Tocaima

Na Galipedia, a Wikipedia en galego.
Saltar ata a navegación Saltar á procura

Coordenadas: 4°27′28″N 74°38′5″O / 4.45778, -74.63472

Tocaima
Flag of Tocaima.svg
Escudo de Tocaima.svg
Iglesia Tocaima.jpg
Igrexa de Tocaima
Localización
Tocaima en Colombia
Tocaima
Tocaima
PaísFlag of Colombia.svg Colombia
DepartamentoCundinamarca
RexiónAlto Magdalena
Xeografía
Altitude400 msnm
Superficie246 km²
Demografía
Poboación18 387 (2015)
Densidade74,74 hab/km²
XentilicioTocaimuno /-a
Outros datos
AlcaldeWilmar Alexander Martínez Bareño (2016-2019)
Páxina oficial

Tocaima é un concello colombiano do departamento de Cundinamarca que se atopa na Provincia do Alto Magdalena. Atópase a 102 km ó suroeste de Bogotá, e a unha altitude de 400 m. A temperatura media anual é de 27 °C. É denominada "Cidade Saúde de Colombia", debido ás propiedades terapéuticas das súas augas e lodos con xofre, empregados dende tempos prehispánicos.[1]

Toponimia[editar | editar a fonte]

O topónimo Tocaima provén dun antigo guerreiro da tribo guacaná, pertencente á nación panche. O guerreiro Tocaima era adorado polos homes da tribo debido á súa valentía e fazañas bélicas.

Historia[editar | editar a fonte]

Na época precolombiana, o territorio do actual municipio de Tocaima estivo habitado pola tribo guacaná, que pertencía á nación panche. A tribo era gobernada polo cacique Guacaná, que tiña dominio sobre os seus veciños, os acaymas, membros dun concello tribal.

O 20 de marzo de 1544, o mariscal español Hernán Venegas Carrillo fundou o poboado de San Dionisio de los Caballeros de Tocaima, un pouco máis abaixo da localización actual. O 7 de febreiro de 1549 o rei Carlos V de España, mediante Real cédula de Valladolid, outorgou a Tocaima o título de "Hidalga e Nobre Vila", xunto co escudo de armas.[2]

Os constantes asulagamentos provocadas polo desbordamento do río Pati fixeron que en 1581 a poboación fose abandonada, ata que o 18 de marzo de 1621, por orde de Juan de Borja y Armendia, presidente da Real Audiencia de Santafé, Tocaima foi refundada polo capitán Martín de Ocampo.

O 25 de abril de 1669 naceu en Tocaima Jerónima Nava y Saavedra, unha das principais escritoras da colonia colombiana, xunto coa tunjana Francisca Josefa del Castillo.

Notas[editar | editar a fonte]

  1. CLIMATE-DATA.ORG, Clima: Tocaima.
  2. "Alcaldía de Tocaima / Información General / Historia". Arquivado dende o orixinal o 10 de marzo de 2014. Consultado o 15 de maio de 2015. 

Véxase tamén[editar | editar a fonte]

Ligazóns externas[editar | editar a fonte]