Ponteceso

Para outras páxinas con títulos homónimos véxase: Ponteceso (homónimos).

Ponteceso
Vista xeral de Ponteceso dende o Monte Branco.
Situación
Xentilicio	pontecesán
Xeografía
Provincia	Provincia da Coruña
Comarca	Comarca de Bergantiños
Poboación	5.429 hab. (2022)
Área	91,97 km²
Densidade	59,03 hab./km²
Entidades de poboación	14 parroquias
Política (2019)
Alcalde	Lois García Carballido (PSOE)
Concelleiros	PPdeG: 3 PSdeG-PSOE: 8 Outros: APIN 2
Eleccións municipais en Ponteceso
Uso do galego (2011)
Galegofalantes	86,78%
Na rede
www.ponteceso.net
[ editar datos en Wikidata ]

Ponteceso é un concello da provincia da Coruña, pertencente á comarca de Bergantiños.

Segundo o IGE no ano 2018 tiña 5.565 habitantes (5.789 no ano 2015, 6.065 no 2012, 6.134 no 2011, 6.215 no 2010).

O seu xentilicio (véxase no Galizionario) é «pontecesán».

Xeografía

Situación

Limita cos concellos de Cabana de Bergantiños, Carballo, Coristanco e Malpica de Bergantiños. Está formado por 14 parroquias, sendo as máis poboadas as de Tella (1.102 habitantes no 2018), Corme Porto (1.077 habitantes no 2018) e Cospindo (679 habitantes no 2018). Os centros médicos atópanse no lugar de Ponteceso e en Corme Porto, onde se sitúa tamén o único porto pesqueiro do concello.

Demografía

Censo total	5.789 (2015)
Menores de 15 anos	515 (8.9 %)
Entre 15 e 64 anos	3.481 (60.13 %)
Maiores de 65 anos	1.793 (30.97 %)

Evolución da poboación de Ponteceso   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021
6.987	8.517	9.323	8.714	6.810	6.302	6.134	6.065	5.964				{{{13}}}	{{{14}}}	{{{15}}}	{{{16}}}	{{{17}}}
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Casa consistorial.

Cultura

Toponimia

O topónimo da vila provén do latín Ponte caesa (que significa Ponte pechada ou cortada). Algúns historiadores afirman que o topónimo débese a que a ponte orixinal, de orixe romana que unía os actuais municipios de Cabana de Bergantiños e Ponteceso, se derrubou dando lugar ao nome ponte caesa (ponte cortada).^{[Cómpre referencia]}

O primeiro censo no que se nomea o concello co nome de Ponteceso é o de 1877. Anteriormente o concello foi coñecido co nome de Bugalleira.

Etnografía

Festas e celebracións

En Ponteceso celébranse multitude de festas de toda índole: relixiosas, pagás e gastronómicas.

Na primeira semana de xullo celébrase a Festa do percebe, e o segundo fin de semana de setembro celébrase a festa da Barquiña que é a festa principal do concello sendo o luns e o martes días festivos locais.
Outras festas relevantes son a da Virxe do Faro, celebrada o 8 de setembro, e a de San Bernardo da Graña, celebrada o 20 de agosto. Ademais no Día das Letras Galegas celébranse varias actividades culturais no Couto.

Entre as festas destacan:

Capela Virxe do Faro

• Na parroquia de Brantuas:
  • San Xulián o día 7 de xaneiro, este santo é o patrón da parroquia.
  • Romaría da Virxe do Faro, celebrase o 8 de setembro,
  • O Sacramento que se celebra o primeiro domingo de agosto
• Na parroquia de Cospindo:
  • Día das Letras Galegas celébranse varias actividades culturais no Couto.
  • Festa da Barquiña que é o segundo fin de semana de setembro, esta é a festa principal do concello sendo o luns e o martes días festivos locais.
• Na parroquia de Corme Porto:
  • Na primeira semana de xullo celébrase a Festa do percebe.
  • O 16 de xullo (con véspera o 15 ) celébrase a Festa do Carme.
  • O último domingo de agosto (con véspera o sábado) e o luns e martes seguintes celébrase a festa de San Roque.
  • O 24 de setembro (con véspera o 23) celébranse as festas patronais na honra da Virxe dos Remedios.
• Na parroquia da Graña:
  • San Bernardo da Graña, celebrase o 20 de agosto

Economía

A agricultura en Ponteceso ten certa importancia, con cultivos como millo e pataca. Nos últimos anos o municipio desarrollou un bo sector turístico arredor da vila mariñeira de Corme. Na capital pontecesán o comercio e os servizos son as actividades maioritarias. As capturas de diversos mariscos, como por exemplo o percebe, son tamén importantes para a economía local.

Galería de imaxes

Artigo principal: Galería de imaxes de Ponteceso.

• 

  Ponte sobre o río Anllóns

• 

  Pazo Pondal

• 

  Capela da Virxe do Faro

• 

  Praia de Balarés

Véxase tamén

Outros artigos

• Lugares de Ponteceso
• Camiño dos Faros

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---