Sant Fost de Campsentelles

Sant Fost de Campsentelles
Vista de Sant Fost de Campsentelles
Localización
País	España
Comunidade autónoma	Cataluña
Provincia	Barcelona
Comarca	Vallès Oriental
Xeografía
Altitude	112 msnm
Superficie	13,2 km²
Demografía
Poboación	8.666 hab. (2014)
Densidade	656,52 hab./km2
Xentilicio	Santfostenc, santfostenca
Outros datos
Código postal	08105
Alcalde	Montserrat Sanmartí i Pratginestós
https://www.santfost.cat/

Sant Fost de Campsentelles é un concello español da provincia de Barcelona, en Cataluña. Está situado na comarca do Vallès Oriental.

Xeografía

O concello atópase no extremo sur da comarca, facendo fronteira a través da Serra Mariña coas comarcas do Barcelonés e do Maresme. O concello limita cos municipios, algúns de poboación considerábel, de Tiana, Badalona, Montcada i Reixac, La Llagosta, Mollet del Vallès, Martorelles e de Santa María de Martorelles. O núcleo principal de poboación é o de Sant Fost, existindo outros núcleos en forma de urbanizacións.

Historia e Patrimonio

A zona foi xa frecuentada polos iberos e despois polos romanos. A primeira mención escrita de Sant Fost como poboación data do ano 967. Só no século XX comezou a agruparse a poboación, sendo ata daquela unha vila cunha poboación completamente dispersada. Ata os anos 50 do século XX o lugar foi eminentemente agrícola. A partir de entón comezou unha forte industrialización que dura ata ben entrado o século XXI.

Existen importantes mostras de arquitectura civil coma o Mas Po-Canyadó ou a casa Bastinos. Mencionar tamén o Ateneo e a igrexa de San Cebrián.

Véxase tamén

Ligazóns externas

• Sitio web do concello (en catalán)