Matrimonio entre persoas do mesmo sexo

Na Galipedia, a Wikipedia en galego.
Celebración en España con motivo da aprobación do matrimonio homosexual.

O matrimonio entre persoas do mesmo sexo, tamén chamado matrimonio homosexual ou matrimonio gai, é o recoñecemento social, cultural e xurídico que regula a relación e convivencia de dúas persoas do mesmo sexo, con iguais requisitos e efectos que os existentes para os matrimonios entre persoas heterosexuais.

Índice

Recoñecemento [editar]

Taxa de nupcialidade de matrimonios homosexuais en España no 2008.      0,127 - 0,060      0,060 - 0,040      0,040 - 0,020      0,020 - 0,013

O matrimonio entre persoas do mesmo sexo -nos países en que se aprobou ata o de agora- estableceuse legalmente mediante a extensión da institución xa existente do matrimonio civil a aquelas parellas formadas por persoas do mesmo sexo. Polo xeral mantense a natureza, os requisitos e os efectos que o ordenamento xurídico viña recoñecendo previamente ós matrimonios.

Xunto á institución do matrimonio, e como alternativa ou, en ocasións, superpoñéndose á regulación do matrimonio entre persoas do mesmo sexo, existen institucións civís adicionais, moi diferentes entre cada país e comunidade, con denominacións distintas como "parellas de feito", "unións civís" ou "concubinatos" (entre outras denominacións), cada unha dunha natureza, requisitos e efectos ad hoc, segundo a realidade social, histórica, sociolóxica, xurídica e política do lugar. Estas institucións son consideradas polos movementos LGBT coma institucións apartheid e en moitos casos son criticadas por fomentaren a discriminación.

Historia [editar]

Tense constancia da existencia de prácticas homosexuais desde os mesmos albores da humanidade, en todas as épocas e as civilizacións, con diferentes graos de recoñecemento ou de aceptación social.

En Europa [editar]

  • Grecia antiga

A pederastia na Grecia antiga era unha práctica que se usaba no seo da aristocrática. Consistía nunha relación de tipo pedagóxico entre un adolescente e un home adulto. Dentro dela tiñan cabida os vínculos afectivos e sexuais, que eran socialmente aceptados. A expresión formal da relación pederasta variaba considerablemente dunha zona a outra. En calquera caso, as relacións amorosas entre un home e un mociño víanse como cousa normal e estaban reguladas legalmente[1].

  • Roma antiga

Como norma xeral na Roma antiga admítese o matrimonio entre home e muller. Porén, sábese dalgúns homes de posición social relevante que contraeron matrimonio con outros homes. Tal é o caso dos emperadores Adriano, Nerón ou Heliogábalo.

  • Europa medieval
Serxio e Baco uníronse en adelphopoiesis.
Artigo principal: Adelphopoiesis.

Na Europa medieval practicábase o rito da Adelphopoiesis, que tiña a súa orixe na igrexa grega (equivalente á Bratotvorenia nas igrexas eslavas)[2]. Tratábase dunha cerimonia de creación dun nexo de parentesco artificial, como se fai co apadriñamento ou coa filiación adoptiva. A nova relación é de tipo fraternal, normalmente entre homes, e con frecuencia era empregada para formalizar unha relación amorosa homosexual.[3] Os detractores do matrimonio homosexual negan este carácter da adelphopoiesis e preséntana como un rito simbólico de expresión dunha profunda amizade.[4]

  • Balcáns.
Artigo principal: Virxe xuramentada.

Unha virxe xuramentada é un rol social presente nas sociedades patriarcais dos Balcáns nos que debido a determinadas razóns algunhas mulleres optan por levar unha vida de home vivindo como tal e adoptan unha postura inflexible de castidade.

En América [editar]

  • Norteamérica.
Folla de Piñeiro, xefe berdache da tribo dos grow.
Artigo principal: Dous espíritos.

Os pobos amerindios do norte contemplaban a constitución de matrimonios nos que un dos homes adoptaba o rol feminino. Considerábase que este tiña ao mesmo tempo unha alma feminina e unha masculina.

  • Estados Unidos.

No século XIX e principios do XX, nos Estados Unidos, existiu o que se chamou Boston marriage[5]. Consistía na cohabitación de dúas mulleres independentes de todo home. Tratábase dunha relación amorosa, moitas veces de natureza platónica, sen necesidade de relacións carnais. O mesmo fenómeno ou variantes existiron en toda Europa na mesma época, sen denominación específica[6].

En África [editar]

Os matrimonios entre mulleres téñense documentado en máis de trinta pobos africanos. Entre eles están o Yoruba e o Ibo na África occidental; o Nuer en Sudán; o Lovedu, o Zulú e o Sotho na África do sur; e o Kikuyu e o Nandi na África oriental. O casamento ten a súa cerimonia e a súa dote, e a parella é admitida no seo da nova familia. A parella mantén a estrutura xerárquica do matrimonio heterosexual, que se estende á definición de cada unha delas como pai ou nai dos eventuais fillos. A paternidade resólvese coa axuda de homes amigos ou parentes da parella, que inseminan á muller que vai xestar o neno. Os matrimonios entre homes foron documentados en áreas moito menos extensas. Distínguense en que poden disolverse de mutuo acordo.

En Oceanía [editar]

Artigo principal: Fa'afafine.

Os Fa'afafine son un terceiro sexo na cultura de Samoa. Son bioloxicamente homes que durante a súa nenez foron elixidos para asumiren roles femininos polas súas familias. Esta práctica é aceptada pola sociedade samoana.

Artigo principal: Fakaleiti.

Os Fakaleiti (tamén chamados leiti, fakafefine ou lady) son homes tonganos que se comportan de xeito efeminado, ao contrario co resto dos homes da illa, que tenden a comportarse dunha maneira moi masculina.

En Asia [editar]

Na China, especialmente en Fujian e durante a dinastía Ming, estaban reguladas as unións matrimoniais entre homes e entre mulleres. As unións eran socialmente aceptadas e reguladas, con atención á dote, ao divorcio e á compra de mulleres para a reprodución. A unión duraba varios anos, despois dos cales o máis vello axudaba ao máis novo a formar unha familia heterosexual.

Distribución xeográfica actual [editar]

O que aquí se amosa é un tema de actualidade.
 Este artigo ou sección refírese a un tema de actualidade. A información fornecida aquí pode cambiar en calquera momento. Por favor, non achegues datos especulativos e lembra indicar referencias a fontes fiábeis.

