Baralla

Na Galipedia, a Wikipedia en galego.

Coordenadas: 42°53′N 7°15′W / 42.883°N 7.250°W / 42.883; -7.250

Baralla
Bandeira de Baralla---Escudo de Baralla
Igrexa parroquial de Baralla. Galiza 2.jpg

Igrexa de Santa María Madalena de Baralla.
Situacion Baralla.PNG
Situación
Xentilicio[1] Barallense
Xeografía
Provincia Provincia de Lugo
Comarca Comarca dos Ancares
Poboación 2.774 hab. (2014)
Área 141,2 km²
Densidade 19,65 hab./km²
Entidades de poboación 28 parroquias
Capital do concello Baralla
Política (2011)
Alcalde Manuel Jesús González Capón
Concelleiros BNG: 2
PPdeG: 8
PSdeG-PSOE: 1
Outros: -
Eleccións municipais en Baralla
Uso do galego[2] (2011)
Galegofalantes 85,17%
Na rede
www.concellobaralla.es
contacto@concellodebaralla.org

Baralla é un concello da provincia de Lugo, pertencente á comarca dos Ancares. Segundo o IGE en 2014 tiña 2.774 habitantes (2.889 no 2011,2.955 no 2009,3.100 no 2006, 3.134 no 2005, 3.193 no 2004, 3.242 no 2003). O seu xentilicio (véxase no Galizionario) é barallense.


Xeografía[editar | editar a fonte]

O concello recibe o nome da súa capital, que se sitúa na N-VI, eixo vertebrador das comunicacións no concello. Baralla sitúase no extremo oriental da Meseta Lucense e fai de transición coas Serras Orientais, pasando dos 600 metros de altitude aos 900. Os lugares máis altos atópanse na Serra de Picato (844 m), Serra do Galo (754 m), Rañadoiro (901 m), Penas da Cabra (943) e Serra da Lagoa (759 m). O río Neira é a vía fluvial máis importante.

A temperatura media anual é de 10 °C, oscilando entre os 3 °C do inverno e os 19 °C do verán. Recibe precipitacións abondosas, con frecuencia en forma de neve.

Poboación[editar | editar a fonte]

Censo Total (Habitantes) 2.774 (2014)
Menores de 15 anos 192 (6.92 %)
Entre 15 e 64 anos 1.538 (55.44 %)
Maiores de 65 anos 1.044 (37.63 %)
Evolución da poboación de Baralla   Fontes: INE e IGE.
1900 1930 1950 1981 2004 2009 2011 2012 2013 2014
5.955 6.345 7.198 4.484 3.193 2.955 2.889 2.834 {{{9}}} {{{10}}}
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Economía[editar | editar a fonte]

O 60 % da poboación dedícase ao sector primario, ocupándose en explotacións mixtas con gandería, aproveitamento forestal e agricultura. Destaca a gandería, especialmente de vacas de carne e leite, ademais dos porcos, ovellas e cabras. Hai algúns aserradeiros e algo de construción. A poboación está envellecida e nótase a proximidade de Lugo.

Historia[editar | editar a fonte]

Da época castrexa fican os castros de Lebruxo, Berselos e o de Santa Cruz (Sobrado de Picato).

Orixe do concello e do topónimo[editar | editar a fonte]

Trala división territorial de España en 1833 constituíronse os concellos de Neira de Rei e Neira de Xusá, mais en 1840 o primeiro integrouse no segundo. Até 1975 tivo como nome oficial en castelán Neira de Jusá, mais por acordo da corporación municipal de 1974, adoptouse como nome do concello o da súa capital, Baralla.

Segundo Menéndez Pidal, o topónimo Baralla procede do latín vara , varale, varal e varalia "seto de traveseiros", cun significado toponímico comparable ó de Cerca, Cercado, Valada ou Valadares. En 1125 consta baixo as denominacións de [in valle de] Pineira, ripa de Neira, villa que vocitant Baralia, in ripa de Neira ou villa vocitata Baralia.

Galería de imaxes[editar | editar a fonte]

Artigo principal: Galería de imaxes de Baralla.

Parroquias[editar | editar a fonte]

O Concello de Baralla seguindo o nomenclátor manexado polo Instituto Galego de Estatística IGE, está formado por 28 entidades colectivas de poboación ou parroquias.

Galicia | Provincia de Lugo | Parroquias de Baralla

Aranza (Santiago) | Arroxo (San Xoán) | Baralla (Santa Mª Madalena) | Berselos (San Martiño) | Costantín (Santa María) | Covas (Santiago) | Ferreiros (San Pedro) | Francos (San Salvador) | Guimarei (San Tomé) | Laxes (San Pedro) | Lebruxo (San Tomé) | Lexo (San Xoán) | Pacios (Santa María) | Pedrafita de Camporredondo (San Xoán) | Penarrubia (Santa María) | Piñeira (San Salvador) | Pol (Santa María) | Pousada (Santiago) | Recesende (San Cirilo) | Riba de Neira (Santalla) | San Martín de Neira de Rei (San Pedro) | San Miguel de Neira de Rei (San Miguel) | Sixirei (San Pedro) | Sobrado de Picato (Santa Cruz) | Vale (San Xurxo) | Vilachambre (Santa Mariña) | Vilarpunteiro (Santa Marta) | Vilartelín (Santa Eufemia)


Lugares de Baralla[editar | editar a fonte]

Para unha lista completa de todos os lugares do concello de Baralla vexa: Lugares de Baralla.

Notas[editar | editar a fonte]

Véxase tamén[editar | editar a fonte]

Commons
Commons ten máis contidos multimedia na categoría: Baralla Modificar a ligazón no Wikidata