Becerreá

Becerreá
Localización
	42°51′04″N 7°10′23″O / 42.851111111111, -7.1730555555556
Estado	España
Comunidade autónoma	Galicia
Provincia	provincia de Lugo
Capital	Becerreá
Contén a división administrativa	Agüeira ; Armesto ; Becerreá ../... 26+
Poboación
Poboación	2.836 (2025) (16,57 hab./km²)
Xentilicio	becerreense
Xeografía
Parte de	Os Ancares
Superficie	171,2 km²
Altitude	668 m
Comparte fronteira con	Triacastela ; Navia de Suarna ; Cervantes ; Baleira ; Láncara ; Baralla ; As Nogais
Organización política
• Alcalde	Manuel Martínez Núñez
	Eleccións municipais en Becerreá
Identificador descritivo
Código postal	27640
Fuso horario	UTC+01:00
Código INE	27006
Sitio web	concellobecerrea.es

Para outras páxinas con títulos homónimos véxase: Becerreá.

Becerreá é un concello da provincia de Lugo, pertencente á comarca dos Ancares. Segundo o IGE en 2015 tiña 2987 habitantes (3250 no 2009, 3334 no 2006, 3389 no 2005, 3424 no 2004, 3442 no 2003). O xentilicio é becerrego ou becerreense.^[1]

Poboación

Censo total	2987 ⁽²⁰¹⁵⁾
Menores de 15 anos	207 (6,93 %)
Entre 15 e 64 anos	1714 (57,38 %)
Maiores de 65 anos	1064 (35,62 %)

Evolución da poboación de Becerreá Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
9153	7864	7015	5091	3424	3250	3121	3072	3048	2921	2987	2921	2856	2827	2818	2760	2826	2755	2711
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Historia

Hai restos arqueolóxicos de diversas etapas: a cova dos Penedos (Fraiás, San Pedro) e os castros de Castro de Castelo (Castro de Ouro, O Salvador), Castro de Guilfrei (Galgao, San Martiño) e castro de Guillén (Goás, San Pedro).

Na zona habitaban o pobo prerromano dos zoelas, que tiñan a súa capital no poboado de Ocellum Gallaicorum (actual Ouselle). Por alí pasaba a vía romana que unía Lugo e Astorga.

O liño zoélico tiña sona en Roma, sendo usado para a confección de pezas de roupa e para a curación de chagas e feridas. Se ben xa non se cultiva na zona, aínda se conservan na comarca antigas teas e útiles usados na súa elaboración.

Xa na época medieval, creouse na zona o mosteiro bernardino de Santa María de Penamaior, único cenobio galego dependente da abadía de Císter. Desta época consérvanse sepulcros medievais en Lagoa, San Vicente.

En 1809, durante a Guerra da Independencia Española os guerrilleiros locais lograron apoderarse dun numeroso arsenal bélico francés preto da ponte sobre o río Cruzul.

En Becerreá publicáronse os periódicos El Monitor de Becerreá e El Adoptivo.

Galería de imaxes

Artigo principal: Galería de imaxes de Becerreá.

Mapa das parroquias de Becerreá
Estrada N-VI ao seu paso pola vila.
Touro de Osborne en Becerreá.
Vídeo atravesando Becerreá pola N-VI.
Mosteiro de Santa María de Penamaior.

Becerreá na cultura popular

Cóntase a seguinte lenda sobre a Ponte de Gatín, ou Ponte do Demo, unha ponte medieval -con numerosas modificacións posteriores- sobre o río Navia. Coma resulta habitual, existen variantes.

Disque foi construído polo demo tras un pauto cos veciños do lugar a cambio da alma do primeiro que cruzase a ponte. Corre outra versión que di que foi o demo, aparecido en forma de gato (e de aí o topónimo), quen se ofreceu a facerllo a unha muller preñada a cambio do meniño que ía nacer (ou foi ós veciños a cambio do primeiro que nacese no lugar, confiando en que sería ese meniño), pero o que naceu antes foi un gatiño, que foi o que os veciños entregaron ó demo. Aínda hai unha terceira versión: había dous mozos namorados que vivían un a cada lado do río. O mozo, para evitar a volta que tiña que dar para ir ver á noiva, fixo un pauto co demo (que se disfrazara de gato) polo que lle entregaría o primeiro fillo que tiveran a cambio de facerlles unha ponte. Cando a moza pariu, o mozo levoulle un gato metido nun saco, que o demo aceptou antes de abrilo, salvando así ó seu fillo.^[2]^[3]

Lugares de Becerreá

Para unha lista completa de todos os lugares do concello de Becerreá vexa: Lugares de Becerreá.

Parroquias

Galicia | Provincia de Lugo | Parroquias de Becerreá

Notas

↑ Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 42. ISBN 978-84-8158-706-7.
↑ Secretos de Galicia III, La Voz de Galicia, 2022, pp. 62-63.
↑ Galiciamaxica.eu [visitado o 2.12.2025].

Véxase tamén

Outros artigos

Eleccións municipais en Becerreá

Ligazóns externas

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Costas González, Xosé-Henrique (2016). Os xentilicios de Galicia e dos outros territorios de lingua galega (PDF). Vigo: Universidade de Vigo. p. 42. ISBN 978-84-8158-706-7.

[2] Secretos de Galicia III, La Voz de Galicia, 2022, pp. 62-63.

[3] Galiciamaxica.eu [visitado o 2.12.2025].

[1]

[2]

[3]