Estados que o admiten [editar]

A extensión xurídica do matrimonio forma parte dunha tendencia xeral de recoñecemento da homosexualidade na sociedade occidental moderna. Actualmente os seguintes estados conceden aos seus cidadáns o dereito a estableceren unha relación matrimonial legalmente válida entre persoas do mesmo sexo:

En Europa [editar]

Status legal das parellas homosexuais en Europa.      Matrimonio homosexual recoñecido      Unións civís recoñecidas      Rexistro cohabitacional      Baixo discusión parlamentaria      Sen recoñecemento ou status descoñecido      Matrimonio homosexual prohibido

As relacións homosexuais despenalizáronse en 1811. Foi o primeiro país do mundo en aprobar o matrimonio entre persoas do mesmo sexo no ano 2001. A pesar de que mantivo vetada a adopción internacional ata o 2005, hoxe está permitida. Os territorios das Antillas Holandesas e Aruba, obrigados a recoñecer os matrimonios contraidos na metrópole, néganse a celebralos.[7]

Artigo principal: Matrimonio entre persoas do mesmo sexo en Bélxica.

O 1 de xuño do 2003 recoñeceu os casamentos entre persoas do mesmo sexo. En principio esta equiparación estivo reservada a parellas das que polo menos un dos seus membros fose belga e a aquelas constituídas en países que tamén recoñecesen este tipo de matrimonios. Unha reforma legal en outubro do 2004 pasou a permitir o casamento de parellas sen importar a súa composición, só co requisito de que un dos esposos teña un tempo de residencia no país de polo menos tres meses.

Artigo principal: Matrimonio entre persoas do mesmo sexo en España.

A modificación do Código Civil necesaria para facer posible o matrimonio entre persoas do mesmo sexo entrou en vigor tras a aprobación da lei 13/2005 o 2 de xullo do 2005.[8] O principal partido da oposición presentou un recurso ante o Tribunal Constitucional contra algúns dos puntos modificados pola lei, entre os cales se atopa a denominación do matrimonio e a adopción por parte de parellas homosexuais casadas. A sentencia pronunciouse o 6 de novembro de 2012, rexeitando o recurso por 8 maxistrados a favor fronte a 3 en contra [1].

Durante o ano 2007 celebráronse en España 3.250 matrimonios homosexuais, case un 29% menos que no ano 2006. Deles, celebráronse 77 en Galicia, 52 entre homes e 25 entre mulleres, o que representa unha das taxas máis baixas de España.[9] Aínda así, estímase que arredor de 18.000 parellas do mesmo sexo casaron en España entre o ano 2005 e o 2009, das cales un 64,8% estaban formadas por homes e un 35,2% por mulleres.[10] No ano 2009 en España celebráronse 175.952 casamentos, e deles 172.540 foron entre persoas de distinto sexo (21.482 menos que no 2008), mentres que 3.412 (o 1’94%) foron entre persoas do mesmo sexo (218 máis que no 2008). Destes últimos, 2.212 foron matrimonios entre homes, mentres que 1.200 foron matrimonios entre mulleres.[11]. Desde a aprobación da lei e ata o 2012 celebráronse en España 22.124 matrimonios homosexuais [2].

O 1 de abril do 2009 o Parlamento sueco aprobou por 261 votos a favor, 22 en contra e 16 abstencións a reforma da lexislación en materia de matrimonio. A devandita reforma entrou en vigor o 1 de maio do 2009. Suecia xa recoñecía ás parellas do mesmo sexo os mesmos dereitos que ás parellas casadas, incluída a adopción, pero baixo unha figura xurídica distinta. [12]

Dende xaneiro do 2009 é posible contraer matrimonio en Noruega para as parellas do mesmo sexo.[13] Antes diso había unha lei de unións civís dende 1993, que non permitía acceder á adopción ás parellas do mesmo sexo nin á inseminación artificial ás parellas de mulleres. Sorprendentemente mantense a prohibición de doar sangue para as persoas homosexuais.

A modificación do Código Civil que fai posible o casamento entre persoas do mesmo sexo entrou en vigor o 31 de maio do 2010.[14] Previamente o Tribunal constitucional de Portugal resolveu sobre a constitucionalidade desta lei nun proceso de fiscalización da legalidade requirido polo presidente da República.[15] Esta modificación lexislativa non equipara plenamente os matrimonios heterosexuais e homosexuais, pois non contempla a posibilidade de que estes poidan adoptar nenos. Antes, no ano 2008, fora rexeitada unha proposición lexislativa neste mesmo sentido.[16][17][18]

O 23 de marzo do 2010 o goberno islandés, presidido pola socialdemócrata Johanna Sigurdardóttir, primeira política lesbiana en ocupar o cargo de primeira ministra, presentou ante o Parlamento un proxecto de lei encamiñado a modificar a lei que regula o matrimonio para ampliar este dereito a parellas do mesmo sexo. Esta lei foi aprobada o 11 de xuño polo Parlamento por 49 votos a favor e ningún en contra, e entrou en vigor o 27 de xuño.[19] Unha das primeiras persoas en casar foi a Primeira Ministro.[20]

En América [editar]

Status legal das parellas homosexuais en América do Norte.      Matrimonio do mesmo sexo      Recoñecemento dos matrimonios estranxeiros      Outro tipo de unións civís      Cohabitación non rexistrada      Status descoñecido      Non recoñecido, sometido a discusión      Matrimonio do mesmo sexo prohibido      Matrimonio e unións civís do mesmo sexo prohibidas      Homosexualidade penada pola lei

O 29 de abril do 2005 o Parlamento canadense aprobou a lei por 158 votos a favor e 133 en contra. Nesa data a meirande parte das rexións do Canadá xa permitían os casamentos entre persoas do mesmo sexo.[21]

