Sober

Na Galipedia, a Wikipedia en galego.
Modelo:Xeografía políticaSober
Imaxe

Localización
lang=gl Editar o valor em Wikidata Mapa
 42°27′42″N 7°35′13″O / 42.4618, -7.587Coordenadas: 42°27′42″N 7°35′13″O / 42.4618, -7.587
EstadoEspaña
Comunidade autónomaGalicia
ProvinciaProvincia de Lugo Editar o valor em Wikidata
CapitalSober Editar o valor em Wikidata
Poboación
Poboación2.178 (2023) Editar o valor em Wikidata (16,33 hab./km²)
Xeografía
Parte de
Superficie133,35 km² Editar o valor em Wikidata
Altitude600 m Editar o valor em Wikidata
Comparte fronteira con
Organización política
• Alcalde Editar o valor em WikidataLuis Fernández Guitián Editar o valor em Wikidata
Eleccións municipais en Sober Editar o valor em Wikidata
Identificador descritivo
Código postal27460 Editar o valor em Wikidata
Fuso horario
Código INE27059 Editar o valor em Wikidata

Sitio webconcellodesober.com Editar o valor em Wikidata
Facebook: concello.desober Twitter: ConcellodeSober Editar o valor em Wikidata

Sober (antropotopónimo de superius)[1] é un concello da provincia de Lugo, pertencente á comarca de Terra de Lemos e parte da Ribeira Sacra. Segundo o Padrón municipal de habitantes a súa poboación en 2018 era de 2.301 persoas. O xentilicio é soberés.[2]

Xeografía[editar | editar a fonte]

O concello de Sober ten unha superficie de 134 km² e atópase na Terra de Lemos, no sur da provincia de Lugo, entre os cursos dos ríos Cabe e Sil, que fan de fronteira física polo oeste e sur, respectivamente. Limita cos concellos de Monforte de Lemos ao norte e leste, Pantón ao oeste e Nogueira de Ramuín, Parada de Sil, A Teixeira e Castro Caldelas ao sur.

A capital municipal dista 77 km da capital de provincia, Lugo, e atópase a uns 600 m de altitude.

Demografía[editar | editar a fonte]

Censo total 2.301 (2018)
Menores de 15 anos 155 (6,74 %)
Entre 15 e 64 anos 1.125 (48,89 %)
Maiores de 65 anos 1.021 (44,37 %)

Economía[editar | editar a fonte]

O sector primario está centrado na gandería bovina criada para consumo, a cría porcina e en menor medida, ovina.

A agricultura representa o 37% da superficie, orientada ao cultivo de cereais, patacas e primordialmente, a vide. O 58% da superficie é de masa forestal, piñeiros e carballos e mata.

A industria ocupa ao 15% da poboación, concentrándose en entidades de pequeno tamaño ou familiar orientadas principalmente á elaboración de viño. Destaca a produción de material de construción en Canabal e a olería artesá de Gundivós. Outros centros están dedicados á manufactura téxtil (calcetíns) e á fabricación de ferramentas e equipos de labor (cerraxería e máquinas de sulfatado).

O sector servizos aglutínase en torno aos servizos municipais e administrativos e aos establecementos comerciais. Cada quince días ten lugar a feira, coa mesma frecuencia có mercado de produtos.

Viño de Amandi[editar | editar a fonte]

Sober atópase na rexión vinícola da Denominación de Orixe Ribeira Sacra, albergando a produción da subzona de viños de Amandi e a da ribeira do río Cabe.

Existen arredor de 300 produtores e 29 adegas inscritas no consello regulador. Un centro de embotellado industrial permite a comercialización da marca de viño de Rectoral Amandi.

Cada domingo de Ramos, celébrase en Sober a Feira do viño de Amandi.

Historia[editar | editar a fonte]

Mapa das parroquias de Sober.

Consérvanse mámoas do megalítico en distintos lugares, así como restos da cultura castrexa.

Durante o período do Imperio Romano a Vía Nova, que enlazaba Astorga con Braga, atravesaba a zona.

Da constitución do reino dos suevos permanecen os topónimos de varias parroquias.

No 785 o bispo Odoario de Lugo fundou a vila de Amandi.

Patrimonio histórico e artístico[editar | editar a fonte]

  • A Casa grande de Rosende é un pazo datado en 1511, situado na parroquia de Rosende. Tamén era coñecido na comarca como A Casa das Señoritas. Foi rehabilitada a finais do século XX e na actualidade funciona como casa de turismo rural non sendo posible a súa visita. De sobria fachada destaca a súa torre, a solaina que da cara a un patio traseiro e o seu coidado interior.

Lugares de Sober[editar | editar a fonte]

Para unha lista completa de todos os lugares do concello de Sober vexa: Lugares de Sober.

Política[editar | editar a fonte]

Elecciones municipales
Partido 1999 2003 2007 2011 2015 2019
PPdeG 7 8 8 7 7 8
IG-Vivo 2
PSOE-PSdeG 3 2 1 2 2 1
PDDdG 2
BNG 1 2 2
Agroma 1
Total 11 11 11 11 11 11

Deporte[editar | editar a fonte]

No concello hai dous equipos de fútbol, o CD Sober, que xoga os seus partidos en Centeás, e o CD Río Sil, que xoga no campo da Carqueixa. Os dous xogaban na tempada 2018/19 na Terceira Autonómica de Galicia.

Galería de imaxes[editar | editar a fonte]

Artigo principal: Galería de imaxes de Sober.

Parroquias[editar | editar a fonte]

Galicia | Provincia de Lugo | Parroquias de Sober

Amandi (Santa María) | Anllo (Santo Estevo) | Arroxo (San Martiño) | Barantes (San Xoán) | Bolmente (Santa María) | Brosmos (Santa Cruz) | Bulso (San Pedro) | Canaval (San Pedro) | Doade (San Martiño) | Figueiroá (San Salvador) | Gundivós (Santiago) | Liñarán (San Martiño) | Lobios (San Xillao) | Millán (San Nicolao) | Neiras (San Salvador) | Pinol (San Vicente) | Proendos (Santa María) | Refoxo (Santo Estevo) | Rosende (San Miguel) | San Martiño de Anllo (San Martiño) | Santiorxo (San Xurxo) | Vilaescura (Santa María)

Notas[editar | editar a fonte]

Véxase tamén[editar | editar a fonte]


Este artigo tan só é un bosquexo
 Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.