Granollers

Granollers
Localización
	41°36′30″N 2°17′20″L / 41.60833, 2.28889
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Vallès Oriental
Capital de	Vallès Oriental
Capital	Granollers
Poboación
Poboación	65.341 (2025) (4.385,3 hab./km²)
Número de fogares	236 (1553)
Lingua oficial	lingua catalá
Xeografía
Superficie	14,9 km²
Bañado por	río Congost
Altitude	145 m
Comparte fronteira con	Canovelles ; Montmeló ; Parets del Vallès ; Lliçà de Vall ; Montornès del Vallès ; La Roca del Vallès ; Vilanova del Vallès ; Les Franqueses del Vallès ; Lliçà d'Amunt
Datos históricos
	Evento clave
	Q20104876
Santo padrón	Estevo mártir e Plácido de Subiaco
Organización política
• Alcaldesa	Alba Barnusell i Ortuño (2023–)
Orzamento	93.474.081,36 € (2022)
Identificador descritivo
Código postal	08400–08403
Fuso horario	UTC+01:00
Código INE	08096
Código territorial IDESCAT	080961
Sitio web	granollers.cat

Granollers é un municipio e cidade española, pertencente á provincia de Barcelona, en Cataluña. É a capital e localidade máis poboada da comarca do Vallès Oriental.

Granollers vive do comercio e das industrias, pero na parte sur do termo, a paraxe de Palou aínda conserva zonas agrícolas.

Demografía

Evolución demográfica
1900	1930	1950	1970	1981	2000	2008
7.419	12.699	15.480	30.066	45.300	52.423	59.691

Lugares de interese

A Porxada, edificio renacentista que servía de lonxa de gran, é o edificio máis emblemático de Granollers. Terminouse de construír entre os anos 1586 e 1587 a partir dun proxecto que encargara o Consello da Vila ao mestre Bartomeu Brufalt. O edificio ten unhas dimensións de 24 metros de longo por 15,65 de ancho e está formado por 15 columnas de orde toscano que soportan un tellado de catro vertentes. foi restaurado en varias ocasións.

Na rúa do Corró atopamos o antigo hospital de San Domingo, agora sala Francesc Tarafa, un exemplo de arquitectura gótica restaurada.

Destacan tamén a igrexa de Sant Esteve e a casa do concello.

Festividades

A Festa Maior de Granollers empeza o último xoves do mes de agosto e celébrase ao longo dunha semana. Baséase na recuperación dunha antiga aposta feita na cidade no ano 1897, onde dous artesáns do ladrillo, os señores Rayo e o herdeiro de Maynou dividiron a cidade competindo para ver quen era capaz de facer máis ladrillos nunha hora. Esta anécdota converteuse, anos despois na Festa Maior Branca e Azul, onde os protagonistas son os cidadáns divididos en dous grupos: os blancs (brancos) e os blaus (azuis). Estas agrupacións organizan actividades e competicións para animar a festa de Granollers e despedir o verán. Actualmente, na festa maior de Granollers fanse varias probas de todo tipo: gastronómicas, competitivas e anecdóticas para que todos, grandes e pequenos, gocen dunha semana chea de aventuras.