Estevo IX, papa

Na Galipedia, a Wikipedia en galego.
Papas do século X
Antipapas

Estevo IX

Estevo IX, datos de nacemento descoñecidos, faleceu en outubro de 942, foi o papa nº 127 da Igrexa Católica dende o ano 939 ata 942.

Traxectoria[editar | editar a fonte]

Nalgunhas cronoloxías e listas este papa aparece como Estevo VIII, a diferenza débese a que algúns autores non toman en conta a elección de Estevo II, que só reinou tres días, do 23 ao 26 de marzo de 752, trala morte do papa Zacarías.

Foi elixido papa, do mesmo xeito que o seu predecesor, por disposición do príncipe e senador romano Alberico II quen, do mesmo xeito que a súa nai Marozia, someteu durante décadas aos papas elixidos baixo o seu mandato.

Durante o seu pontificado, en 940, interveu no enfrontamento que en Francia tiña lugar entre o conde Hugo de París e o rei Luís IV de Ultramar, póndose ao lado deste e ameazando con excomungar aos franceses e borgoñóns que non lle prestasen obediencia.

Segundo certas fontes pouco fiábeis sería obxecto dunha conspiración, no curso da cal lle cortaron o nariz.

Faleceu en outubro de 942.