Xoán IV, papa

Na Galipedia, a Wikipedia en galego.
Papas do século VII
Antipapas

Xoán IV, nado en Salona, Dalmacia, e finado en Roma o 12 de outubro de 642, foi o papa n.º 72 da Igrexa católica de 640 ata o día da súa morte.

Traxectoria[editar | editar a fonte]

Arcediago da Igrexa no momento da súa elección, o seu breve pontificado iniciouse rexeitando a Ecthesis, un edito promulgado en 638 polo emperador Heraclio no que se realizaba unha profesión de fe monotelista, doutrina que mantiña que en Xesucristo existen dúas naturezas pero unha soa vontade.

Así mesmo, tentou romper a conexión existente entre esta doutrina, declarada herética, e o papa Honorio I, que a aceptou durante o seu pontificado. Para iso enviou unha carta apoloxética ao emperador bizantino Constantino III na que mantiña que Honorio nunca afirmou que en Xesucristo houbese dúas naturezas e unha soa vontade, senón que o que defendeu foi que nel existían dúas naturezas pero negando que existisen dúas vontades contrarias.

Véxase tamén[editar | editar a fonte]

Commons
Commons ten máis contidos multimedia na categoría: Xoán IV, papa