Lliçà d'Amunt

Lliçà d'Amunt
Imaxe da igrexa de Sant Esteve de Palaudàries
Localización
País	España
Comunidade autónoma	Cataluña
Provincia	Barcelona
Comarca	Vallès Oriental
Xeografía
Altitude	145 msnm
Superficie	22,3 km²
Demografía
Poboación	14.742 hab. (2015)
Densidade	661,08 hab./km2
Xentilicio	Lliçanenc, lliçanenca
Outros datos
Código postal	08186
Web do concello

Lliçà d'Amunt é un concello español da provincia de Barcelona, en Cataluña. Está situado na comarca do Vallès Oriental.

Historia

Lliçà d'Amunt aparece por primeira vez documentada no ano 987. O lugar, porén, era habitado dende moitos séculos atrás, coma testemuñan os restos romanos das vilas Ca l'Amell Gros e Santa Justa. Tamén se teñen atopado restos de fornos de cerámica romanos e outros indicios de habitantes noutros lugares do concello.

O nome de Lliçà d'Amunt vese ligado ás parroquias de Sant Julià e Sant Esteve de Palaudàries, que dende as súas orixes formaban parte do dominio feudal de Montbui. Ambas as parroquias son nomeadas no 1059 cando o conde Ramon Berenguer I fixo as paces con Mir Geribert e lle cedeu o feudo de Montbui que el reclamaba como parte da herdanza da súa muller Guisla de Besora, filla do anterior señor feudal dominador da zona: Gombau. Estas parroquias non se separaron máis e foron conformadas como municipio propio no 1836.

Nome

Unha hipótese postula co nome do pobo derivaría do nome do patricio romano Lucius. O ano 989 aparece nomeado coma Liciano. En 1174, coma Liziano Superiori. En 1359, como Sant Julia de Llissa sobira.

Lliçà d'Amunt escribiuse antigamente coma Lliçà Sobirà, mentres que Lliçà de Vall foi Licano Subteriore e Liçà Jusà.

Véxase tamén

Ligazóns externas

• Sitio web do concello (en catalán)