Illa Pancha

Na Galipedia, a Wikipedia en galego.
Saltar ata a navegación Saltar á procura
Illa Pancha
Faros da Illa Pancha en Ribadeo.jpg
Faros da Illa Pancha.
Illa Pancha en Lugo
Illa Pancha
Illa Pancha
Localización no mapa provincial.
Situación
PaísGaliza Galiza
ProvinciaLugo
MarMar Cantábrico
Coordenadas43°33′23″N 07°02′30″O / 43.55639, -7.04167Coordenadas: 43°33′23″N 07°02′30″O / 43.55639, -7.04167
Xeografía
Superficie0´011 km²
Demografía
PoboaciónDeshabitada
Illa Pancha en xullo de 2015.

A illa Pancha é o extremo occidental da saída da ría de Ribadeo. Está situada na punta nordeste do concello de Ribadeo, e acolle o principal faro da contorna. Está unida a terra por unha ponte refeita con formigón armado no ano 1983.[1]

Ten unhas 1,1 hectáreas e orografía escarpada e recortada, aínda que chá no seu cumio, onde está instalado o vello faro de Illa Pancha, construído en 1857. O novo faro, na zona norte, é do último cuarto do século XX.

A illa tivo unha estación meteorolóxica a finais dos anos 1920.[2]

A súa costa é rochosa e ten vexetación de plantas costeiras que lle dá unha cor moi variable ó longo do ano, incluída a invasora 'unlla de gato'. Próximo a ela está o miradoiro da Illa Pancha, incluído na ribadense Ruta dos Miradoiros.

No ano 2014 comezou o proceso para que o faro sexa usado coma hotel, contando con oposición veciñal[3][4][5]. Está catalogada como Zona 2, Área de Conservación, dentro do Plan Director da Rede Natura 2000, zonas que a priori non están autorizadas para uso turístico.[6] Pese ó anterior, en abril de 2017 o vello edificio comezou a ter actividade como apartamentos turísticos.

A illa é administrada pola autoridade Portuaria de Ferrol-S. Cibrao.

Notas[editar | editar a fonte]

  1. "Faros de la Autoridad Portuaria de Ferrol - San Ciprián". La web de un farero. Consultado o 09/12/2016. 
  2. Resumen de las observaciones efectuadas durante el año 1929. Servicio Meteorológico Español. 1935. 
  3. "Etiqueta Illa Pancha". Ribadeando. Consultado o 09/12/2016. 
  4. "Comienzan las obrs para convertir el faro de illa Pancha en un hotel de lujo". La Voz de Galicia - A Mariña. Consultado o 09/12/2016. 
  5. La Voz de Galicia. "100.000 euros a obras y 15.600 de alquiler". Consultado o 20151028. 
  6. "O hotel da Illa Pancha chega ao Parlamento Europeo por posibles irregularidades en conservación da natureza". PREGUNTAS PARLAMENTARIAS - Xornal da AGEe. Consultado o 1 set de 2016. 

Véxase tamén[editar | editar a fonte]

Ligazóns externas[editar | editar a fonte]

Autoridade Portuaria de Ferrol-S.Cibrao (en castelán)