  • Nos Estados Unidos:
    • Connecticut: En outubro do 2008 a Corte Suprema de Connecticut decidiu, por 4 votos contra 3, fallar a favor de oito parellas que demandaron o estado por imposibilitarlles o acceso ao matrimonio civil. Tras a sentenza o estado emprendeu un proceso de reforma da lexislación reguladora do matrimonio, que culminou o 22 de abril do 2009 tras a súa aprobación pola Cámara de Representantes, por 100 votos a favor e 44 en contra, e polo Senado, por 28 votos a favor e 7 en contra.[22]
    • Iowa: O 3 de abril do 2009 a Corte Suprema do estado de Iowa sentenciou que a lei que prohibía ás parellas do mesmo sexo contraer matrimonio era discriminatoria e contraria ao principio de igualdade. Esta decisión puña fin á demanda presentada no 2005 por seis parellas contra o estado por impedirlles casar.[23]
    • Maine: O 6 de maio do 2009 a Cámara de Representantes do estado de Maine aprobou por 89 votos contra 57 a lei que permitirá o matrimonio entre persoas do mesmo sexo, e que fora aprobada polo Senado do estado o 30 de abril por 21 votos a favor, 13 en contra e unha abstención.[24] O gobernador John Baldacci non exerceu o seu dereito de veto.[25]
    • Massachusetts: Foi o primeiro dos estados norteamericanos que recoñeceu, no 2004, o dereito ao matrimonio entre persoas do mesmo sexo. En xullo do 2009 a fiscal xeral do estado, Martha Coakley, presentou unha demanda contra o Goberno federal por manter a DOMA (Defense of Marriage Act), a lei que impide o recoñecemento federal dos matrimonios entre persoas do mesmo sexo.[26] O 9 de xullo do 2010 unha sentencia resolveu dúas denuncias, unha delas presentada pola GLAD (Gay and Lesbian Advocates and Defenders) e a outra polo estado de Massachusetts, nas que declaraba inconstitucional a DOMA ao considerar que supón unha intrusión na capacidade de decisión dos estados en materia de familia.[27]
    • New Hampshire: O 1 de xaneiro do 2010 entrou en vigor a lei que permite o matrimonio entre persoas do mesmo sexo, aprobada o mes de xuño polo Senado do Estado de New Hampshire por 14 votos a favor e 10 en contra. A condición de non exercer o seu veto, o Gobernador, John Lynch, impuxo que as organizacións relixiosas e as igrexas quedasen exentas da obriga de celebraren ou proporcionaren asistencia a casamentos entre persoas do mesmo sexo.
    • Vermont: O proxecto de lei que fai posible o matrimonio para parellas do mesmo sexo presentouse o 5 de febreiro do 2009. Foi vetada polo Gobernador Jim Douglas. O 7 de abril a Cámara de Representantes do estado levantou o veto. Os primeiros casamentos celebráronse o 1 de setembro.
    • Washington D.C.: O 3 de marzo do 2010 entrou en vigor a lei aprobada polo City Council da capital federal o 15 de decembro do 2009 por 11 votos a favor e 2 en contra.[28] O Congreso dos Estados Unidos renunciou a facer uso da súa capacidade de veto.
    • Nova Jersey: O 7 de xaneiro do 2010 o Senado rexeitou por 20 votos contra 14 a lei que aprobaría o matrimonio para persoas do mesmo sexo.[29] Porén, o ordenamento xurídico deste estado recoñece os matrimonios entre persoas do mesmo sexo só a efectos de resolución de demandas de divorcio.[30]
    • En California no 2005 foi aprobada a reforma lexislativa necesaria para facer posible o matrimonio entre persoas do mesmo sexo, por 41 votos a favor e 35 en contra. No 2008 a Corte Suprema do estado declarou inconstitucional a prohibición do matrimonio entre persoas do mesmo sexo e legalizou o matrimonio. Esta decisión foi revertida cinco meses máis tarde por referendo o 4 de novembro, a través da chamada Proposición 8 que emendou a Constitución de California co fin de que o matrimonio só sexa entre un home e unha muller. Ficaron legais os 18.000 matrimonios homosexuais que se oficializaran ata ese momento.[31] Porén, un xuiz federal declarou inconstitucional a antedita Proposición 8, nunha sentencia cuxa apelación non está aínda resolta, polo que a posibilidade de contraer matrimonio permanece en suspenso para as parellas do mesmo sexo.[32][33] Porén estanse levando adiante singulares iniciativas que buscan poñer de relevancia a relatividade moral da derrogación do matrimonio homosexual en California, como aquela que, en virtude dos mesmos principios que levaron á súa prohibición, pide agora a abolición do divorcio.[34]
Status legal das parellas homosexuais na América Latina.      Matrimonios do mesmo sexo      Recoñecemento dos matrimonios estranxeiros      Outro tipo de unións civís      Sen unións civís      Pena menor      Pena maior      Cadea perpetua      Pena de morte
  • En México:
    • México D.F.: O 4 de marzo do 2010 entrou en vigor a reforma do Código Civil que permite o matrimonio entre persoas do mesmo sexo en México Distrito Federal, que fora aprobada pola Asemblea Lexislativa da capital o 21 de decembro do 2009 por 39 votos a favor, 20 en contra e 5 abstencións, nunha decisión que converteu a México DF no primeiro lugar da América Latina que recoñeceu o matrimonio entre persoas do mesmo sexo. A Procuradoría Xeral da República presentou perante a Corte Suprema un recurso de inconstitucionalidade que foi desestimado.[35] A capital mexicana xa contaba dende había dous años cunha Lei de Convivencia que equiparaba os dereitos das parellas homosexuais e heterosexuais. [36] En agosto do 2009 a Suprema Corte de Justicia de la Nación (SCJN) decidiu conceder validez en todo o país aos matrimonios celebrados na Cidade de Mexico[37] e recoñecerlles o dereito a optar á adopción de menores.[38]

A Cámara de Deputados arxentina aprobou o 5 de maio do 2010 un proxecto de lei presentado pola Federación Argentina de Lesbianas, Gays, Bisexuales y Transexuales (FALGBT), que permitiría o matrimonio entre persoas do mesmo sexo, por 126 votos a favor, 110 en contra e 4 abstencións.[39] A súa aprobación definitiva por parte do Senado produciuse o 15 de xullo do 2010, por 33 votos a favor, 27 en contra e 3 abstencións, nunha longa sesión de 15 horas na que se decidiu a modificación do Código Civil.[40][41][42] Dende decembro do 2009, en diferentes puntos do país (case todos na capital federal) celebráronse ata o momento nove matrimonios entre persoas do mesmo sexo, todos eles por mandato xudicial, de resultas de recursos presentados polos interesados.[43][44]

Noutros continentes [editar]

Artigo principal: Matrimonio entre persoas do mesmo sexo en Sudáfrica.

A Constitución sudafricana é unha das poucas do mundo que recoñece explicitamente o dereito á non discriminación por razóns de orientación sexual. Ademais disto, o país aprobou no 2006 o matrimonio entre persoas do mesmo sexo tras un ditame unánime do Tribunal Supremo, que considerou inconstitucional a súa prohibición. Isto contrasta coa situación vivida durante a época do apartheid, durante a cal as institucións levaron a cabo campañas de "curación" da homosexualidade a través do electrochoque e a castración química. Os propios costumes ancestrais do país son intolerantes á homosexualidade, como demostra a extensión de prácticas tales como as violacións correctivas a lesbianas.[45]

  • Israel: Non celebra matrimonios entre persoas do mesmo sexo, pero recoñece aqueles que foron celebrados noutros estados.

En tramitación [editar]

Outros estados atópanse en proceso de tramitación parlamentaria ou aprobación das reformas lexislativas necesarias para recoñeceren o matrimonio entre persoas do mesmo sexo:

