí (en)
Altitude	123 m
Comparte fronteira con	Terrasa ; Castellbisbal ; Sant Cugat del Vallès ; Sant Quirze del Vallès ; Ullastrell
Organización política
• Alcaldesa	Ana María Martínez Martínez (2023–)
Identificador descritivo
Código postal	08191
Fuso horario	UTC+01:00
Código INE	08184
Código territorial IDESCAT	081846
Outro
Irmandado con	Clichy ; Celanova ; Pudahuel (pt)
Sitio web	rubi.cat

Para outras páxinas con títulos homónimos véxase: Rubí (homónimos).

Rubí é un municipio milenario da Provincia de Barcelona, situado na comarca do Vallès Occidental. Atópase no val de Rubí, e limita ao norte con Terrassa e Sant Quirze del Vallès, ao oest con Ullastrell, ao leste con Sant Cugat del Vallès, e ao sur con Castellbisbal.

O nome actual provén da súa denominación en latín, Rivo Rubeo, traducido por "riera vermella" en referencia á arxila que arrastraba a riera que lle deu nome.

Demografía

A poboación da cidade foi crecendo desde os 3.000 habitantes que contaba en 1860 ata os 6.000 con que se estabilizou desde os anos 30 ata os anos 60, excepto a diminución producida pola guerra civil española e o posterior exilio. O crecemento de poboación nesta época baséase na inmigración procedente de Cataluña. Se a comezos dos sesenta Rubí superaba por pouco os 9.000 habitantes, nesa mesma década triplicou a súa poboación, e a finais do século XX xa excedía os 50.000. A chegada de poboación doutras cidades catalás e as ondas migratorias provenientes do norte de África e o sur e centro de América fixeron de Rubí unha cidade de máis de 70.000 habitantes (73.691 en 2006 e 73.836 en 2009).

Evolución demográfica
1900	1930	1950	1970	1981	2000	2009
4.400	6.623	6.953	25.461	43.532	58.646	73.836

Economía

A poboación da cidade traballa maioritariamente nos sectores servizos (47,9%), basicamente no subsector do comercio polo miúdo, e a industria (40,1%), que está concentrada nos polígonos industriais próximos á riera de Rubí, pois a industria existente dentro do núcleo urbano foise transformando en vivendas, e conta cunha taxa de paro (2006) do 6,4%, superior á media da provincia.

Os traballos agrícolas e gandeiros, que foran parte fundamental da economía da cidade ata o século XX, ocupando a finais do século XIX o 92,6% da superficie cultivable con viña, pola produción de viño e augardente actualmente son residuais, cunha crise que se iniciou en 1886 cunha praga.