Aniceto, papa

Na Galipedia, a Wikipedia en galego.
Aniceto
AlcumeSan Aniceto
Nacementoséculo Ixuliano
Lugar de nacementoHoms
Falecemento20 de abril de 166
Lugar de falecementoRoma
Relixióncatolicismo
Ocupaciónsacerdote católico
Períodoentre os anos 154-165
Coñecido porser o papa n° 11 da igrexa católica
OrganizaciónIgrexa católica
CargosBispo de Roma
Na rede
Find a Grave: 76978620 Editar o valor em Wikidata
editar datos en Wikidata ]

Aniceto, chamado logo santo Aniceto, nado quizais en Siria e morto posiblemente en Roma en abril de 165, foi bispo cristián desa diocese entre os anos 154 e 165.

Vida e pontificado[editar | editar a fonte]

O dato máis importante do bispado de Aniceto é o encontro que mantén en Roma no ano 155 co bispo de Esmirna, san Policarpo, e onde discutiron sobre a data en que se debía celebrar a Pascua, que fora colocada por Pío I no domingo posterior á lúa chea de marzo, pero que na Igrexa oriental preferían celebrar o décimo cuarto día do mes xudeu de nisan, é dicir, o día desa lúa, independentemente do día da semana que fose. A xuntanza finalizou sen ningún tipo de acordo, conforme relata Eusebio de Cesarea.

Crese que ditaminou que os cregos non podían levar o pelo longo, probablemente por oposición aos gnósticos, que si o levaban. Ademais de a estes opúxose e condenou tamén o montanismo.

Morte e santidade[editar | editar a fonte]

Como todos os papas anteriores ao edicto de Milán, foi considerado santo. Tamén se ten sinalado que foi mártir, se ben isto non está demostrado. A súa festa é o 17 de abril. Foi soterrado no camposanto de Calisto, en Roma, ao pé da vía Apia, pero en 1604 o seu corpo foi trasladado á capela do Pazo Altemps, por orde de Clemente VIII.

Parroquias en Galicia[editar | editar a fonte]

Non hai ningunha parroquia en Galicia baixo a avogación de santo Aniceto.


Este artigo tan só é un bosquexo
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.