Premià de Mar

Premià de Mar
	Brasón
Localización
	41°29′31″N 2°21′43″L / 41.492, 2.362
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Maresme
Capital	Premià de Mar (en)
Poboación
Poboación	29.431 (2025) (14.014,76 hab./km²)
Lingua oficial	lingua catalá
Xeografía
Parte de	Q107554298
Superficie	2,1 km²
Altitude	8 m
Comparte fronteira con	Premià de Dalt ; El Masnou ; Vilassar de Mar ; Teià
Organización política
• Alcalde	Rafa Navarro Álvarez (en) (2020–)
Identificador descritivo
Código postal	08330
Fuso horario	UTC+01:00
Código INE	08172
Código territorial IDESCAT	081727
Sitio web	premiademar.cat

Para outras páxinas con títulos homónimos véxase: Premià.

Premià de Mar é un municipio español da provincia de Barcelona, Cataluña, situado no litoral do Maresme, a uns 20 quilómetros de Barcelona. En 1842 o seu nome oficial era Sant Cristòfol de Premià.^[1]

Premià de Mar é a segunda localidade máis poboada do Maresme logo de Mataró. Os municipios que o circundan son El Masnou, Premià de Dalt, Vilassar de Dalt e Vilassar de Mar.

Medio ambiente

A praia é areosa, pouco coidada e sofre unha gran regresión mariña que no seu día se intentou solucionar coa construción duns espigóns e que, nos últimos anos, corríxese temporalmente coa achega artificial de area do fondo mariño, sen a cal non existiría en moitos lugares. A ampliación do porto deportivo, iniciada antes dos Xogos Olímpicos e aínda inacabada, contribuíu en gran xeito, a alterar os volumes de area nas praias. Xunto ás praias hai uns paseos moi ben coidados, dotados de exercicios variados para deportistas, con grande amplitude para camiñar e ir en bicicleta, rodeados por unha banda de árbores, e do outro de plantas e flores que alegran a vista.

O Centro de Recuperación de Animais Mariños (CRAM) de Premià é unha iniciativa dun grupo de voluntarios e profesionais co obxectivo de salvar animais mariños feridos, especialmente tartarugas e outras especies do Mediterráneo. As súas instalacións están situadas nunha torre de veraneo situada no barrio de Casa Pou-Campo de Mar, que limita co termo de Vilassar de Mar e pódese visitar concertando unha cita previa.

Demografía

Evolución demográfica
1900	1930	1950	1970	1981	2000	2008
2.239	3.380	3.947	11.284	19.935	26.130	27.545

Economía

Na economía actual queda algún rastro da antiga actividade industrial (empresas como Metalogenia e Transmesa), algún reduto de floricultura e un mínimo sector servizos. A proximidade a Barcelona, Mataró ou outras poboacións moito máis potentes fan de Premià de Mar un pobo dormitorio.

A Gran Vía Lluís Companys constitúe o eixo básico ao redor do cal vira toda a actividade comercial da vila. Nesta rúa atópase o mercado de Sant Joan e unha gran cantidade de tendas, bares e comercios.