Guachetá

Guachetá
Parque principal de Guachetá.
Localización
Guachetá
País	Colombia
Departamento	Cundinamarca
Rexión	Ubaté
Xeografía
Altitude	2688 msnm
Superficie	177,4 km²
Demografía
Poboación	11 385 (2015)
Densidade	64,16 hab/km²
Xentilicio	Guachetuno, -a
Outros datos
Alcalde	Pablo Enrique Quicazán Ballesteros (2016-2019)
Páxina oficial

Guachetá é un concello do departamento de Cundinamarca (Colombia), que se atopa na provincia de Ubaté, a 118 km de Bogotá. Coñecido pola súa produción de carbón mineral e o gando leiteiro, deuse a coñecer como a "Cidade Carbonífera e Leiteira de Colombia". É considerado un destino turístico polas súas rochas perfectas para a escalada.

Toponimia

O topónimo Guachetá, en muysc cubun (lingua muisca) quere dicir «Labranza do noso cerro» ou «Labranza do Mancebo».

Historia

Na época precolombiana, os muiscas tiñan en Guachetá un templo dedicado a Sué, deus do Sol. O poboado indíxena de Guachetá foi o primeiro casarío muisca de Cundinamarca co que se atoparon os españois ó mando de Gonzalo Jiménez de Quesada, o luns 12 de marzo de 1537, denominándoo San Gregorio por coincidir a festa deste santo co día da súa chegada. Os guachetunos entregáronlles ós españois, como signo de amizade, comida, agasallos, ouro e esmeraldas. Foi tan amable o recibimento, que dende entón os españois consideraron a Guachetá unha terra de paz e liberdade. Frei Domingo de las Casas, que viña en compañía de Jiménez de Quesada, bautizou a dous nenos muiscas de Guachetá. Como recompensa polos bos servizos prestados ós españois, o Rei premiou ós habitantes de Guachetá cunha Cédula Real que os facía exentos de ir á mita, como si o tiñan que facer as demais vilas conquistadas.

Véxase tamén

Ligazóns externas

• Páxina oficialArquivado 30 de maio de 2020 en Wayback Machine. (en castelán)