Praia de Samil

Praia de Samil

Vista da praia de Samil.
42°12′36″N 08°46′35″W
Características xerais
Lonxitude	3 km
Grao de ocupación	Alto
Grao de urbanización	Urbana
Paseo marítimo
Características específicas
Tipo de area	Fina
Condicións do baño
Seguridade
Equipo de vixilancia	Si
Sinalización do peligro	Si
Policía local	Si
Equipo de salvamento	Si
Accesibilidade
Tipo de acceso	Estrada
Sinalización do acceso

A praia de Samil é un areal vigués, no lugar do mesmo nome da parroquia de Navia, que conta cunha lonxitude aproximada tres quilómetros. Limita coa praia da Fonte (Alcabre) polo norte e coa desembocadura do río Lagares polo sur.

O areal está dividido en dúas partes diferenciadas ao norte e ao sur por un grupo de rochas que quedan unidas á terra na baixamar formando un tombo. Estas rochas reciben o nome das Queimadas. A metade norte recibe o nome de praia do Laxón, praia da Laxe ou praia Azul. A metade sur recibe o nome de praia de Samil por estar situada en fronte do barrio do mesmo nome. O extremo sur do areal, na desembocadura do río Lagares, recibe o nome da Foz, A Fox ou Cabo da Vella.

Trátase dunha das principais praias da cidade debido ó seu atractivo turístico e ó seu complexo recreativo, no que destacan cafetarías, piscinas, canchas de baloncesto, circuíto de coches teledirixidos, paseo, zonas verdes, aparcadoiros, pista de patinaxe, half-pipe, etc.

Na praia de Samil celébrase anualmente o Festival Aéreo de Vigo.

Galería de imaxes

• 

  Solpor na praia.

• 

  Samil.

• 
• 

  Festival aéreo 2004.