Castelán saharauí

Castelán saharauí
Instancia de dialecto  Subclase de lingua castelá
Clasificación lingüística
linguaxe humana ↳ linguas indoeuropeas ↳ linguas itálicas ↳ linguas latino-faliscas ↳ linguas románicas ↳ linguas italo-occidentais ↳ linguas románicas occidentais ↳ linguas galoibéricas ↳ linguas iberorrománicas ↳ linguas ibero-occidentais ↳ linguas castelás ↳ lingua castelá
Localización  Orixinario de Sáhara Occidental  País Sáhara Occidental
Códigos e identificadores IETF es-EH
Wikidata C:Commons

O castelán saharauí é a variedade da lingua castelá falada no Sáhara Occidental e en rexións adxacentes, como no exilio en Alxeria como segunda lingua, con recoñecemento oficial, mais non como lingua nativa.

Características

A lingua castelá falada como segunda lingua polos saharauís está influenciada por dialectos árabes, sobre todo do árabe hassanía. Tamén o falan na alxeriana provincia de Tinduf nos campos de refuxiados saharauís, debido a que o Sáhara Occidental foi unha provincia marítima española até a súa retirada en 1976. Na RASD estúdase tamén o castelán como lingua cooficial nas escolas e o goberno saharuí emprégao na administración (especialmente na área da saúde e emitindo todos os comunicados en ámbalas linguas), formando un caso de bilingüismo social xa que tamén é falado de xeito cotián por gran parte da poboación e é aprendida de maneira oral. O castelán tamén é usado nos medios de comunicación locais. No eido da saúde utilízase o castelán xa que os materiais de consulta médicos que se usan proveñen de Cuba e España. As moedas da peseta saharauí teñen inscricións en castelán.