Madrid, Cundinamarca

Na Galipedia, a Wikipedia en galego.
Saltar ata a navegación Saltar á procura

Coordenadas: 4°43′50″N 74°15′50″O / 4.73056, -74.26389

Madrid, Cundinamarca
Flag of Madrid (Cundinamarca).svg
Escudo del Municipio de Madrid Cundinamarca.jpg
Mosaico Madrid.jpg
Imaxes de Madrid.
Localización
Madrid en Colombia
Madrid
Madrid
PaísFlag of Colombia.svg Colombia
DepartamentoCundinamarca
RexiónSabana Occidente
Xeografía
Altitude2554 msnm
Superficie121 km²
Demografía
Poboación80 622 (2017)
Densidade666,3 hab/km²
XentilicioMadrileño-a
Outros datos
AlcaldeOrlando Alberto Cardona Rojas (2016-2019)
Páxina oficial

Madrid, cuxo nome indíxena é Sagasuca, chamado Serrezuela dende a colonia até 1875, é un dos 116 concellos do departamento de Cundinamarca, Colombia. Atópase na Provincia de Sabana Occidente, a 21 km de Bogotá. Forma parte da área metropolitana de Bogotá, segundo o censo do DANE do 2005. É un dos concellos de Cundinamarca que contan con Base Aérea e Escola de Suboficiais.

Historia[editar | editar a fonte]

No sitio actual da vila de Madrid viviu un cacique muisca chamado Sagasuca, de onde tomou o seu nome a vila, sendo chamado polos primeiros españois, "Vila de indios de Sagasuca". O seu primeiro encomendeiro foi Alonso Díaz, quen formaba parte da tropa de Gonzalo Jiménez de Quesada.

Segundo o historiador Eduardo Pousada, «a palabra Serrezuela é diminutivo de serra, así como serranía é unha especie de aumentativo. Explícase o nome polo elevado outeiro a cuxo pé está a vila, o cal se usou dende os primeiros días da conquista». En monografías parroquiais corre a especulación de que Jiménez de Quesada, admirado pola beleza da chaira, mandou a un capitán Vargas dicíndolle: «Ide e fundade unha poboación ó pé da serranía», o cal fixo dándolle o nome de Serrezuela.

En desenvolvemento da Real Cédula de 3 de agosto de 1774 sobre reorganización de vilas de indios e correxementos, e do disposto pola xunta de tribunais en 1775, o fiscal Francisco Antonio Moreno y Escandón, vista a pobreza e escaso número de habitantes en Serrezuela, decretou a extinción da vila.

Esta vila levou o nome de Serrezuela até a Lei 14 de 17 de novembro de 1875, pola cal a Asemblea Lexislativa do Estado de Cundinamarca deulle en substitución daquel o de Madrid, en memoria de Pedro Fernández Madrid, literato nado na Habana (Cuba) en 1817, quen en busca de saúde e de repouso veu residir alí, dedicándose a escribir artigos literarios. Á súa morte, o 7 de febreiro de 1875, as persoas de Serrezuela, sentíndose honradas de que entre elas vivise, propuxeron darlle o seu apelido á poboación.

Véxase tamén[editar | editar a fonte]

Ligazóns externas[editar | editar a fonte]