Illas Estelas

As Estelas dende Monteferro, o fondo Cabo Silleiro.

Non confundir coa Ilhas Estelas, do arquipélago portugués das Berlengas.

As Illas Estelas (As Estelas) son un arquipélago galego da provincia de Pontevedra situado fronte á península de Monteferro, na parroquia de Panxón (Nigrán).

Características

Está composto por dúas illas maiores: Estela de Dentro, de 29 metros de altitude e 9,6 hectáreas, e Estela de Fóra con 20 metros de altitude e 7 hectáreas, e un grupo de illotes chamados As Serralleiras, ademais doutros illotes menores e varias penedos. En total o arquipélago suma 19 hectáreas de superficie. As dúas illas maiores son de aparencia amesetadas, rodeadas de arrecife e cubertas de vexetación arbórea e arbustiva. Carecen de construcións e constitúen un importante banco marisqueiro.