  • Luxemburgo: O goberno de coalición formado polo Partido Popular Social Cristián e o Partido Socialista, constituído en xuño do 2009, incluía no seu programa de goberno a modificación do Código Civil para posibilitar que as parellas do mesmo sexo puidesen contraer matrimonio.[46][47] O proxecto de lei foi aprobado polo consello de ministros do 9 de xullo do 2010[48] e o seu trámite parlamentario iniciado o 10 de agosto dese mesmo ano.[49] Se non hai modificacións substanciais, recoñeceranse os matrimonios similares celebrados noutros países e, no referente á adopción de menores, permitirase ás parellas do mesmo sexo acceder á adopción simple, vetándolles o acceso á adopción plena. Tampouco se contempla a parentalidade automática do cónxuxe do pai biolóxico. No caso de matrimonios mixtos, só se permitirá con cidadáns de países que contemplen figuras análogas de matrimonio.[50]
  • Nepal: A redacción da nova Constitución garantirá o dereito a contraer matrimonio entre persoas do mesmo sexo. Darase cumprimento así ao ordenado polo Tribunal Constitucional en novembro do 2008.
  • Eslovenia: O Parlamento aprobou en marzo do 2010, por 46 votos a favor e 38 en contra, o proxecto de lei presentado polo Goberno do país en decembro do 2009, que permitiría o matrimonio entre persoas do mesmo sexo. A lei da resposta á esixencia do Tribunal Supremo esloveno, que en xullo do 2009 determinou que a actual lexislación de parellas de feito aprobada no 2006 é discriminatoria, dándolle ao Goberno un prazo de seis meses para reformala.[51]
  • Finlandia: O partido Coalición Nacional proporá o próximo congreso do partido a adopción dunha política favorable ao recoñecemento do matrimonio entre persoas do mesmo sexo. O seu socio de goberno, o Partido do Centro, móstrase de acordo. Espérase que esta iniciativa cobre forma xurídica antes das eleccións xerais do 2011 e que os primeiros casamentos se poidan realizar no 2012.[52]

Outros tipos de unións entre persoas do mesmo sexo [editar]

Alén do matrimonio, existen outras figuras que contemplan a convivencia de persoas do mesmo sexo:

Unións civís [editar]

Certificado de domestic partnership de California.

O resto dos estados non recoñecen aos seus cidadáns o dereito a formar parellas legalmente recoñecidas entre persoas do mesmo sexo. Porén, de entre eles algúns contemplan a posibilidade de constituír unións análogas ás matrimoniais, pero que non conceden aos contraentes os mesmos dereitos e, en ocasións, tampouco lles supoñen as mesmas cargas. Este tipo de unións civís reciben distinta denominación, dependendo do estado en cuestión.

Europa [editar]

  • Alemaña. Dende o 2009 varias sentencias xudiciais veñen recoñecendo ás parellas homosexuais certos dereitos que ata agora eran exclusivos das heterosexuais como, por exemplo, a percepción de pensións[53], a adopción dos fillos da parella[54] e as transmisións[55]. En xuño do 2010 un tribunal administrativo de Berlín determinou que o matrimonio dun cidadán alemán casado en Canadá cun español debe ser recoñecido en Alemaña como unión civil, recoñecemento que fai extensivo a outras parellas do mesmo sexo casadas no exterior.[56] Sorprendentemente, varias asociacións islámicas pronunciáronse a favor de reformar as leis para permitir o matrimonio entre persoas do mesmo sexo[57] e incluír a protección das minorías LGTB na Constitución.[58]
  • Andorra. No 2005 Andorra aprobou una lei de unións civís que recoñece boa parte dos dereitos dos que gozan as parellas casadas. Aínda que a lei non menciona o dereito á adopción, tampouco a prohibe.[59]
  • Austria. O 10 de decembro do 2009 foi aprobada a lei de unións civís. A lei, que entrou en vigor en xaneiro do 2010, outorga ás parellas do mesmo sexo a posibilidade de optar a unha fiscalidade común e a dereitos sucesorios e de seguridade social, pero non permite celebrar cerimonias formais nin adoptar en común. Tampouco permite ás parellas de lesbianas acceder aos tratamentos de reprodución asistida.[60]
  • Dinamarca. As relacións homosexuais son legais dende 1933 e a idade de consentimento é a mesma que para as relacións heterosexuais dende 1977. Dende 1989 hai unha lei de unións de parellas do mesmo sexo. No 2006 permitiuse ás lesbianas acceder á inseminación artificial e no 2009 aprobouse a igualdade coas parellas heterosexuais na adopción conxunta de menores.[61] A xerarquía da igrexa luterana danesa, que permite aos seus pastores bendicir as parellas do mesmo sexo unidas civilmente, é particularmente proclive á regulación do dereito destas a contraer matrimonio.[62]
  • Eslovenia. Conta cunha lei de parellas de feito dende o ano 2006. Recentemente o Tribunal Supremo esloveno dictamiinou que esta lei é discriminatoria coas parellas do mesmo sexo, motivo polo cal o goberno comezou a tramitación do proxecto de lei que permitirá o matrimonio para este tipo de parellas.[63]
  • España. En España, ademais da legalización dos matrimonios entre persoas do mesmo sexo, existen leis de parellas de feito en Navarra, o País Vasco, Aragón, Cataluña e a Comunidade Valenciana.
  • Finlandia. As relacións homosexuais foron despenalizadas en 1971 e a idade de consentimento foi igualada en 1999. Alén da previsible aprobación do matrimonio, esperada para o 2011, en Finlandia existe a posibilidade de constituír unións civís. Dende o 2009 concédese a adopción dos fillos da parella tamén dentro de aquelas formadas por dúas persoas do mesmo sexo.[64]
  • Francia. As relacións homosexuais foron despenalizadas en Francia en 1791, e en 1982 igualouse a idade de consentimento coas parellas heterosexuais. Dende 1999 o chamado Pacte Civil de Solidarité (PACS) concede algúns dos dereitos dos que gozan as parellas casadas a nivel patrimonial e algúns beneficios sociais. A adopción conxunta está prohibida, así como a reprodución asistida para mulleres lesbianas. As sucesivas iniciativas encamiñadas a ampliar o seu reducido alcance non tiveron éxito polo de agora.[65]
  • Hungría. As relacions homosexuais están despenalizadas dende 1962 para os maiores de 20 anos e a idade de consentimento é a mesma que para as relacións heterosexuais dende o ano 2002. Dende 1996 as parellas de feito, incluíndo as do mesmo sexo, gozan de certos dereitos, e en abril do 2009 foi aprobada unha lei específica para parellas de feito homosexuais.[66]. Dita lei concédelles moitos dos dereitos dos que gozan as parellas casadas, pero non inclúe a adopción conxunta nin o acceso das mulleres lesbianas á inseminación artificial. Sectores conservadores presentaron nove recursos de inconstitucionalidade contra esta reforma legal, pero foron desestimados polo Tribunal Constitucional húngaro.[67]
  • Illa de Jersey. O Parlamento aprobou unha lei de Partnership semellante á británica que outorga ás parellas do mesmo sexo unidas civilmente dereitos similares aos do matrimonio.[68]
  • Irlanda. Dende xullo do 2010 Irlanda recoñece as chamadas Relacións Civís, ás que concede equiparación ás parellas heterosexuais en materia de propiedade inmobiliaria, benestar social, dereitos de sucesión, manutención, pensións e impostos.[69] Despois de recibir a sanción da presidenta da república, está previsto que as primeiras unións se celebren en xaneiro de 2011.[70]
  • Luxemburgo. Alén da previsible reforma encamiñada a aprobar o matrimonio entre persoas do mesmo sexo, a vixente lei de unións civís será reformada para ampliar os dereitos que o estado lles concede a este tipo de parellas, especialmente en materia fiscal e laboral.
  • Reino Unido. As relacións homosexuais foron despenalizadas en Inglaterra e Gales en 1967, en Escocia en 1980 e en Irlanda do Norte en 1984. En 1988 Margaret Thatcher promoveu a Sección 28, unha lei que prohibía ás institucións públicas promover a aceptación da homosexualidade como unha realidade familiar máis. Dende o 2005 as parellas do mesmo sexo poden acceder a unha partnership que lles recoñece os mesmos dereitos que ás parellas casadas, incluída a adopción como padrastos ou madrastas. Unha organización LGBT promoveu unha modificación da lexislación en Escocia, pero a resposta do Parlamento escocés foi que unha reforma dese aspecto tocaba competencias que non estaban transferidas, como as leis migratorias ou sobre a herdanza[71].
  • República Checa. As relacións homosexuais en Checoslovaquia foron despenalizadas en 1962 e dende 1990 a idade de consentimento é a mesma que para as relacións heterosexuais. Dende o 2001 existe un rexistro de parellas de feito que inclúe as parellas homosexuais e dende o 2006 existe unha lei de unións civís, que non permite a adopción conxunta nin a inseminación artificial das mulleres lesbianas.[72]
  • Suíza. As relacións homosexuais están permitidas dende 1942 e dende o 2007 está en vigor unha lei de unións civís, aprobada mediante referendum cun 58% dos votos, que non concede o dereito á adoptar nin o acceso aos tratamentos de reprodución asistida. Con anterioridade, os cantóns de Xenebra e Zúric aprobaran leis de parellas.[73]

