Gachetá é un concello colombiano do departamento de Cundinamarca, que se atopa na provincia do Guavio, da cal é capital. Atópase a 99 km de Bogotá, ó nordeste do departamento de Cundinamarca, a unha altura de 1.745 m s. n. m. Conta con 11.000 habitantes aproximadamente, dos cales o 70% corresponde á zona rural.
Gachetá en muysc cubun (lingua muisca) traduce «detrás da nosa labranza», facendo referencia á súa dependencia de Guatavita en épocas antigas e por estar detrás desta.
