Na Galipedia, a Wikipedia en galego.
|
|
Concellos da Comarca de Valdeorras
|
A Comarca de Valdeorras é unha das 53 comarcas nas que oficialmente se divide Galicia. Pertencen a ela os seguintes concellos: O Barco de Valdeorras, O Bolo, Carballeda de Valdeorras, Larouco, Petín, A Rúa, Rubiá, A Veiga e Vilamartín de Valdeorras. En total abrangue 969.2 km², caracterízase pola súa elevación, aquí está o maior cumio de Galicia, a Pena Trevinca (2127 m). O xentilicio é valdeorrés/valdeorresa.
O río Sil conforma a comarca en tres áreas, o propio val e as serras que se sitúan ao seu norte e sur. O val do Sil contén numerosos sedimentos terciarios, nas serras do sur, Serra do Eixe, Serra Calva e Serra Segundeira atópanse as maiores altitudes de Galicia, dominando os relevos abruptos con abondosas formas periglaciais. O relevo montañoso do norte fórmano a Serra de Cereixedo, Serra dos Cabalos e Serra da Enciña da Lastra. O sistema fluvial da comarca céntrase no Sil, é o principal curso de auga e todos os outros ríos son afluentes del, os tributarios da dereita son ríos curtos, xa que os cumios están próximos ao val, destacando o río Éntoma, e o Leira, os tributarios da esquerda son máis longos, destaca entre eles o Casaio. O clima da comarca é oceánico de montaña nas áreas máis elevadas e oceánico de matiz mediterráneo no Val do Sil. Valdeorra conta con espazos protexidos, o parque natural da Serra da Enciña da Lastra, o Macizo Central e o Pena Trevinca
[editar] Galería de imaxes
- Vexa o artigo principal en Galería de imaxes da comarca de Valdeorras
-
-
Viño de denominación de orixe Valdeorras. Na comarca de Valdeorras, e en concreto nas ribeiras do río Sil, o cultivo da vide é unha das principais actividades económicas
[editar] Véxase tamén
[editar] Bibliografía
- Docampo Paradelo, Gustavo e Picouto, Millán (1992), O Barco e a terra de Valdeorras, A Coruña: Baía Edicións. ISBN 978-84-87674-23-5.