América [editar]

  • En México:
  • Nos Estados Unidos:
    • Hawai. O 6 de xullo do 2010 a gobernadora de Hawai vetou unha lei que tiña como obxectivo aprobar a unión civil para parellas do mesmo sexo. A devandita lei xa fora aprobada pola Cámara de Representantes e garantía ás parellas homosexuais os mesmos dereitos e beneficios que aos matrimonios. O argumento esgrimido foi que se trataba dunha lei que, de facto, implantaba o matrimonio para parellas do mesmo sexo. Os líderes da Cámara expresaron que non teñen previsto tratar de levantar o veto da gobernadora.[74]

Noutros continentes [editar]

  • Australia. A comezos do 2010 foi sometido a votación no Senado australiano un proxecto de lei que tiña como obxectivo implantar o matrimonio para parellas do mesmo sexo, e que foi rexeitado na súa votación o 26 de febreiro, como resultado dunha pouco corrente alianza entre laboristas e conservadores.[75] Tamén foi rexeitada a proposta do partido laborista, no goberno, para aprobar unha lei de unións civís para toda Australia, que viría unificar a heteroxénea ordenación vixente: nalgúns dos estados australianos son legais as unións civís, chamadas nalgúns lugares Civil Partnership e noutros Domestic Partnership, con aproximadamente iguales características; no resto do territorio existe un recoñecemento de facto das unións entre persoas do mesmo sexo, pero sen que haxa un rexistro oficial.[76]

Unións non reguladas [editar]

As unións non reguladas son realidade en todo o mundo, mesmo naqueles países onde a homosexualidade é reprimida e perseguida, aínda coa pena de morte. Nestes casos, a parella homosexual decide por propia convicción e de común acordo unirse en parella, recoñecéndose mutuamente dereitos e obrigas entre os seus propios integrantes, e en ocasións ante os membros do seu contorno máis próximo. Certos estados, sen recoñeceren un status legal a este tipo de unións, conceden aos seus membros certos beneficios equiparables a aqueles dos que gozan as parellas casadas.

  • Colombia. O 7 de febreiro de 2007 en Colombia, foron aprobados e recoñecidos os dereitos patrimoniais na decisión do fallo da Corte Constitucional que equipara ás parellas heterosexuais algúns dereitos en materia de saúde, pensións, patrimonio e estranxeiría.[77]
  • Brasil. Nove das provincias do Brasil recoñecen a unión estable entre persoas do mesmo sexo e está en marcha un proxecto de lei, presentado en 1995, que modificaría a lexislación federal nesta materia.[78] Por outra banda, nunha sentencia que senta xurisprudencia, o Superior Tribunal de Justiça do Brasil ao permitir a unha parella de mulleres lesbianas constar legalmente como nais de dúas nenas.[79]

Notas [editar]

