Zipacón

Zipacón
	Parque de Zipacón.
Localización
	; Zipacón
País	Colombia
Departamento	Cundinamarca
Rexión	Sabana Occidente
Xeografía
Altitude	2550 msnm
Superficie	70 km²
Demografía
Poboación	5 570 (2015)
Densidade	79,57 hab/km²
Xentilicio	Zipaconense
Outros datos
Alcalde	Gustavo Cortés Camacho (2016-2019)
	Páxina oficial

Coordenadas: 4°45′36″N 74°22′47″O / 4.76000, -74.37972

Zipacón é un dos 116 concellos do departamento de Cundinamarca, Colombia. Atópase na Provincia de Sabana Occidente, a 50 km de Bogotá.

Historia[editar | editar a fonte]

Período precolombiano[editar | editar a fonte]

Zipacón é o territorio do altiplano cundiboyacense onde se atoparon as evidencias máis antigas de agricultura e olaría, que datan do ano 1270 a. C.

Durante o dominio da Confederación muisca, estivo baixo a xurisdición do Zipazgo, e foi un punto de gornición para espiar ós panches, que polo boquerón deste lado adoitaban invadir frecuentemente o territorio muisca.

Dise que o Zipa se retiraba a Zipacón a meditar no medio dunha gran tristeza, polo que se lle deu á palabra Zipacón o significado de «O pranto do Zipa», frase que á súa vez é emblema do escudo do concello. A este respecto, o Manuscrito 158 BNC da Biblioteca Nacional de Colombia, que probablemente é unha copia encargada por José Celestino Mutis a finais do século XVIII, dálle á palabra Cone o significado de «pranto». Porén, o dicionario chibcha de Joaquín Acosta Ortegón di que a palabra quere dicir «Aliado do noso pai».^[1]