Portal:Muller

O Día Internacional da Muller, orixinalmente coñecido como Día Internacional da Muller Traballadora, conmemorado cada 8 de marzo e recoñecido pola ONU como unha xornada para reivindicar a igualdade e de facer balance sobre a situación das mulleres na sociedade, é festa recoñecida nalgúns países, e tradicionalmente grupos e asociacións de mulleres militantes no feminismo ou no movemento obreiro preparan manifestacións, por veces utilizando o nome orixinal, por todo o mundo, para facer ver as súas reinvindicacións para mellorar as condicións da muller, e festexar os avances e loitar pola superación dos atrancos. Conmemora a loita da muller pola súa participación, en pé de igualdade co home, na sociedade e no seu desenvolvemento íntegro como persoa. A primeira celebración do Día Internacional da Muller tivo lugar o día 19 de marzo de 1911 en Alemaña, Austria, Dinamarca e Suíza, e a súa conmemoración tense estendido dende aquela a numerosos países. En 1972 a Asemblea Xeral das Nacións Unidas declarou 1975 Ano Internacional da Muller e en 1977 invitou a todos os Estados a declarar, conforme ás súas tradicións históricas e costumes nacionais, un día como Día Internacional polos Dereitos da Muller e a Paz Internacional. Amosar máis contido destacado Artigo destacado O feminismo é un conxunto de teorías sociais, movementos políticos e filosofías morais, principalmente motivadas por ou concernentes ás experiencias das mulleres, especialmente referidas á súa situación social, política e económica. Como movemento social, o feminismo principalmente está enfocado a erradicar a desigualdade de xénero e promover os dereitos das mulleres e os seus intereses na sociedade. Isto tamén concirne ao efecto que producen os roles de xénero nos homes, e o estímulo aos homes para trocar os roles tradicionais masculinos. O feminismo alterou principalmente as perspectivas predominantes en diversas áreas da sociedade occidental, desde a cultura ao dereito. As activistas feministas fixeron campañas polos dereitos legais das mulleres (dereitos de contrato, dereitos de propiedade, dereitos ao voto), polo dereito da muller á súa autonomía e á integridade do seu corpo (dereitos ao aborto e dereitos reprodutivos —incluíndo o acceso á contracepción—), pola protección contra a violencia de xénero e a sexual ou polo remate da discriminación no traballo en todas as súas formas. Imaxe destacada Muller beduína en Xerusalén (entre 1898 e 1914) Sabías que...? ... en 1838 aprobouse o sufraxio feminino (coas mesmas características que o masculino) nas illas Pitcairn? ... Ada Lovelace (na imaxe) creou o primeiro algoritmo codificado deseñado para que unha máquina o procese e é considerada a primeira programadora? ... o único Gran Premio de Fórmula 1 no que houbo máis dunha muller inscrita foi o Gran Premio do Reino Unido de 1976? Categorías Queres atopar artigos relacionados coa muller? Proba buscando nas seguintes categorías: Muller Aparato reprodutor feminino Deporte feminino Feminismo Historia das mulleres Maternidade Mulleres e filosofía Mulleres por país Portal:Muller Biografía destacada Jane Marian Joseph, nada o 31 de maio de 1894 en Londres (Inglaterra) e finada na mesma cidade o 9 de marzo de 1929, foi unha compositora, arranxadora e profesora de música inglesa. Foi alumna e posteriormente compositora asociada de Gustav Holst, e estivo estreitamente implicada na organización e na xestión de varios festivais de música que Holst patrocinou. Moitas das súas obras foron compostas para ser interpretadas nestes festivais e en ocasións similares. A súa morte prematura, que impediu a plena realización do seu talento, foi considerada polos seus contemporáneos como unha perda considerable para a música inglesa. Holst foi o primeiro en observar o potencial de Joseph cando estaba a ensinarlle composición na St Paul's Girls' School. Comezou a actuar como a súa copista en 1914, cando estaba a compoñer The Planets, a súa especial responsabilidade era a preparación da partitura do movemento "Neptune". Continuou a asistir a Holst con transcricións, arranxos e traducións, e foi a súa libretista para o ballet coral The Golden Goose. Durante a súa breve vida profesional converteuse en membro activo da Society of Women Musicians, foi a principal promotora do primeiro Kensington Musical Competition Festival, e axudou a fundar a Kensington Choral Society. Tamén ensinou música en escolas femininas, onde a filla de Holst, Imogen, foi unha das súas alumnas, e converteuse nunha das figuras máis importantes na vida musical do Morley College... Cita destacada Proxectos relacionados Feminismo • Galegas • Mulleres Artigos de calidade e bos Artigos de calidade (24) Margaret Brown Carolina Casanova Rosalía de Castro Rebecca Clarke Concerto delle donne Andrea Dworkin Kathleen Ferrier Angela Gheorghiu Historia do Ilves Naiset Ilves Naiset Imogen Holst Jane Joseph Nadezhda Krupskaia Lista de xogadoras do equipo olímpico de hóckey sobre xeo do Canadá Rosa Luxemburg María Amelia de Braganza Matilde de Inglaterra Eugenia Osterberger Team Kuortane Simone Veil Amy Winehouse Mary Wollstonecraft Fanny Bullock Workman Vera Zasulich Artigos bos (8) Angata Clara Clemens Eagle Woman Maria Goeppert-Mayer Lady Gregory Maija Isola María Victoria Moreno Skaði Portais relacionados Feminismo Feminismo Proxectos irmáns Wikimedia Commons en Commons Wiktionary no Galizionario Wikiquote en Galicitas