  1. ↑ FOUCAULT, M. (1999). Historia de la sexualidad: La voluntad de saber. ISBN 9789682317354. (en castelán)
  2. ↑ HAGGERTY, G.E. (2000). Gay histories and cultures: an encyclopedia. Vol. 2. ISBN 9780815318804. (en inglés)
  3. ↑ BOSWELL, J. (1994). Same-Sex Unions in Premodern Europa. (en inglés).
  4. ↑ DAILEY, T.J. (2006). Oscura obsesion: Tragedia y amenaza del estilo de vida homosexual. ISBN 9780805432770. (en castelán)
  5. ↑ YALOM, M.; CARSTENSEN, L.L. (2002). Inside the American couple: new thinking/new challenges. ISBN 9780520229570. (en inglés)
  6. ↑ MOGROVEJO, N. (2000). Un amor que se atrevió a decir su nombre: la lucha de las lesbianas y su relación con los movimientos homosexual y feminista en América Latina. ISBN 9789688567258. (en castelán)
  7. ↑ HEKMA, G.. "The turn into the twenty-first century" (Html). www.glbtq.com. http://www.glbtq.com/social-sciences/netherlands,4.html. Consultado o 12/08/2010. (en inglés)
  8. ↑ "LEY 13/2005, de 1 de julio, por la que se modifica el Código Civil en materia de derecho a contraer matrimonio" (Pdf). 02/07/2005. http://www.boe.es/boe/dias/2005/07/02/pdfs/A23632-23634.pdf. Consultado o 12/06/2010. (en castelán)
  9. ↑ La Voz de Galicia, 05/07/2008. (en castelán)
  10. ↑ Nacho (24/06/2010). "18.000 parejas se han casado en España entre el año 2005 y el 2009". www.ambienteg.com. http://www.ambienteg.com/integracion/18000-parejas-se-han-casado-en-espana-entre-el-ano-2005-y-el-2009. Consultado o 24/06/2010. (en castelán)
  11. ↑ INE (22/06/2010). "Movimiento Natural de la Población e Indicadores Demográficos Básicos. Año 2009. Datos provisionales." (Pdf). www.ine.es. http://www.ine.es/prensa/np600.pdf. Consultado o 24/06/2010. (en castelán)
  12. ↑ FELGTB (03/04/2009). "A FELGTB celebra o avance dos dereitos LGTB en Suecia tras a aprobación do matrimonio" (Html). http://www.felgtb.org/es/notas-de-prensa/la-felgtb-celebra-el-avance-de-los-derechos-lgtb-en-suecia-tras-la-aprobacion-del-matrimonio. Consultado o 12/06/2010. (en castelán)
  13. ↑ "Noruega approves gay marriage" (Html). http://www.ichatgay.com/post/norway_approves_gay_marriage.html. Consultado o 12/06/2010. (en inglés)
  14. ↑ "Lei 9/2010 de 31 de maio. Permite o casamento civil entre pessoas do mesmo sexo" (Pdf). Diário da República. http://dre.pt/pdf1sdip/2010/05/10500/0185301853.pdf. Consultado o 12/06/2010 data=31/05/2010. (en portugués)
  15. ↑ Gabinete do presidente do Tribunal Constitucional (08/04/2010). "Nota de prensa" (Pdf). http://dn.sapo.pt/DNMultimedia/DOCS+PDFS/2010/Ac121-2010.pdf. Consultado o 12/06/2010. (en portugués)
  16. ↑ RELEA, F. (18/12/2009). "Portugal legaliza el matrimonio gay sin derecho a la adopción". www.elpais.com. http://www.elpais.com/articulo/sociedad/Portugal/legaliza/matrimonio/gay/derecho/adopcion/elpepisoc/20091218elpepisoc_7/Tes. Consultado o 28/06/2010. (en castelán)
  17. ↑ Redacción (18/12/2009). "Portugal legaliza o matrimonio homosexual, mais sen dereito de adopción". www.vieiros.com. http://www.vieiros.com/nova/77637/portugal-legaliza-o-matrimonio-homosexual-mais-sen-dereito-de-adopcion. Consultado o 28/06/2010. 
  18. ↑ Tribunal constitucional, Gabinete do Presidente. "Nota à Comunicaçao social" (Pdf). http://dn.sapo.pt. http://dn.sapo.pt/DNMultimedia/DOCS+PDFS/2010/Ac121-2010.pdf. Consultado o 28/06/2010. (en portugués)
  19. ↑ EFE (11/06/2010). "Islandia aprueba el matrimonio homosexual" (Html). www.publico.es. http://www.publico.es/internacional/319776/islandia/aprueba/matrimonio/homosexual. Consultado o 12/06/2010. (en castelán)
  20. ↑ FRANCE PRESSE (27/06/2010). "Premiê islandesa se casa no primeiro dia da lei de matrimônio gay". www.feminismo.org. http://www.feminismo.org.br/portal/index.php?option=com_content&view=article&id=1591:-premie-islandesa-se-casa-no-primeiro-dia-da-lei-de-matrimonio-gay&catid=94:lgbtt&Itemid=121. Consultado o 28/06/2010. (en portugués)
  21. ↑ "Canadá aprueba el matrimonio homosexual". www.elpais.com. 29/06/2005. http://www.elpais.com/articulo/internacional/Canada/aprueba/matrimonio/homosexual/elpporint/20050629elpepuint_3/Tes. Consultado o 13/06/2010. (en castelán)
  22. ↑ EDT (23/04/2009). "Vote caps decade-long gay marriage fight in Conn." (Html). www.365gay.com. http://www.365gay.com/news/vote-caps-decade-long-gay-marriage-fight-in-conn/. Consultado o 12/06/2010. (en inglés)
  23. ↑ "Katherine Varnum, Patricia Hyde, Dawn Barbouroske, Jennifer Barbouroske, Jason Morgan, Charles Swaggerty, David Twombley, Lawrende Hoch, William M. Musser, Otter Dreaming, Ingrid Olson, and Reva Evans vs. Timothy J. Brien, in his official capacities as the Polk County Recorder and Polk County Registrar" (Pdf). Corte Suprema de Iowa. 03/04/2009. http://www.desmoinesregister.com/assets/pdf/D213209243.PDF. Consultado o 13/06/2010. (en inglés)
  24. ↑ MALONE, S. (06/05/2009). "Maine takes step toward approving gay marriage" (Html). www.uk.reuters.com. http://uk.reuters.com/article/idUKTRE5445S220090505. Consultado o 12/06/2010. (en inglés)
  25. ↑ "Maine governor signs allowing gay marriage" (Html). www.foxnews.com. 06/05/2009. http://www.foxnews.com/politics/2009/05/06/maine-governor-signs-allowing-gay-marriage/. Consultado o 12/06/2010. (en inglés)
  26. ↑ BROWERMAN, N. (08/07/2009). "Mass. Files Suit Against DOMA" (Html). www.advocate.com. http://www.advocate.com/News/Daily_News/2009/07/08/Mass__Files_Suit_Against_DOMA/. Consultado o 12/06/2010. (en inglés)
  27. ↑ KEN, L. (08/07/2010). "Court deals blow to DOMA". www.advocate.com. http://www.advocate.com/News/Daily_News/2010/07/08/BREAKING_DOMA_Section_Ruled_Unconstitutional/. Consultado o 16/07/2010. (en inglés)
  28. ↑ URBINA, I. (15/12/2009). "D.C. Council Approves Gay Marriage" (Html). www.nytimes.com. http://www.nytimes.com/2009/12/16/us/16marriage.html?_r=1. Consultado o 12/06/2010. (en inglés)
  29. ↑ KOCIENIEWSKI, D. (07/01/2010). "New Jersey Senate defeats gay marriage bill". www.nytimes.com. http://www.nytimes.com/2010/01/08/nyregion/08trenton.html?_r=1. Consultado o 19/08/2010. (en inglés)
