Lucio I, papa

Na Galipedia, a Wikipedia en galego.
Lucio I

Lucio I, nado en Roma e falecido o 5 de marzo de 254, foi o 22º Papa da Igrexa Católica entre 253 e 254.

Traxectoria[editar | editar a fonte]

Fillo de Porfirio, Lucio, que ao igual que moitos cristiáns sufría pena de desterro por orde do emperador Treboniano Galo, puido regresar a Roma trala morte deste en maio de 253 e ser elixido sucesor do papa Cornelio.

O seu pontificado foi moi breve, e durante o mesmo continuou a política do seu predecesor contra os novacianos.

Home de rigorosos costumes, prohibiu a cohabitación entre homes e mulleres que non fosen consanguíneos, e impuxo aos eclesiásticos a obriga de non convivir coas relixiosas que lles daban hospitalidade por sentimentos caritativos.

Aínda que nos martiroloxios aparece como mártir, non parece que fose certo, dado que cando faleceu, baixo o goberno do emperador Valeriano, os cristiáns eran tratados benevolamente.

Véxase tamén[editar | editar a fonte]

Ligazóns externas[editar | editar a fonte]