Cabrils

Cabrils
Localización
País	España
Comunidade autónoma	Cataluña
Provincia	Barcelona
Comarca	Maresme
Xeografía
Altitude	147 msnm
Superficie	7,1 km²
Demografía
Poboación	7.108 hab. (2010)
Densidade	1.001,13 hab/km²
Xentilicio	Cabrilenc, cabrilenca
Outros datos
Código postal	08348
Alcalde	Joaquim Colomer i Godàs (PSC)
	www.cabrils.cat

Cabrils é un municipio de Cataluña, España, pertencente á provincia de Barcelona, na comarca do Maresme. A localidade está situada na zona interior, entre os municipios de Vilassar de Mar, Vilassar de Dalt, Òrrius, Argentona e Cabrera de Mar, e a uns 10 km de Mataró, capital da comarca.

Historia[editar | editar a fonte]

Vista do municipio

O lugar de Cabrils aparece documentado desde 1037, como parte da xurisdición do veciño castelo de Vilassar de Dalt ata o 1820, cando conseguíu ser municipio independente con administración propia.

Eclesiasticamente dependía de Sant Genís de Vilassar ata 1779, cando outorgan a categoría de parroquia á igrexa da Santa Creu.

A poboación foi estacionaria desde o século XIX e ata os anos sesenta, cando a función de veraneo e o aumento da construción de segundas residencias, fixeron crecer notablemente a súa poboación.

Demografía[editar | editar a fonte]

Evolución demográfica
1900	1930	1950	1970	1981	2000	2008
789	777	715	913	1.504	4.693	6.834

Economía[editar | editar a fonte]

A economía tradicional de Cabrils baseábase na agricultura (laranxeiras e hortalizas). Actualmente xa non hai laranxas e os cultivos foron desaparecendo, en beneficio da floricultura (caraveles e rosas especialmente). Respecto da industria, a construción é o sector económico máis importante. Desde os anos 80 o crecemento de Cabrils foi notable ata converterse nunha importante poboación residencial. A edificación de urbanizacións residenciais cambiou a paisaxe do municipio aumentando a función comercial e dos servizos, sendo o segundo municipio coa renda per cápita máis alta de Cataluña con 28.300 euros.