  30. ↑ VANASCO, J.. "Judge lesbian pair married in canada can divorce in New Jersey" (Html). www.365gay.com. http://www.365gay.com/news/judge-lesbian-pair-married-in-canada-can-divorce-in-nj/. Consultado o 13/06/2010. (en inglés)
  31. ↑ ALANDETE, D. (27/05/2009). "La justicia avala el veto al matrimonio gay en California". www.elpais.com. http:///articulo/sociedad/justicia/avala/veto/matrimonio/gay/California/elpepisoc/20090527elpepisoc_4/Tes. Consultado o 28/06/2010. (en castelán)
  32. ↑ WALKER, V.R. (2010 formato=Pdf editor=www.ecf.cand.uscourts.gov). "Kristin M. Perry, Sandra B. Stier, Paul K. Katami and Jeffrey J. Zarrillo vs. Arnold Scwarzenegger, in his official capacity etc.". https://ecf.cand.uscourts.gov/cand/09cv2292/files/09cv2292-ORDER.pdf. Consultado o 07/08/2010. (en inglés)
  33. ↑ LEFF, L. (17/08/2010). "Calif. gays must wait to wed during Prop 8 appeal" (Html). www.ajc.com. http://www.ajc.com/news/nation-world/calif-gays-must-wait-592981.html. Consultado o 18/08/2010. (en inglés)
  34. ↑ RESCUE MARRIAGE (04/07/2009). "2012 California Marriage Protection Act. Safeguarding marriage from the evils of divorce". www.rescuemarriage.org. http://rescuemarriage.org/. Consultado o 16/07/2010. (en inglés)
  35. ↑ EUROPA PRESS (29/01/2010). "El Supremo admite a trámite el recurso de la Procuraduría contra el matromonio y la adopción entre homosexuales" (Html). www.europapress.es. http://www.europapress.es/latam/mexico/noticia-mexico-supremo-admite-tramite-recurso-procuraduria-contra-matromonio-adopcion-homosexuales-20100129185638.html. Consultado o 12/06/2010. (en castelán)
  36. ↑ CAMARENA, S. (21/12/2009). "El matrimonio homosexual llega a Latinoamérica". www.elpais.com. http:///articulo/internacional/matrimonio/homosexual/llega/Latinoamerica/elpepuintlat/20091221elpepuint_17/Tes. Consultado o 28/06/2010. (en castelán)}
  37. ↑ MORA, E. (09/08/2010). "Corte: Matrimonios gay del DF, validos en todo el país". www2.esmas.com. http://www2.esmas.com/noticierostelevisa/mexico/nacional/194008/corte-matrimonios-gay-del-df-validos-todo-pais. Consultado o 12/08/2010. (en castelán)
  38. ↑ "Parejas gay en Ciudad de México podrán adoptar". www.semana.com. 16/08/2010. http://www.semana.com/noticias-mundo/parejas-gay-ciudad-mexico-podran-adoptar/143134.aspx. Consultado o 18/08/2010. (en castelán)
  39. ↑ "Acta de la votación en la Cámara de Diputados" (Pdf). www1.hcdn.gov.ar. 05/05/2010. http://www1.hcdn.gov.ar/dependencias/dselectronicos/actas/2010/128OE04_01_R07.pdf. Consultado o 12/06/2010. (en castelán)
  40. ↑ "El Senado convirtió en ley el matrimonio homosexual" (Html). www.clarin.com. 15/07/2010. http://www.clarin.com/sociedad/Senado-convirtio-Ley-matrimonio-homosexual_0_298770299.html. Consultado o 15/07/2010. (en castelán)
  41. ↑ FIORE, M. (15/07/2010). "El matrimonio homosexual ya es ley en la Argentina". www.losandes.com.ar. http://www.losandes.com.ar/notas/2010/7/15/sociedad-502606.asp. Consultado o 15/07/2010. (en castelán)
  42. ↑ VALLEJOS, S. (15/07/2010). "El derecho a la igualdad llegó al matrimonio" (Html). www.pagina12.com.ar. http://www.pagina12.com.ar/diario/elpais/1-149544-2010-07-15.html. Consultado o 15/07/2010. (en castelán)
  43. ↑ "Se celebró el sexto matrimonio gay en Capital Federal". www.losandes.com.ar. 03/06/2010. http://www.losandes.com.ar/notas/2010/6/3/un-493820.asp. Consultado o 03/07/2010. (en castelán)
  44. ↑ Poder Judicial de la Ciudad Autónoma de Buenos Aires (10/11/2009.). "Freyre Alejandro contra Gobierno de la Ciudad de Buenos Aires sobre amparo (Art. 14 CCABA)” , Expte: EXP 34292/0" (Pdf). www.dosmanzanas.com. http://www.dosmanzanas.com/wp-content/uploads/2010/01/Caso-Freyre-Alejandro-contra-GCBA-sobre-Amparo-Art.-14-CCABA-%E2%80%93-Expte-3429201.pdf. Consultado o 06/07/2010. (en castelán)
  45. ↑ MARTIN, A.; KELLY, A.; TURQUET, L.; ROSS, S. (marzal 2009). "Hate crimes: the rise of 'corrective' rape in South Africa. Informe de ActionAid" (Pdf). www.actionaid.org.uk. http://www.actionaid.org.uk/doc_lib/correctiveraperep_final.pdf. Consultado o 12/06/2010. (en inglés)
  46. ↑ PARANT, P. (21/07/2009). "Le Luxembourg devrait autoriser les mariages homosexuels". www.tetu.com. http://www.tetu.com/actualites/international/le-luxembourg-devrait-autoriser-les-mariages-homosexuels-15128. Consultado o 16/07/2010. (en francés)
  47. ↑ "Le gouvernement luxembourgeois veut légaliser les mariages gays". www.romandie.com. http://www.romandie.com/infos/ats/display2.asp?page=20090720235938160172019048000_brf064.xml. Consultado o 16/07/2010. (en francés)
  48. ↑ Sala de Prensa (09/07/2010). "Conseil de gouvernement. Résumé des travaux du 9 juillet 2010". www.gouvernement.lu. http://www.gouvernement.lu/salle_presse/conseils_de_gouvernement/2010/07-juillet/09-consgouv/. Consultado o 16/07/2010. (en francés)
  49. ↑ François Biltgen, Ministre de la Justice) (10/08/). "Projet de loi portant réforme du mariage et de l'adoption et modifiant le Code civil etc." (Pdf). Chambre des Deputes. http://www.chd.lu/wps/PA_1_084AIVIMRA06I4327I10000000/FTSByteServingServletImpl/?path=/export/exped/sexpdata/Mag/013/979/091728.pdf. Consultado o 26/08/2010. (en francés)
  50. ↑ Redacción (12/07/2010). "Mariage et adoption pour les homos: c'est en bonne voie au Luxembourg". www.tetu.com. http://www.tetu.com/actualites/international/mariage-et-adoption-pour-les-homos-cest-en-bonne-voie-au-luxembourg-17515. Consultado o 16/07/2010. (en francés)
  51. ↑ "El gobierno de Eslovenia propone al parlamento una ley de matrimonio entre personas del mismo sexo" (Html). www.dosmanzanas.com. 20/12/2009. http://www.dosmanzanas.com/2009/12/el-gobierno-de-eslovenia-propone-al-parlamento-una-ley-de-matrimonio-entre-personas-del-mismo-sexo.html. Consultado o 12/06/2010. (en castelán)
  52. ↑ "Gender-Neutral Marriage Law Possible by 2012" (Html). http://yle.fi.+07/2010. http://yle.fi/uutiset/news/2010/07/gender-neutral_marriage_law_possible_by_2012_1804013.html. Consultado o 06/07/2010. (en inglés)
  53. ↑ "High court backs equal rights for gay marriages" (Html). www.thelocal.de. 22/10/2009. http://www.thelocal.de/national/20091022-22757.html. Consultado o 08/08/2010. (en inglés)
  54. ↑ "High court proclaims gay adoption legal" (Html). www.thelocal.de. 26/08/2009. http://www.thelocal.de/society/20090826-21487.html. Consultado o 08/08/2010. (en inglés)
  55. ↑ "El Constitucional alemán prohíbe discriminar a los homosexuales en las herencias". www.lavanguardia.es. 17/08/2010. http://www.lavanguardia.es/ciudadanos/noticias/20100817/53985525974/el-constitucional-aleman-prohibe-discriminar-a-los-homosexuales-en-las-herencias.html. Consultado o 18/08/2010. (en castelán)
  56. ↑ WRITER, S. (16/16/2010). "German court says gay mans foreign marriage must be recognised as a partnership" (Html). www.pinknews.co.uk. http://www.pinknews.co.uk/2010/06/16/german-court-says-gay-mans-foreign-marriage-must-be-recognised-as-a-partnership/. Consultado o 18/06/2010. (en inglés)
  57. ↑ "Liberale Muslime setzen sich für Homo-Ehe ein". www.queer.de. 08.06.2010. http://www.queer.de/detail.php?article_id=12290. Consultado o 08/08/2010. (en alemán)
  58. ↑ "Artikel 3: Union und FDP blockieren". www.queer.de. 29.01.2010. http://www.queer.de/detail.php?article_id=11700. Consultado o 08/08/2010. 
  59. ↑ "Eurovisión 2009 en dos manzanas: Andorra" (Html). www.dosmanzanas.com. 29/04/2009. http://www.dosmanzanas.com/2009/04/eurovision-2009-en-dos-manzanas-andorra.html. Consultado o 08/08/2010. (en castelán)
  60. ↑ "Austria aprueba una ley de uniones civiles para parejas del mismo sexo" (Html). www.dosmanzanas.com. 11/12/2010. http://www.dosmanzanas.com/2009/12/austria-aprueba-una-ley-de-uniones-civiles-para-parejas-del-mismo-sexo.html. Consultado o 08/08/2010. (en castelán)
  61. ↑ "Denmark allows gay couples to adopt" (Htm). www.pr-inside.com. 17/03/2009. http://www.pr-inside.com/denmark-allows-gay-couples-to-adopt-r1121575.htm. Consultado o 10/08/2010. (en inglés)
  62. ↑ "Two thirds of Danes back gay Church weddings". AFP. 10/03/2010. http://www.google.com/hostednews/afp/article/ALeqM5j9Vpv1ONPjS5gJy4GeBDT667bs-A. Consultado o 10/08/2010. (en inglés)
  63. ↑ A.P. (10/07/2009). "Slovenian court: gay union law discriminatory" (Html). www.pr-inside.com. http://www.pr-inside.com/slovenian-court-gay-union-law-discriminatory-r1380742.htm. Consultado o 12/08/2010. (en inglés)
  64. ↑ "Finland allows gay couples to adopt partner's children" (Html). www.pinknews.co.uk. 15/05/2009. http://www.pinknews.co.uk/news/articles/2005-12468.html. Consultado o 10/08/2010. (en inglés)
  65. ↑ "Eurovisión 2009 en dos manzanas: Francia" (Html). www.dosmanzanas.com. 28/04/2009. http://www.dosmanzanas.com/2009/04/eurovision-2009-en-dos-manzanas-francia.html. Consultado o 10/08/2010. (en castelán)
  66. ↑ "Parliament passes same-sex partnership bill". www.caboodle.hu. 21/04/2009. http://www.caboodle.hu/nc/news/news_archive/single_page/article/11/hungarian_pa-18/?cHash=34fe177012. Consultado o 12/08/2010. (en inglés)
  67. ↑ DOMBOS, T. (23/03/2010). "Hungarian Constitutional Court affirms registered partnerships for gay couples" (Html). www.ukgaynews.org.uk. http://ukgaynews.org.uk/Archive/10/Mar/2401.htm. Consultado o 12/08/2010. (en inglés)
  68. ↑ GEEN, J. (20/10/2009). "Jersey votes to allow civil partnerships". www.pinknews.co.uk. http://www.pinknews.co.uk/2009/10/20/jersey-votes-to-allow-civil-partnerships/. Consultado o 16/08/2010. (en inglés)
  69. ↑ EFE (19/07/2010). "Irlanda reconoce los derechos de las parejas homosexuales de hecho". www.publico.es. http://www.publico.es/internacional/328610/irlanda/reconoce/derechos/parejas/homosexuales/hecho. Consultado o 19/07/2010. (en castelán)
  70. ↑ McGEE, H. (20/07/2010). "Signing into law of new civil Bill welcomed" (Html). www.irishtimes.com. http://www.irishtimes.com/newspaper/ireland/2010/0720/1224275075146.html. Consultado o 07/08/2010. (en inglés)
  71. ↑ Exclusive: SNP leader and Scottish first minister Alex Salmond answers your questions, Pink News, 5/5/2010
  72. ↑ "Laws in Czech Republic". www.prague.gayguide.net. http://prague.gayguide.net/Gay_Guide/Laws/. Consultado o 08/08/2010. (en inglés)
  73. ↑ OTTOSSON, D. (2006). "LGBT world legal wrap up survey" (Pdf). http://www.ilga-europe.org/europe/issues/international/lgbt_world_legal_wrap_up_survey_november_2006. Consultado o 10/08/2010. (en inglés)
  74. ↑ EFE (06/07/2010). "La gobernadora de Hawai veta la ley de unión civil para homosexuales". www.epa.eu. http://www.google.com/hostednews/epa/article/ALeqM5j67i6FFP8qB1qv18SoziBR18DlLw. Consultado o 19/08/2010. (en castelán)
  75. ↑ SCHUBERT, M. (26/02/2010). "Senate rejects gay marriage bill" (Html). www.theage.com.au. http://www.theage.com.au/national/senate-rejects-gay-marriage-bill-20100225-p5zv.html. Consultado o 19/08/2010. (en inglés)
  76. ↑ "Rudd rejects civil unions". www.starobserver.com.au. 28/04/2009. http://www.starobserver.com.au/news/2009/04/28/rudd-rejects-civil-unions/5881. Consultado o 19/08/2010. (en inglés)
  77. ↑ "42 disposiciones modificó la Corte Constitucional para amparar derechos de las parejas gay". www.eltiempo.com. http://www.eltiempo.com/colombia/justicia/42-disposiciones-modifico-la-corte-constitucional-para-amparar-derechos-de-las-parejas-gay_4780782-1. Consultado o 18/08/2010. (en castelán)
  78. ↑ "Entrevista a Antonio Reis (ABGLT)" (Html). www.dosmanzanas.com. 13/10/2009. http://www.dosmanzanas.com/2009/10/entrevista-a-antonio-reis-abglt-%E2%80%9Cse-ha-experimentado-un-gran-avance-en-materia-de-libertades-sexuales-durante-los-dos-mandatos-del-presidente-lula%E2%80%9D.html. Consultado o 18/08/2010. (en castelán)
  79. ↑ STJ (27/04/2010). "STJ mantém adoção de crianças por casal homossexual". www.stj.gov.br. http://www.stj.gov.br/portal_stj/publicacao/engine.wsp?tmp.area=398&tmp.texto=96931. Consultado o 18/08/2010. (en portugués)

Véxase tamén [editar]

Outros artigos [editar]

Ligazóns externas [editar]

Orientación e identidade xenérico-sexuais
Identidades do xénero
Terceiro xénero
Orientacións sexuais
Roles de xénero
Home · Muller · Boi · Genderfuck · Womyn
Véxase tamén
Traído desde "http://gl.wikipedia.org/w/index.php?title=Matrimonio_entre_persoas_do_mesmo_sexo&oldid=2985255"